Hebru 13:3 - Tedim Bible

³ Amaute tawh thong a kiakhawm bangin kingaihsunin thong sunga om mite na phawk un. Note zong leitung pumpi mah tawh a nungta lai na hih manun gimna a thuak mite na phawk un.

Tedim Bible Revision 2017

³ Amaute tawh thong a kia khawm bangin kingaihsunin thong sunga om mite na phawk un. Note zong leitung pumpi mah tawh a nungta lai na hih manun gimna a thuak mite na phawk un.

Hebru 13:3 Iomraidhean Croise

Piancilna 40:23

Ahi zongin an piapi pa in Josef phawk nawn lo a, amah mangngilh ta hi.

Mattiu 25:36

puan nei loin ka om laitakin puan nong guan uh a, ka cinat laitakin nong veh uh a, ka thongkiat laitakin nong hawh uh hi,’ a ci ding hi.

Mattiu 25:43

khualmi ka hih laitakin zin nong do kei uh a, puan ka neih loh laitakin puan nong guan kei uh a, ka cinat laitakin nong veh kei uh a, ka thongkiat laitakin nong hawh kei uh hi,’ a ci ding hi.

Sawltak 24:23

Paul cin ding tavuan a la bupa kiangah thu pia a, “Paul hoihtakin cingsak inla, ahi zongin a lawmte in a kisapna peuhpeuh a piaktheih nadingun kimuh theih nading hun pia zel in,” ci-in a vaikhak hi.

Sawltak 27:3

A zing ciangin Sidon khua ka tung uh a, Paul tungah bu Julias dik mahmah ahih manin a lawmte tawh a kimu ding le a lawmte in a kisapnate a piaktheih nadingin a paikhiasak hi.

ROM (Romans) 12:15

A lungdam mite lungdampih unla, a dah mite dahpih un.

1 KORIN MASA 12:26

Khat in natna ngah leh a vekpi-un thuakkhawm uh a, khat in pahtakna ngah leh a vekpi-un lungdam khawm uh hi.

Efesa 4:1

Tua ahih ciangin Topa’ na ka sepna hangin thong a kia keimah in note’ nuntakzia dingin a hong deihna tawh a kilawm a kituakin na nuntak nadingun ka hong hanthawn hi.

Kolose 4:18

Keimah Paul’ khut mahmah tawh, Note ka hong hopih hi, cihna lai ka gelh ahi hi. Sikkhau khihna ka thuakna thu mangngilh kei un. Note khempeuh tungah Pasian’ hehpihna thupha hong tung tahen.

Hebru 10:34

Note in a hoihzaw, a kipzaw nate a nei na hihlam uh kithei na hih manun thongkia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

Hebru 11:37

Suang tawh a kidenglum, sing-at tawh a kiphelkham, namsau tawh a kisatlum a om hi. Tuuvun peuh, keelvun peuh silhzo bekin, cimawhin zawng uh a, gimna le bawlsiatna a thuak uh hi.

1 PETER MASA 3:8

A tawpna-ah kong gennop thu in: Lungsim le ngaihsutna kikhat nei-in unau ki-itna lungsim nei unla, migi-in kiniamkhiat un.