Hebru 3:12 - Tedim Bible

¹² Sanggamte aw, a nungta Pasian kiang panin a paikhia zah dingin thu um lo, a gilo na omkhak loh nadingun na kingaihsun un.

Tedim Bible Revision 2017

¹² Sanggamte aw, a nungta Pasian kiang panin a paikhia zah dingin thu um lo, a gilo na om khak loh nadingun na kingaihsun un.

Hebru 3:12 Iomraidhean Croise

Piancilna 8:21

Topa in a namtui gimnam a zak ciangin, a lungsim sungah, “Mihing’ gamtatna hangin leitang ka samsia kik ngei nawn kei ding hi. Bang hang hiam cih leh mihing’ lungsim ngaihsutna pen a tangval lai panin a gi lo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.

JOB (Job) 21:14

“Migilote in Pasian nawlkhin uh a, Pasian in amau’ nuntak ding a deihsakte thei nuam lo uh hi.

JOB (Job) 22:17

Hih mite pen Pasian a nial, Pasian in bangmah a cih thei lo dingin a ki-um mite ahi uh hi.

Late 18:21

Bang hang hiam cih leh Topa’ lampite ka tawn khin a, ka Pasian’ kiang panin gitlohna tawh ka paikhia kei hi.

Paunak 1:32

Bang hang hiam cih leh thu thei lote in pilna a don loh manun sihlawh uh a, mihaite in lunghihmawhna a neih loh manun siatlawh uh hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuauthu vive ahi hi.

Jeremiah 11:8

Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial veve uh ahih manin tua sunga thute a vekpi-in ka tungsak ding hi,” hong ci hi.

Jeremiah 16:12

Note, na pu na pate sangun na siahuaizaw uh hi. Bang hang hiam cih leh en un, note’ utna bang ciat na zui tentan uh a, ka thu nong ngai nuam kei uh hi.

Jeremiah 17:5

Topa in kong cihin-ah: “Mi bek muangin mi’ hatna bek suang a, Topa tawh a lungsim a kilehngat mi in hamsiatna a ngah ahi hi.

Jeremiah 17:9

“Na khempeuh lakah lungsim a khem hatpen hi a, a kisia pha mahmah ahi hi. Kua in lungsim theizo ding ahi hiam?

Jeremiah 18:12

Amaute in, ‘Tua bang gen kullo hi. Ko’ ngimna bangin ka gamta ding uh a, mi khempeuh ama lungsim sia’ deihna bangin a gamta ding uh hi,’ hong ci ding uh hi.

Jeremiah 2:13

Bang hang hiam cih leh ka mite in mawhna nam nih a bawlzo uh hi. Nuntakna ciktui ahi keimah a hong taisanzo uh hi. Tuikhuk totawm uh a, a tuikhuk tawh uh keu-in, tui a vung thei kei hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna-ah gam khempeuh hong kikhawmin, amaute in amau’ mawhnopna lungsim uh a zui tentan nawn kei ding uh hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.

Ezekiel 14:5

Tua milimte in keima kiang panin Israel mite paikhiatpih uh a, ahi zongin tua bangin ka dawnna tawh kei lamah ka mite ngahkik dingin ka kilamen hi.

Hosea 1:2

Topa in Hosea tungtawnin Israel-te tungah thu a na gen cil lai-in, amah in Hosea kiangah, “Hih gammite kei tungah citak loin pasian dangte bia uh ahih manin, nang zong hong tulpih lo ding numei paktat khat tenpih inla, tua nu tawh ta nei in,” a ci hi.

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Mattiu 24:4

Jesuh in amaute kiangah, “Kidawm unla, mite’ khemsa-in ta kei un.

Marka 13:23

Tua ahih manin kidawm un! A hun ma-in kong genkhin hi.

Marka 13:33

Tua hun ding thei lo na hih manun kikemin pilvang un.

Marka 13:9

“Limtakin kidawm un. Note hong kimanin thukhen zumah hong kipaipih ding a, kikhopna inn sungah zong hong kisat ding hi. Ukpite le kumpite mai-ah keima thu gen nading hun na ngah ding uh hi.

Luka 21:8

Jesuh in, “Kidawm unla, mi’ khemsa-in ta kei un. Bang hang hiam cih leh keimah a kineih mi tampi hong pai ding uh a, ‘Keimah, Khrih ka hi hi; a hun hong tungta hi,’ hong ci ding uh hi. Tua bang mite’ nung zuikha kei un.

ROM (Romans) 11:21

Pasian in oliv hiang ngeite dawm lo ahihleh note hong dawm tuan lo ding hi.

1 KORIN MASA 10:12

Lungkip takin ka omzo hi, ci-in a kingaihsun mite a pukkhak loh nadingun kikem uh hen.

Kolose 2:8

Khrih thu tawh a kituak lopi-in, tangthu tuanthu ahi a, huihlak a ukte’ thu siksanin ahi zongin, bangmahin a kimang lo leitung pilna tawh mite’ khemsa-in sila na suahkhak loh nadingun kingaihsun un.

1 THESALONIKA MASA 1:9

Note kiangah ka hong pai lai-un kote na hong limbawlna thu uh, le a nungta a man Pasian’ thu zui-in a bia ding le,

Hebru 10:31

A nungta Pasian’ khut sungah thumang loin i tunkhak ding a lauhuai mahmah ahi hi.

Hebru 10:38

Ahi zongin keima mi a thuman mite in ka thu umin nungta ding uh a, a nungkik a om uhleh tua mite tungah ka lungkim kei ding hi,” na ci hi.

Hebru 12:15

Pasian’ hehpihna a ngahlah na hihkhak loh nadingun na kidawm un. Zungkha a nei singkung hong khangin mi tampi gimsakin a siatsak bangin mite a siasak na hihkhak loh nadingun na kidawm un.

Hebru 12:22

Ahi zongin note pen Zion Mual, a nungta Pasian’ khuapi, vantung Jerusalem, simzawh loh vantung mite a omna,

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

Hebru 3:10

Tua ahih manin amaute tungah ka heh a, ‘Amaute citak lo niloh uh a, ka thukhamte zui nuam lo uh hi,’ ka ci hi.

Hebru 3:19

Tua ahih manin a up lohna uh hangin tawlngakna munah a lutzawh lohna uh i thei hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khrih in a piak ama sisan in na tam semkhia zozaw ding a, a nungta Pasian’ na i septheih nadingin bangmahin a kimang lo nasepna panin ama sisan in i lungsim hong siangsak ding hi.