Hebru 13:12 - Tedim Bible

¹² Tua mah bangin Jesuh in zong ama sisan tawh mite’ mawhna a siansak theih nadingin khuapi pualamah a si hi.

Tedim Bible Revision 2017

¹² Tua mah bangin Jesu in zong ama sisan tawh miteʼ mawhna a siansak theih nadingin khuapi pua lamah a si hi.

Hebru 13:12 Iomraidhean Croise

Siampi Laibu 24:23

Tua ahih ciangin Moses in Israel mite tungah hih thu a gen hi. Amaute in a samsia mipa giahphual pualamah paipih uh a, suang tawh a denglum uh hi. Topa in Moses a thupiak bangin Israel mite in a hih uh hi.

Gamlak-vakna 15:36

Mihonte khempeuh in giahphual pua-ah amah paipih uh a, Topa in Moses a thupiak bangin suang tawh amah a denglum uh hi.

Luka 4:29

Amaute dingin khuanawlah Jesuh paipih uh a, khuanawl keenah a bungbu sawnkhiat dingin a paipih uh hi.

Johan 17:19

Nangma tungah thuman takin amaute zong hong ki-ap theih nadingun amaute ka khualna-in nangma tungah kei ka hong ki-ap hi.

Johan 19:34

Ahi zongin galkapte khat in a teipi tawh Jesuh’ pangpi a sut leh sisan le tui hong leengkhia hi.

Sawltak 7:58

khua pualamah kaikhia-in suang gol pipi a khiat uh hi. Hih thu-ah teci pangin Stefen a deng mite in a puantungsilh uh suahin Saul a kici tangval khat kiangah lawnin a kemsak uh hi.

1 KORIN MASA 6:11

Note pawlkhat, tua bangin na gamta uh hi. Ahi zongin note pen i Topa Jesuh Khrih le i Pasian’ Kha Siangtho hangin mawhna panin a hong kisiangsak khinsa, Pasian’ tungah a kipiasa, Pasian tawh a kipawlsa mite na hi uh hi.

Efesa 5:26

Pawlpi pen paubaanna a om het lo, a siangtho mahmahin Khrih kiangah a kipiak theih nadingin Pasian thu tawh tui-ah a silsiang khit ciangin Pasian kiangah a aptheih nadingin pawlpi a dingin Khrih a kipia ahi hi.

Hebru 10:10

Pasian’ deihna bangin Jesuh Khrih gamta a, a tawntungin a kimang paisuak dingin ama pumpi biakna-in khatvei a kipiakna hangin eite khempeuh i mawhna panin a siang ihi hi.

Hebru 10:29

Tua bang ahihleh Pasian’ Tapa a simmawh, mawhna a hong maisak Pasian’ thuciamna sisan a thudon lo, Pasian’ hehpihna a hong puak Kha Siangtho a hehsakte’ thuak ding bangzah takin lianzaw kan ding ahi hiam?

Hebru 2:11

Mawhna panin mite a siangthosakpa le sianthosakna a ngah mite in, Pa, a kibang a neikhawm uh hi. Tua hi a, Jesuh in mite, “Sanggam,” a cih ding zum ngaihsut lo ahih manin,

Joshua 7:24

Tua ciangin Joshua le amah tawh a om Israel-te khempeuh in Zerah’ tapa Akhan, le a ngun, a puan, a kham tawn, a tanute, a tapate, a bawngtalte, a late, a tuute, a puanbuk, le a neih khempeuh la uh a, amaute in Akhor Kuam ciangah tuate a paipih uh hi.

Mangmuhna 14:20

Khuapi pualamah kicil a, a cilna panin sisan vive luangkhia-in, pi nga bang thukin, tai zanih ciang bangah tuikhang bangin a luang hi.