Hebru 12:22 - Tedim Bible

²² Ahi zongin note pen Zion Mual, a nungta Pasian’ khuapi, vantung Jerusalem, simzawh loh vantung mite a omna,

Tedim Bible Revision 2017

²² Ahi zongin note pen Zion Mual, a nungta Pasianʼ khuapi, vantung Jerusalem, sim zawh loh vantung mite a omna,

Hebru 12:22 Iomraidhean Croise

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulianpa’ kammalte khempeuh Topa na Pasian in za-in, Topa na Pasian in a zaksa thute nialkhin kha ding hi. Tua ahih ciangin a omlai mite a dingin thu ngen in,’ ci hi,” a ci uh hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

Late 42:2

A nungta Pasian kong deih hi. Cik ciangin kei hong pai-in Pasian’ maitang hong mu thei ding ka hi hiam?

Late 48:2

Kumpi lianpa’ khuapi, leilu lama a om ama mual siangtho hoihin a sang mahmah Zion mual pen leitung khempeuh’ lungdamna ahi hi.

Late 68:17

Leeng muanhuai tul sawmnih, vantungmi a tultul tawh, Sinai mual pan siangtho munah Topa hong pai hi.

Late 84:2

Ke’n ka lunggulh mahmah hi. Topa’ huangsung ka lunggulh mahmah a, ka lungsim le ka pumpi a nungta Pasian’ tungah lungdam mahmahin la a sa hi.

Late 87:3

Pasian’ khuapi aw, na minthanna teng hong kigengen hi.

Isaiah 12:6

Zion-a teng mite aw, nomau’ lakah Israel-te’ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Isaiah 14:32

Filistia mite in a hong sawl kamtaite mi khatpeuh in bangci dawn ding ahi hiam? “Topa in Zion kipsak khin a, gimna a thuak ama mite in tua sungah bukna mu uh hi,” ci-in a dawng ding uh hi.

Isaiah 24:23

Tua ciangin khapi mial ding a, ni taang nawn lo ding hi. Bang hang hiam cih leh Vanglian Topa in Zion Mual tung le Jerusalem khua sungah uk ding a, ama upate’ mai-ah ama minthanna vang kilangsak ding hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite le Egypt gam sunga a kihawlkhia mite hong pai-in Jerusalem mual siangtho tungah Topa hong bia ding uh hi.

Isaiah 28:16

Tua ahih ciangin Topa Pasian in, “En un, keimah in Zion sungah bulpi ding khat, suang, a kize-etsa suang, a manpha innkiu suang, bulpi muanhuai khat ka koih hi. Tua suang tungah, ‘Hih a um mi in lungkhamna tuaklo ding hi,’ ci-in kigelh hi.

Isaiah 51:11

Topa’ mi a kithehthangte hong ciahkik ding a, lasakna tawh Zion-ah hong pai ding uh hi. A tawntungin amaute lungdam ding uh a, amaute in lungdamna le kipakna ngahin, dahna le khuisatna nei nawn lo ding uh hi.

Isaiah 51:16

Vantungte zalin lei bulpi ka phut a, Zion kiangah, ‘Nang pen keima mi na hi hi. Nang tungah thu kong hilh khin a, ka khut tawh nang ka hong hu hi,’ ka ci hi,” a ci hi.

Isaiah 59:20

Topa in ama mite tungah, “Note a hong hu dingin Jerusalem-ah kong pai ding a, mawhna panin a kiheikhia mi peuhmah ka hong honkhia ding hi.

Isaiah 60:14

Nang hong nengniamte’ tate na mai-ah a kunsa-in hong pai ding uh a, nang hong simmawh mi khempeuh na khe mai-ah hong bok ding uh hi. Amaute in nang pen Topa’ khuapi, Israel-te’ Siangtho Pa’ Zion, hong ci ding uh hi.

Jeremiah 10:10

Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiling a, gamte in a hehna nang zo lo hi.

Jeremiah 17:25

na kumpite uh le na uliante un David’ neih bang kumpi vangliatna a nei ding uh hi. Amaute in Judah mite le Jerusalem khuamite tawh sakol leeng le sakolte tungah tuangin hih khua kongpite-ah hong lut ding uh a, hih khuapi-ah zong mi teng tawntung ding hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh amah a nungta Pasian hi a, a tawntungin a uk ding hi. Ama gam kisia ngei lo ding a, a vangliatna a bei ngei kei ding hi.

Daniel 7:10

tua sung panin meikuang a hong leengkhia niloh hi. Ama nasem ding mihing tul za tampi om a, a mai-ah mihing tul za sawm tampi a ding uh hi. Thukhenna ding hun kipan a, laibute a kiphen hi.

Hosea 1:10

Ahi zongin, tehzawh loh, simzawh loh zah dongin tuipi sehnel bangin Israel mite tampi pha ding uh a, tua hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Joel 2:32

Ahi zongin Topa’ tungah huhna a ngen khempeuh in hotkhiatna a ngah ding uh hi. Topa’ gensa bangmahin Zion Mual le Jerusalem khua sungah a suakta mi om ding uh hi. Topa in a teel mite, suakta ding uh hi.

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Mattiu 5:35

Leitung zong kiciamna-in na zang kei un - Pasian’ khengakna mah hi veve hi. Jerusalem khuapi zong kiciamna-in na zang kei un - Kumpi lian ahi Pasian’ khuapi mah hi veve hi.

ROM (Romans) 11:26

Tua hi a, Lai Siangtho sungah a kigelh mah bangin Israel mite khempeuh in hotkhiatna ngah ding uh hi. Lai Siangtho in, “Zion panin Honpa hong pai ding a, Jakob’ suanlekhakte sunga om gitlohna khempeuh maisak ding hi.

ROM (Romans) 9:26

‘Ka mite hi kei uh teh,’ a kicihna leitang teekteek mahah, ‘A nungta Pasian’ tate na hi uh hi,’ kici ding hi,” ci-in kigelh hi.

Galati 4:26

Ahi zongin vantung Jerusalem pen sal hi lo a, eite’ pianna nu ahi hi.

Efesa 2:19

Tua ahih ciangin no Gentail mite pen a pualam mi, gamdang mite na hi nawn kei uh a, Pasian mite tawh minam khat hita-in, Pasian innkuan sung mite na hita uh hi.

Thu-hilhkikna 33:2

Amah in, “Sinai panin Topa hong pai a, Sinai panin eite a’ ding hong suakkhia hi. Paran Mual panin hong taangkhia a, a taklam khutah meikuang tawi-in, mi siangtho tul sawmte kiang panin a hong pai hi.

Thu-hilhkikna 5:26

Bang hang hiam cih leh a si thei mihing khempeuh sung panin eite’ zak bangin mei sung panin a nungta Pasian a paukhiatna awging za-in a nungta lai kua om ahi hiam?

Filippi 3:20

Ahi zongin eite ihih leh vantung gam mite ihi a, vantung panin a hong pai ding Topa Jesuh Khrih, eite’ Honpa, lawptakin a ngakte ihi hi.

1 THESALONIKA MASA 1:9

Note kiangah ka hong pai lai-un kote na hong limbawlna thu uh, le a nungta a man Pasian’ thu zui-in a bia ding le,

2 TIMOTI NIHNA 4:18

Topa in siatna khempeuh panin kei hong honkhia ding a, ama vantung gamah muanhuai takin hong tunpih ding hi. Amah in a tawntungin minthanna ngah tahen. Amen.

Hebru 10:31

A nungta Pasian’ khut sungah thumang loin i tunkhak ding a lauhuai mahmah ahi hi.

Hebru 11:10

Pasian in geelin a lam, bulkip a nei khuapi, Abraham in a ngakna-in tua bangin a om ahi hi.

Hebru 11:16

Ahi zongin amaute’ lunggulh pen leitung sangin a hoihzaw vantung gam ahi hi. Pasian in amaute a dingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

Hebru 13:14

Eite a dingin hih leitungah a kip khuapi om lo ahih manin a hong piang lai ding khuapi a zong ihi hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na omkhak loh nadingun na kingaihsun un.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khrih in a piak ama sisan in na tam semkhia zozaw ding a, a nungta Pasian’ na i septheih nadingin bangmahin a kimang lo nasepna panin ama sisan in i lungsim hong siangsak ding hi.

Joshua 3:10

Joshua in, “A nungta Pasian note lakah a omna hih thu tawh na thei ding uh hi. Amah in pel loin note’ mai panin Kanaan mite, Hit mite, Hiv mite, Perez mite, Girgash mite, Amor mite, le Jebus mite hawlkhia ding hi.

Juda 1:14

Tanglai pekin Adam pan khang sagihna Enok in zong hih thu mah na genkhol a, a genna-ah, “En un, Topa, a mi siangtho honpite tawh hong pai ding a,

Mangmuhna 14:1

Tua ciangin ka khuadak leh Zion Mual tungah Tuuno a dingin a om ka mu hi. Amah tawh mi tul za le tul sawmli le tulli dingkhawm uh a, tua mite’ taltangah Tuuno le a pa’ min kigelh hi.

Mangmuhna 21:10

Tua laitakin Kha Siangtho tawh ka kidim a, tua vantungmi in mual sang mahmah khat dawnah hong paipih hi. Vantung Pasian kiang panin a hong paisuk Khuapi Siangtho ahi Jerusalem khua a hong lak hi.

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong paisuk ka mu hi.

Mangmuhna 22:19

hih laibu sungah a kigelh thute a hemkhia na om uhleh Pasian in zong hih laibu sungah a kigelh nuntakna singgah le Khuapi Siangtho sungah na ngah ding uh hamphatnate note kiang panin hong hepkhiatsak ding hi.

Mangmuhna 3:12

A gualzote pen ka Pasian’ sutpi-in ka bawl ding a, amaute paikhia ngei nawn lo ding uh hi. Amaute tungah ka Pasian’ min le ka Pasian kiang vantung panin a hong paisuk ding Jerusalem khua thak min ka gelh ding a, amaute tungah keima min thak zong ka gelh ding hi.

Mangmuhna 7:2

Tua ciangin a nungta Pasian’ ciaptehna a tawi vantungmi khat, nisuahna lam panin hong paito ka mu hi. Leitung le tuipi suksiat theih nading vangliatna a kipia vantungmi lite kiangah amah in nakpitakin gen a,