Hebru 12:26 - Tedim Bible

²⁶ Tuahun lai-in thu a gen ciangin leitung kiling a, ahi zongin tu-in amah in thu hong ciam a, “Leitung bek lingsak loin vantung tawh zong khatvei ka lingsak lai ding hi,” hong ci hi.

Tedim Bible Revision 2017

²⁶ Tua hun lai-in thu a gen ciangin leitung kiliing a, ahi zongin tu-in amah in thu hong ciam a, “Leitung bek liingsak loin vantung tawh zong khatvei ka liingsak lai ding hi,” hong ci hi.

Hebru 12:26 Iomraidhean Croise

Paikhiatna 19:18

Meikhu in Sinai Mual tuamcip hi. Bang hang hiam cih leh mei sung tua mualtungah Topa a kumsuk hi. A khu, meiphualpi khu bangin kahto a, a mual buppi nakpitakin kiling hi.

Isaiah 13:13

Tua ahih ciangin ka sinso ni-in Vanglian Topa ka hehna hangin vantung lausakin ka lingsak ding a, ama omna panin leitung kisingkhia ding hi.

Isaiah 2:19

Leitung a lingsakgawp dingin Topa a kipat ciangin amah kihtakna le a lian ama minthanna panin suanghawm sung le leihawm sungah mite bu ding uh hi.

Isaiah 66:22

Ka bawl ding vantung thak le leitung thak pen ahihleh keima mai-ah kip ding hi. Tua mah bangin na suan na khakte uh le na min uh kip ding hi, Topa in ci hi.

Joel 3:16

Zion Mual panin Topa hong hawksuk a, Jerusalem panin hong awngkek a, vanpi le leipi a ling damdam hi. Ahi zongin Topa pen ama mite’ belh pa hi a, Israel mite a hu ding hi.

Habakkuk 3:10

Mual liante in nang hong muh ciangin ling uh a, van panin guah tampi hong zu hi. Leinuai-a om tuite ging zuazua a, tuihualte in a sangpipi banto hi.

Haggai 2:21

“Vanpi le leipi a lokgawp ding ka hihna thu, Judah gam ukpa Zerubbabel kiangah gen in.

Haggai 2:22

Kumpipa’ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal ding a, sakol leengte le a tung tuangte puk ding uh a, amaute khatlekhat kithatlum ding uh hi.

Hebru 12:27

“Khat vei lingsakkik lai ding,” a cih ciangin a kipiangsak nate kilingsakin kipaikhia ding a, a kilingsak lo nate kip lai ding ahihna thu hong kilangsak hi.

Thukhente 5:4

Topa aw, Seir panin na paikhiat ciang, Edom gam panin na paikhiat ciang, leitung ling a, vantung panin guah zu hi. Hi hi, meiite in tui hong khia a,