Hebru 2:4 - Tedim Bible

⁴ Amaute’ thugenna banah Pasian in vangliatna lim, le nalamdang a tuamtuamte bawlna tawh hong genbeh lai hi. Tua banah ama hoihsak bangin Pasian in Kha Siangtho zong hong hawm lai hi.

Tedim Bible Revision 2017

⁴ Amauteʼ thugenna banah Pasian in vangliatna lim le nalamdang a tuamtuamte bawlna tawh hong gen beh lai hi. Tua banah ama hoihsak bangin Pasian in Kha Siangtho zong hong hawm lai hi.

Hebru 2:4 Iomraidhean Croise

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

Marka 16:20

Nungzuite zong mun khempeuhah pai-in thu a hilh uh hi. Topa in zong amaute’ nasep seppih a, a thuhilhnate uh man hi, ci-in a lahna-in amaute tungah vangliatna limte a pia hi.)

Marka 6:14

Kumpi Herod in Jesuh thu a kigengenna thu a za hi. Mi pawlkhat in, “Tuiphumpa Johan, sihna panin hingkik hi. Tua ahih manin hih vangliatnate nei hi,” a ci uh hi.

Johan 15:26

“Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

Johan 4:48

Jesuh in ama kiangah, “Note in lim le nalamdang lian ka bawl na muh kei uhleh Topa ka hihna thu na hong um kei ding uh hi,” a cih ciangin

Sawltak 14:3

Tua lai-ah sawltakte sauveipi tam uh a, Topa Jesuh thu hangtakin a hilh uh hi. Ama dikna thu a hilhnate uh man hi, ci-in a lah nadingin Topa in amaute tungah lim le nalamdang bawltheih nading vangliatna a pia hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesuh Khrih min vangliatna tawh hih mipa a ci damin hih lai-ah ding ahihna thu, note le Israel mi khempeuh in na theih dingun a kilawm thu khat ahi hi.

Sawltak 5:32

Hih thute thei-in teci a pangte pen ko sawltakte bek hi loin Kha Siangtho tawh zong ka hi uh a, tua Kha Siangtho pen amah a um mite tungah Pasian in a khongin a piak ahi hi,” ci-in a dawngkik uh hi.

Efesa 1:5

Pasian in Jesuh Khrih hangin ama mite ahi dingin eite a hong bawl ding a sehkholhsa hi a, tua bangin a hong bawl ding pen ama tupna le a utna ahi hi.

Efesa 1:9

Pasian in a pilna le a thumuhnate zangin ama geelsa bangin hong sem a, Khrih zangin a sepnop thusimteng eite tungah hong kilangsak hi.

Efesa 4:7

Ahi zongin eite khempeuh in Khrih hong piakna tawh kizui-in siamna a tuam khat ciat i ngah hi.

Hebru 6:4

A tawpkik khinsate a kisik kik nadingin kibawl zo lo hi. Pasian’ khuavak sungah amaute om khinin, vantung nopna ciam khinin, Kha Siangtho ngah khinin,