Hebru 13:11 - Tedim Bible

¹¹ Jew Siampi Lianpen pa in mawhna hangin biak nadingin Siangtho Pen Munah a ganhing sisan paipih a, ahi zongin a ganhing pumpi pen giahphual pualamah kihaltum hi.

Tedim Bible Revision 2017

¹¹ Jew Siampi Lianpen pa in mawhna hangin biak nadingin Siangtho Pen Munah a ganhing sisan paipih a, ahi zongin a ganhing pumpi pen giahphual pua lamah kihal tum hi.

Hebru 13:11 Iomraidhean Croise

Paikhiatna 29:14

Ahih hangin bawngtal sa le a vun le a ekte, giahphual pua lamah mei tawh na hal ding hi. Tua pen khialhna hanga biakna ahi hi.

Ezekiel 43:21

Mawhna hangin biakna-in a kipia bawngtal pen la-in biakinn huang pualam, a mun hong kigenna sanah a hal ding na hi hi.

Siampi Laibu 16:27

Siangtho munah kilemna bawl nadingin hong kipaipih si a kilakna, khialhna hanga biakna bawngtal le keel pen giahphual pualamah kipuakhia ding a, a vun, a sa, le a ekte, mei tawh kihal ding hi.

Siampi Laibu 6:11

Tua ciangin amah in a puante suahin puan dang silh ding a, giahphual pualam a siangtho mun khatah a vutte puakhia ding hi.

Siampi Laibu 6:30

Ahih hangin siangtho munah kilemna bawl nadingin kikhopna buk sungah a kipaipih si a kilak khiatna, khialhna hanga biakna sa kine lo ding a, mei tawh kihal ding hi.

Siampi Laibu 9:11

A sa le a vunte ahihleh giahphual pualamah mei tawh a hal hi.

Siampi Laibu 9:9

Aaron’ tapate in ama tungah a si pia uh a, amah in a si sungah a khutme diahin biakna tau kite nuh a, biakna tau bulah a si vallai teng a sungkhia hi.

Gamlak-vakna 19:3

Siampi Eleazar kiangah na pia ding uh a, giahphual pualamah kipaipihin ama mai-ah kigo ding hi.

Gamlak-vakna 19:7

Tua ciangin siampipa in ama puante sawpin tui sungah kipumsil ding a, tua khit ciangin giahphual ah hong pai ding hi. A nitak mateng siampipa a nin hi ding hi.