Hebru 12:7 - Tedim Bible

⁷ Pasian’ hong thuhilhna na thuak ding mah uh ahi hi. Pasian in note ta-in hong ngaihsun ahih manin a thuak na hi uh hi. Pate’ thuhilhna le taiina a thuak lo ta kuamah om lo hi.

Tedim Bible Revision 2017

⁷ Pasianʼ hong thuhilhna na thuak ding mah uh ahi hi. Pasian in note ta-in hong ngaihsun ahih manin a thuak na hi uh hi. Pateʼ thuhilhna le taiina a thuak lo ta kuamah om lo hi.

Hebru 12:7 Iomraidhean Croise

2 SAMUEL NIHNA 7:14

Kei pen ama pa ka hi ding a, amah pen keima tapa hi ding hi. Amah in mawhna a bawl ciangin, keimah in mite’ ciangduai tawh amah ka thuhilh ding hi.

1 KUMPI MASATE 1:6

A pa David in, “Bang hangin tua bang tua bangin gamta na hi hiam?” ci-a dotna tawh khatvei beek amah tai ngei lo hi. Amah pen a melhoih mahmah mi khat zong ahi hi. Amah pen Absalom zom a suak ahi hi.

Paunak 13:24

A ta a tai nuam lote a ta mudah hi a, a ta a itte in limtakin thuhilhin a tai hi.

Paunak 19:18

Thu hong mantheih lai-in na ta thuhilh in; na hilh kei leh a siatna ding a deih na hi hi.

Paunak 22:15

Naupangte a hai gamtat a ngeina hi a, deihtakin pangbetna in mihoih suaksak thei hi.

Paunak 29:15

Ciangduai le tai-na in pilna guan a, a kikhahkhong ta in a nu maizumsak hi.

Paunak 29:17

Na ta thuhilhin tai lecin ama hangin na kipak ding a, na lung hong kimsak ding hi.

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

1 KORIN MASA 11:32

Ahi zongin eite in hih leitung mite tawh mawhsakna i thuakkhawm loh nadingin Topa in eite hong thuhilhin gim hong pia hi.

Thu-hilhkikna 8:5

Tua ahih manin mi khat in a tapa a khal bangin Topa na Pasian un note hong khalna thu na lungsim uhah thei un.

1 SAMUEL MASA 2:29

Tua ahih ciangin bang hangin keimah hong kibiaknate le ka thupiak ahi keimah hong kipiakte thusim loin, keima mi Israel-te’ piak a limci pen teng tawh note kithausakin, kei sangin na tapate pahtawi zaw na hi hiam?’ ci hi.

1 SAMUEL MASA 2:34

Na tapa nihte, Hofni le Finehas tungah hong tung ding hih thu pen nang a dingin lim hi ding hi. Amau tegel a ni kikhatin si ding uh hi.

1 SAMUEL MASA 3:13

A tapate in Pasian mindaisak a, amah in a tate kham lo ahih manin, ama theih a mawhna hangin ama innkuan gimna a pia tawntung ding ka hihna ama kiangah ka gen hi.