Hebru 13:16 - Tedim Bible

¹⁶ Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

Tedim Bible Revision 2017

¹⁶ Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

Hebru 13:16 Iomraidhean Croise

Late 37:3

Topa muang inla, gamtat hoih in. Gam nuamah teng inla, thumanin om in.

Late 51:19

Tua ciangin biakpiakna man, meihal biakna le meihal biakpiakna bupah na lungkim ding a, na biakna tau tungah bawngtalte hong kipia ding hi.

Luka 18:22

Jesuh in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 9:36

Joppa khua-ah Pasian’ thu a um, Tabitha min nei numei khat a om hi. (Tua nu’ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

ROM (Romans) 12:13

Na Khristian pihte uh a kisapna bangin na neihsate uh na hawm unla, zin le leengla do a siam mite na hita un.

Galati 6:10

Tua ahih ciangin hunhoih i ngah simin midangte tungah a hoihin i gamta ding a, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

Galati 6:6

Pasian thu hilhna a za mipa in ama neih na hoihte khempeuh zong, amah a hilh pa tawh zangkhawm tahen.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huhtheih lai nadingin thatang tawh nasep ding kipan ta uh hen.

Filippi 4:14

Ahi zongin ka lungkham laitakin na hong huh manun hoih mahmah hi.

Filippi 4:18

Note’ hong piak nate kicing piikpeek hi. Epafroditas in note’ hong na khakte hong tunpih ahih manin ka kitangsapna khempeuh kicingkim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

1 THESALONIKA MASA 5:15

Gitlohna lamsang kuamah kithuk loin, note khatlekhat tung le mi khempeuh tungah a pha kibawl ding ngaihsutpi-in na nei un.

2 THESALONIKA NIHNA 3:13

Sanggamte aw, note in a hoihin gamtat ding na cimtak ngei het kei ta un.

1 TIMOTI MASA 6:18

A hoih nate semin, gamtat pha-in, citna lungsim nei-in midangte a hopnop nadingun na hilh in.

Filemon 1:6

Thu umte ihihna hangin Khristian sungah eite i kikholh manin, Khrih hangin i nuntakna sungah i ngah thupha a hoih khempeuh na theihna a kicin semsem nadingin thu ka ngen hi.

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

3 JOHAN THUMNA 1:11

Ka hong it lawm Gaias aw, mi hoih lote’ gamtatna zui kei inla, mihoihte’ gamtatna zui in. A gamtat hoih mite pen Pasian tawh a kipawl mi hi a, a gamtat hoih lo mite pen Pasian a thei nai lo ahi uh hi.