Hebru 2:17 - Tedim Bible

¹⁷ Tua ahih manin mihingte’ mawhna a kimaisak theih nadingin Pasian’ na a sepna-ah mite a dingin hehpihna le cihtakna tawh Siampi Lianpen a suahtheih nadingin a sanggamte tawh a kibangin mihing lim a hong puak ding a kisam ahi hi.

Tedim Bible Revision 2017

¹⁷ Tua ahih manin mihingteʼ mawhna a kimaisak theih nadingin Pasianʼ na a sepna ah mite adingin hehpihna le cihtakna tawh Siampi Lianpen a suah theih nadingin a sanggamte tawh a kibangin mihing lim a hong puak ding a kisam ahi hi.

Hebru 2:17 Iomraidhean Croise

2 KHANG TANGTHU NIHNATE 29:24

tua ciangin Israel khempeuh a dingin pumkhat suahna bawl nadingin siampite in go-in tuate’ sisan tawh biakna tau tungah khialhna hanga biakna a bawl uh hi. Bang hang hiam cih leh Israel khempeuh a dingin meihal biakna le khialhna hanga biakna a bawl ding uh kumpipa in thu pia hi.

Isaiah 11:5

Amah in thuman le thutak tawh ama mite uk ding hi.

Ezekiel 45:15

tuu na neih sung uh panin zanih ciangin khat hi ding hi. Hihte pen an tawh biakna, meihal biakna, thunuama biakpiaknate hi a, na mawhnate uh a maitheihna ding ahi hi. Topa Pasian in hih thu kong pia hi.

Ezekiel 45:17

Gam uk ulianpa in biakna-in piak ding ganhingte, an tawh biakna-in zat dingte, le pawi khempeuh, Khadet ni, Sabbath nite-in Israel mibuppite a dingin tuiphih biaknate a piak ding ama nasep ahi hi. Israel mite’ mawhna a maitheih nadingin mawhna hanga biakna, an tawh biakna, meihal biakna, le thunuama biakpiakna-in a zat dingte khempeuh amah in a si ding ahi hi.

Ezekiel 45:20

Tua bangmahin tua kha a ni sagih ni-in zong, tup lohpi le theih lohna hangin a khialkha mite a dingin siansuahna a bawl ding na hi uh hi. Tu-a bang danin biakinn a siangthosak ding na hi uh hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawmsagih mun sagih sung a kisehzo hi. Tua ciangin mawhna kimaisak ding a, a tawntung thutang thu a hong tung ding hi. Genkholhna le maangmuhna thu a mantakin hong tangtung ding a, a Siangtho Pen Mun biakinnpi kisiansuah ding hi.

Siampi Laibu 14:18

Siampipa in a khutsunga sathau omlai teng a kisiangthosak ding mipa’ lu nilh ding hi. Tua ciangin siampipa in ama a dingin Topa’ mai-ah kilemna bawlsak ding hi.

Siampi Laibu 16:16

Amah in tua bangin Israel mite’ nitna hang, amau’ thu palsatna hang, le amau’ khialhna khempeuh hangin siangtho mun adingin kilemna bawl ding hi. Amah in amau’ nitna sungah amau tawh a omkhawm kikhopna buk a dingin tua mah bangin a bawl ding hi.

Siampi Laibu 6:30

Ahih hangin siangtho munah kilemna bawl nadingin kikhopna buk sungah a kipaipih si a kilak khiatna, khialhna hanga biakna sa kine lo ding a, mei tawh kihal ding hi.

Siampi Laibu 8:15

Kilemna bawl nadingin Moses in a bawngtal go a, a si la-in a kiima biakna tau kite a khutme tawh nuhin, biakna tau siangthosak a, biakna tau bulah a site sungkhia-in a ap hi.

Gamlak-vakna 15:25

Siampipa in Israel mihonte khempeuh a dingin kilemna bawlsak ding a, amaute kimaisak ding hi. Bang hang hiam cih leh tua pen tatkhialhna hi a, amaute in tua amau’ tatkhialhna hangin Topa’ tungah mei tawh kihal amau’ biakna le khialhna hanga amau’ biakna uh Topa’ mai-ah paipih khin uh hi.

ROM (Romans) 15:17

Tua ahih manin Khrih tawh kikopin Pasian a’ ding na ka sepna-ah kei ka kisathei mahmah hi.

ROM (Romans) 5:10

Pasian tawh eite i kilangneih laitakin ama Tapa’ sihna hangin amah tawh hong kilemsak ahihleh tu-in Pasian tawh kipawl khinta ihih manin Khrih nuntakna in eite hong honkhiazo zaw kan ding hi lo ahi hiam?

Efesa 2:16

Singlamteh tungah a sihna tawh Khrih in kilangneihna beisak a, tua singlamteh hangin minam nihte pawlkhat suahin Pasian kiang a tunpih hi.

Kolose 1:21

A beisa hunah note’ lungsim gitlohna le gamtatsiatna hangin Pasian tawh kigamla-in Pasian’ gal na hi uh hi.

Hebru 10:21

Pasian’ innsung a uk siampi lianpen zong i nei hi.

Hebru 2:11

Mawhna panin mite a siangthosakpa le sianthosakna a ngah mite in, Pa, a kibang a neikhawm uh hi. Tua hi a, Jesuh in mite, “Sanggam,” a cih ding zum ngaihsut lo ahih manin,

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a sukgawp theih nadingin Jesuh in mihing pianzia mah hong nei phot hi.

Hebru 2:16

Ama lunghihmawh pen vantung mite hi lo a, Abraham’ suanlekhakte a lunghimawh ahihna thu hong kitel hi.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

Hebru 3:2

Pasian’ inn sungah na a sepna-ah Moses a cihtak mah bangin hih siampi nasep a sem dingin a seh Pasian’ tungah Jesuh a citak hi.

Hebru 3:5

Moses pen nasem khat hihna tawh Pasian’ inn sungah thu khempeuhah citak a, mailam hunah Pasian in a gen ding thute a gen hi.

Hebru 4:14

Tua ahih manin eite in Pasian’ omna vantung a va tung khinsa, Siampi Lianpen ahi Pasian’ Tapa Jesuh neikhin ihih manin i sansa upna thu kiptakin len ni.

Hebru 4:15

Eite’ neih Siampi Lianpen pa in i ginat lohna-ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Hebru 5:1

Siampi lianpen ahi peuhpeuh mipa pen a mite’ mawhna hangin Pasian’ tungah biakna le letsong a piaksak dingin ama mipihte lak panin kiteelin nasep a kiguan’ ahi hi.

Hebru 5:10

Melkhizedek gui zui-in siampi lianpen dingin Pasian in a bawl hi.

Hebru 5:2

Amah zong lam tampi-ah a ginalo thei mi mah ahih manin thu thei lo mite le a khial mite tungah lungnem takin na sem thei hi.

Hebru 5:5

Tua mah bangin Khrih zong, amahmah in siampi lianpen nasep a semtawm mawk hi loin Pasian in ama kiangah, “Nang, ka Tapa na hi hi. Tuni-in na Pa ka suak hi,” na ci hi.

Hebru 6:20

Tua lai munah eite’ tangin Jesuh na ma tun khinta a, siampi Melkhizedek gui zui-in a om tawntung ding siampi lianpen a suak hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesuh i neih a hoih mahmah ahi hi.

Hebru 7:28

Moses Thukham in siampi lianpen a sem dingin cingtaakna a nei thei lo mihing mah na seh a, ahi zongin tua Thukham nungah a hong piang Pasian’ thuciamna in a tawntungin a cingtaakin a kibawl Tapa, Siampi Lianpen dingin kiciamna tawh a na seh hi.

Hebru 8:1

Tu-in i gennop thu pen hih bang ahi hi: Vantungah Pasian’ tokhom taklamah a tu tua bang Siampi Lianpen khat a nei ihi hi.

Hebru 8:3

Pasian tungah letsong a tuamtuamte a pia ding le ganhing tawh biakna a pia dingin siampi lianpen a sem peuhpeuhte a kiseh ahih mah bangin eite’ Siampi Lianpen pa in zong bangkhat teitei a piak ding kisam hi.

Hebru 9:11

Ahi zongin tu-in a hoihzaw thu a sem ding Siampi Lianpen Khrih hong tung khinta a, ama lutna biakbuk pen a kipiangsak tawm, khut tawh a kibawl biakbuk hi loin a lianzaw, a cingtaakzaw mun ahi hi.