Hebru 12:3 - Tedim Bible

³ Tua zahta-in mawhnei mite’ langbawlna a thuaknate ngaihsun unla, note lungkia loin khauhtakin om un.

Tedim Bible Revision 2017

³ Tua zahta-in mawhnei miteʼ langbawlna a thuaknate ngaihsun unla, note lungkia loin khauh takin om un.

Hebru 12:3 Iomraidhean Croise

Paunak 24:10

Haksatna na tuah ciangin na lung a kiat leh a ginalo mi na hi hi.

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.

Mattiu 11:19

Mihing Tapa hong pai leuleu a, zune anne-in a om ciangin, ‘Zuhai anhai pa; siahdongte le midangte in a kikholhpih nop loh mite tawh a kikhawlpa,’ ci leuleu uh hi. Ahi zongin Pasian’ pilna a man taktakna thu a gah panin hong kilang hi,” a ci hi.

Mattiu 12:24

Ahi zongin Farisi mite in hih thu a zak uh ciangin, “Dawimangpa Beelzebul min tawh dawi a hawlkhia hi lel hi,” a ci uh hi.

Mattiu 15:2

“Bang hangin na nungzuite in tangtawng pek panin a hong kihilh suksuk i pupa ngeinate zui lo uh ahi hiam? Amaute in an a nek ma-un a ngeina ding bangin a khut uh sil masa lo uh hi,” a ci uh hi.

Mattiu 21:23

Biakinn tual sungah Jesuh lutkik a, thuhilhin a om laitakin siampi liante le upate ama kiangah hong pai uh a, “Hih nate kua thu tawh bawl a, na bawl nading kua in aana hong pia ahi hiam?” ci-in a dot uh ciangin

Mattiu 21:46

Jesuh a man dingin kithawi uh a, ahi zongin mihonte in kamsang khatin ngaihsun uh ahih manin mihonte a kihtak manun a man ngam kei uh hi.

Mattiu 22:15

Tua ciangin Farisi mite paikhia uh a, a kampauna tawh Jesuh a mat theih nadingun thu a kikum uh hi.

Luka 14:1

Sabbath ni khatin Farisi mi upa khat’ inn-ah an ne dingin Jesuh pai a, mite in amah encik uh hi.

Luka 15:2

Farisi mite le Thukham hilh siate phun uh a, “Hih mipa, mawhneite tawh kikhawlin an nangawn nekhawm hi,” a ci uh hi.

Luka 16:14

Sum a deih phadiak Farisi mite in hih thute a zak uh ciangin Jesuh a nuihsan uh hi.

Luka 2:34

Tua ciangin Simeon in amaute thupha a piak khit ciangin naungek’ nu Mary kiangah, “Hih naungek pen, Israel mite sungah mi tampi in siatna a ngah nading, le mi tampi in hotkhiatna a ngah nading ahi hi. Mi tampi in hih naungek nial ding uh a,

Luka 5:21

Tua ciangin Thukham hilh siate le Farisi mite in a lungsim sung uhah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Johan 10:20

Mi tampi tak in, “Hih pa pen dawivei, mihai hi lel ahih manin a thugen ngaih taak lo hi,” ci uh a,

Johan 18:22

Hih bangin Jesuh a pau ciangin biakinncing palikte khat in Jesuh beeng a, “Bang hangin hih bangin siampi lianpen pa tungah kampau ngam na hi hiam?” a ci hi.

Johan 5:16

Tua ahih manin Jesuh in Sabbath ni-in cina a damsakna hangin amaute in Jesuh bawlsiat ding a kipan uh hi.

Johan 7:12

Ama thu hangin mihonte lakah kam kihona tampi om a, “Amah mi hoih mahmah khat hi,” ci uh a, pawlkhat in, “Mi khemin a lam khialhpih ding pa ahih manin mihoih hi het lo hi,” a ci uh hi.

Johan 8:13

Tua ciangin Farisi mite in, “Nang le nang a kigentawm na hih manin na thugente a manin kisang thei lo hi,” a cih uh ciangin

Johan 8:52

Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.

Johan 8:59

Tua bang a cih ciangin amaute in amah a den nading suang tawm uh a, ahi zongin biakinn sung panin Jesuh a gelkhia hi.

Johan 9:40

Ama kiangah a om Farisi mi pawlkhat in hih bangin a thugenna a zak uh ciangin, “Kote zong a mittaw-in hong ngaihsun na hi hiam?” ci-in a dong uh hi.

1 KORIN MASA 15:58

Tua ahih ciangin ka hong it sanggamte aw, Topa’ hangin na nasepnate uh a mawkna hi ngei het lo hi, ci-in na theih uh mah bangin Topa a dingin a tawntungin na sem unla, ling hetloin lungsim kiptakin na om ta un.

2 KORIN NIHNA 4:1

Pasian in hong hehpihna tawh hih nasep hong pia ahih manin ka thaneem hetkei uh hi.

2 KORIN NIHNA 4:16

Tua thu hangin ka lungkia tuan kei uh hi. Kote’ leitung pumpi in damdamin muatlam ding a manawh ahi zongin ka kha nuntakna uh a nini-in thaksuak semsem hi.

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

Thu-hilhkikna 20:3

amaute kiangah, ‘Israel-te aw, za un. Tuni-in na langte uh a do dingin na nai uh hi. Na lungsim uh lausak kei un. Lau kei un, ling kei un, amaute kihta kei un.

2 THESALONIKA NIHNA 3:13

Sanggamte aw, note in a hoihin gamtat ding na cimtak ngei het kei ta un.

Hebru 12:2

Eite hong makai-in i upna a hong cingtaaksak Jesuh mitsuanin nei ni. Mailamah a ngah ding lungdamna hangin maizumna kihta loin singlamteh tungah sihna hong thuak a, tu-in Pasian tokhom taklamah a tu hi.

Hebru 12:5

Pasian in note, tate, hong ci-in hong hanthotna thu mangngilh khinta na hi uh hiam? Pasian in note kiangah, “Ka ta aw, Topa’ hong thuhilhna zangkhai ngaihsut kei inla, gim a hong piak ciangin lungkia kei in.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

1 PETER MASA 2:23

Amah a kizahko ciangin na ko thuk lo hi. Gimna a thuak ciangin na tawnggawp lo a, a manin thu a khen Pasian muanin a na nei hi.

Mangmuhna 2:3

Note in lungduai takin thuakin, keima min hangin thuakzo-in, lungkia hetloin na omna uh ka thei hi.

1 SAMUEL MASA 12:24

Topa zahtak unla, na lungsim khempeuh uh tawh citakin ama na sem un; bang hang hiam cih leh note a dingin amah in na lian hong bawlsaksate ngaihsun un.