Hebru 12:5 - Tedim Bible

⁵ Pasian in note, tate, hong ci-in hong hanthotna thu mangngilh khinta na hi uh hiam? Pasian in note kiangah, “Ka ta aw, Topa’ hong thuhilhna zangkhai ngaihsut kei inla, gim a hong piak ciangin lungkia kei in.

Tedim Bible Revision 2017

⁵ Pasian in note, tate, hong ci-in hong hanthotna thu mangngilh khinta na hi uh hiam? Pasian in note kiangah, “Ka ta aw, Topaʼ hong thuhilhna zangkhai ngaihsut kei inla, gim a hong piak ciangin lungkia kei in.

Hebru 12:5 Iomraidhean Croise

JOB (Job) 34:31

“Job aw, Pasian’ tungah na khialhnate pulakin na khialh nawn loh nading thu ciam nai lo na hi hiam?

Late 118:18

Topa in nasia takin kei hong thuhilh a, ahih hangin kei hong sisak lo hi.

Late 119:109

Nisimin ka nuntakna a lauhuai sungah om ngitnget a, ahih hangin nangma thu ka mangngilh tuan kei hi.

Late 119:16

Nangma ngeina kipte-ah nuam ka sa ding a, nangma thu ka mangngilh ngei kei ding hi.

Late 119:67

Gim nong piak ma-in lam ka pial thei zel a, ahih hangin tu-in na thu ka zui hi.

Late 119:75

Topa aw, nangmah biakna ngeina kipte man hi, ci-in ka thei a, na thumanna hangin kei gim na hong pia hi.

Late 119:83

Bang hang hiam cih leh kei pen meikhu lak a a kikoihdak savun-um tawh ka kibang a, ahi zongin nangma ngeina kipte ka mangngilh tuan kei hi.

Late 94:12

Topa aw, migilote a dingin gum khat a kitawh hun mateng, haksat hun sungteng a tawlngak theih nadingin na thukham na hilh mi, na thuhilh mi, mi nuamsa ahi hi.

Paunak 3:1

Ka ta aw, kong thuhilhte mangngilh kei inla, kong thugente phawk tawntung in.

Paunak 4:5

Pilna le thu ngaihsut theihna na neihna ding hahkat in. Kong gen thute mangngilh kei inla, hoihtakin ngaihsun in.

Jeremiah 31:18

Efraim’ kahna aw ka zazo a, ‘Topa aw, bawngtal sin loh bangin kei nong thuhilh khinzo hi. Kong ciahkik theih nadingin hong lakik in; bang hang hiam cih leh nang pen Topa ka Pasian na hi hi.

Kah la 3:39

I mawhna hangin gim i thuak ciangin bang hangin phunphun ding ihi hiam?

Luka 24:6

Hih lai-ah om nawn lo hi; kithosak zo hi. Galilee gamah a om lai-in note kiangah thu hong genin,

Luka 24:8

Tua ciangin amaute in Jesuh’ thugente phawkkik uh a,

1 KORIN MASA 11:32

Ahi zongin eite in hih leitung mite tawh mawhsakna i thuakkhawm loh nadingin Topa in eite hong thuhilhin gim hong pia hi.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

1 TIMOTI MASA 1:20

Tua bang mite lakah Hymenaias le Alexander kihel uh a, Pasian gensiat nawn loh nading thu a phawktheih nadingun Satan’ khut sungah amaute ka ap hi.

Hebru 12:7

Pasian’ hong thuhilhna na thuak ding mah uh ahi hi. Pasian in note ta-in hong ngaihsun ahih manin a thuak na hi uh hi. Pate’ thuhilhna le taiina a thuak lo ta kuamah om lo hi.

Hebru 13:22

Sanggamte aw, hih ka hong laigelh pen sau khollo ahih manin hih ka hong hanthotna thute limtakin na ngaih nadingun ka hong thum hi.

Jeim 1:12

A hoih takpi mah hiam, ci-in sinna a thuak ciangin a nangzote a hampha mahmah ahi hi. Tua bangin a nangzote in, amah a itte tungah Pasian in a piak dingin a ciam nuntakna lukhu a ngah ding uh hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisik kik un.