Hebru 13:4 - Tedim Bible

⁴ Mi khempeuh in nupa thu thupi ngaihsut uh hen la, zite pen pasalte tungah citakin, pasalte zong a zite uh tungah citak uh hen. Pasian in a thangtat mite le nulepa mawhna a gamta mite tungah thu khen ding hi.

Tedim Bible Revision 2017

⁴ Mi khempeuh in nupa thu thupi ngaihsut uh henla, zite pen pasalte tungah citakin, pasalte zong a zite uh tungah citak uh hen. Pasian in a thaangtat mite le nulepa mawhna a gamta mite tungah thu khen ding hi.

Hebru 13:4 Iomraidhean Croise

Piancilna 2:21

Tua ahih ciangin Topa Pasian in mipa ihmut suak mahmah sak a, ama ihmut kalin a nakguhte khat la-in tua mun pen satak tawh a dimsak hi.

Piancilna 2:24

Tua thu hangin pasal in a nu le a pa nusia-in a zi tawh kigawm a, amau tegel pum khat a bang uh hi.

2 KUMPI NIHNATE 22:14

Tua ahih ciangin siampi Hilkiah, Ahikam, Akbor, Shafan, le Asaiah te zong Harhas tapa Tikvah, a tapa Shallum, biakinn puan a kem pa’ zi kamsangnu Huldah kiangah a pai uh hi (tua laitakin Jerusalem khuasung a Veng Nihna-ah tua nu teng hi); tua ciangin tua nu tawh amaute kiho uh hi.

JOB (Job) 31:12

Ka neih khempeuh a kangtum thei mei husia tawh a kibang ahi hi.)

Isaiah 8:3

Tua ciangin ka zi tawh ka lumkhawm a, amah gai-in tapa khat hong nei hi. Tua ciangin Topa in ka tungah, “Ama min pen Mahershalahashbaz, ci-in phuak in.

Siampi Laibu 15:18

Pasal le numei a lupkhawm khit ciangin, amau tegel tui sungah kisil ding uh a, a nitak mateng a nin hi ding uh hi.

Siampi Laibu 18:20

Na vengpa’ zi tawh na lumkhawm kei ding a, tua nu tawh na kininsak kei ding hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeite’ thaman piakna-ah khemna a zangte; meigong, tagah, le gamdang mite a zawhthawh bawlte, le kei hong zahtak lo mi khempeuhte’ langkhatah thakhatin teci pangin thu ka khen ding hi.

1 KORIN MASA 6:18

Numei tawh mawhna na pelh un. Mi khat in a bawl mawhna tuamtuamte in ama pumpi sukha lo hi, a ci om hi. Ahi zongin numei tawh a mawhte, ama pumpi tungah a khial ahi hi.

1 KORIN MASA 6:9

Migilote, Pasian’ Ukna sungah a lut hetloh nading thu na thei uh hi. Note kihaibawl kei un. Numei tawh a paktatte, milim biate, mi zi ahih kei leh mi pasal tawh a mawhte, pasal le pasal a khialte,

1 KORIN MASA 7:38

Tua ahih manin a neite zong hoih a, a nei loin a kikem zote hoihzaw lai hi.

1 KORIN MASA 9:5

Sawltak dangte, Topa’ naute, le Peter mah bangin ka khualzinna-ah thu um mi ka zi a tonpih thei ding ka hi hi.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Galati 5:19

Tu-in mihing pianzia hong kitel a, tuate pen: Numei tawh mawhna, thangtatna, lanluat mana khialhna,

Galati 5:21

enna, zukhamna le biakna pawi-ah zukhamna a kipan adangdangte ahi hi. A beisa hunah ka hong hilhkholhsa bangin tu-in ka hong genkikin-ah: Hih bangin a gamta mite pen Pasian’ Ukna sungah omkha het lo ding hi.

Efesa 5:5

Nulepa khialhna a gamta mi, a kilawm lo-a a gamta mi, le a huaiham (huaihamna zong milim biakna zahin sia hi) mite in Khrih Ukna le Pasian Ukna sungah bangmah ngah nei het lo ding ahihna uh teltakin thei ta un.

Thu-hilhkikna 22:22

“Mi khat, midang khat’ zi tawh a lumkhawm a kimuh leh, numei tawh a lum pa le a numei, a nih tuakun kithat ding hi. Tua bangin Israel sung panin siatna na siangsak ding uh hi.

1 THESALONIKA MASA 4:6

Hih bang thute-ah kuamah in Khrih sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauhtakin note kiangah ka hong genkhol khinzo uh hi.

1 TIMOTI MASA 3:12

Upate pen zi khat bek a nei mi, a tate le a innkuansung hoihtakin a ukzote hi ding hi.

1 TIMOTI MASA 3:2

Tua ahih manin siate pen paubaanna a nei lo mi, zi khat bek a nei mi, lungsim hoih hithiat mi, thu a ngaihsun thei mi, a kilawm a kituakin a gamta mi, zin le leengla do a siam mi, thuhilh a siam mi,

1 TIMOTI MASA 3:4

A innkuan sung hoihtakin a ukzo mi, a tate thumangsak thei-in, na khempeuhah a kilawm a kituakin a gamtasak thei mi hi ding uh hi.

1 TIMOTI MASA 4:3

Tua bang mite in zi neih le pasal neih ding le an pawlkhat nek ding hoih lo hi, ci uh hi. Ahi zongin thu umin, thuman thutak a thei mite in lungdamna ko-in a nek dingin Pasian in tua ante a bawl ahi hi.

1 TIMOTI MASA 5:14

Tua ahih manin, i langte’ hong gensiat nading a om loh nadingin, a khangno lai meigong numeite in pasal nei-in, ta nei-in, amau innkuansung ukin a om ding uh ka deihzaw hi.

Titu 1:6

Upate pen paubaanna a om lote hi ding a, zi khat bek nei-in, a tate zong thu um mi hi-in, a thumang lo, a phengtat gawpte hi lo ding uh hi.

Hebru 12:16

Numei tawh a mawh mite suakkha kei unla, Esau bangin annek khat tawh innluah za a zuak mi na suahkhak loh nadingun kidawm un.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate, le zuaugen nuamsa-in zuau a gengen mite, khuapi pualamah a om uh hi.