Hebru 2:2 - Tedim Bible

² Vantung mite in hong gen thute thuman hi a, tua thu a palsatte in a kilawm bangin gim thuak ding uh hi.

Tedim Bible Revision 2017

² Vantung mite in hong gen thute thuman hi a, tua thu a palsatte in a kilawm bangin gim thuak ding uh hi.

Hebru 2:2 Iomraidhean Croise

Late 68:17

Leeng muanhuai tul sawmnih, vantungmi a tultul tawh, Sinai mual pan siangtho munah Topa hong pai hi.

Gamlak-vakna 11:33

Sa a kigaih ma, amau’ ha kawmah sa a baang laipi mahin, mite’ tungah Topa hong heh mahmah a, Topa in gimna lianpi khat tawh mite a vatgawp hi.

Gamlak-vakna 16:49

Tu-in Korah’ tungtangah a site simloh, hih gimna tawh a si mi tul sawm le tulli le zasagih ahi hi.

Gamlak-vakna 21:6

Tua ciangin Topa in mite’ lakah gul guphate khah a, tuate in mite tu-in Israel mi tampi a si hi.

Gamlak-vakna 25:9

Ahi zongin gimna tawh a si mite tul sawmnih le tulli ahi hi.

Sawltak 7:53

Note in vantungmi tungtawnin Pasian’ hong piak thukham ngah napi-in na mang nuam kei uh hi,” a ci hi.

Galati 3:19

Tua ahihleh Thukham bangin a kimang ding ahi hiam? Khialhna cih bang ahi hiam, cih a kitheih nadingin thuciamna banah hong kipiathuah hi a, thuciam a kipiakna, Abraham’ suan pa’ hun ciang dong bek a kimang dingin a kingaihsun ahi hi. Mihingte tungah Thukham hong kipiak lai-in vantungmi hong kisawlsawn a, mihing ahi Moses tungah hong kipiasawn hi.

Thu-hilhkikna 17:12

Topa note’ Pasian’ mai-ah nasem dingin a ding siampipa’ thu ahi a, thukhen pa’ thu ahi zongin man lohna tawh a khengvala a gamta mi peuhpeuh kithat ding hi. Tua bangin Israel-te’ sung panin hoih lohna na siangsak ding uh hi.

Thu-hilhkikna 17:2

“Topa note’ Pasian in note hong piak khua khat peuhpeuh sungah numei ahi a, pasal ahi zongin, ama thuciamna palsatin, Topa na Pasian uh muhna-ah a sia-in a gamtatna kimu-in,

Thu-hilhkikna 17:5

numei ahi a, pasal ahi zongin tua banga a sia-in a gamta mi pen na khua pua uhah na paipih ding uh a, tua numei ahi a, pasal ahi zongin suang tawh na denglum ding uh hi.

Thu-hilhkikna 27:26

“‘Hih thute zuihna tawh hih thu a kipsak lo mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Thu-hilhkikna 32:2

Ka thuhilhte guahmal bangin zu-in, ka thugente daitui bangin kia hen la, lo ngeek tunga guah phin leh ankung tunga guahzu bang tahen.

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khen khenin thu na gen ngeizo hi.

Hebru 10:28

Moses Thukham a zui lote pen mi nih le thum in mawh mah hi, ci-in teci a pan’ khit nakleh kihehpih hetloin sihna kithuaksak hi.

Hebru 10:35

Tua ahih manin thaman lianpi a hong ngahsak thei na lungsim hanna uh na khahsuah kei un.

Hebru 11:26

Mailamah a thaman ding mukhol thei ahih manin Egypt gam sunga hauhna le nopsaknate khempeuh sangin Khrih hangin simmawhna thuak taakzaw tham hi, ci-in a ngaihsun hi.

Hebru 11:6

Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

2 PETER NIHNA 1:19

Tua ahih manin kamsangte’ gen thute a man taktak ahihna thu ka teltheih uh hi. Note’ lungsimah Zingsol hong suakin khua a hong vak matengin khuamial lak a mei taang bangin hih thute ngaihsun le-uhcin hoih mahmah ding hi.

Juda 1:5

Note in na theihsa uh ahi ta zongin ka hong phawksak nop thu in: Topa in Egypt gam panin Israel mite honkhia khin napi-in amah a um lo mite a nung ciangin susiagawp hi.