Hebru 12:18 - Tedim Bible

¹⁸ Israel mite in a tuahsa bangin note in Sinai Mual tunga meikuang, khuamial le lungzinna, huihpi,

Tedim Bible Revision 2017

¹⁸ Israel mite in a tuah sa bangin note in Sinai Mual tunga meikuang, khuamial le lungzinna, huihpi,

Hebru 12:18 Iomraidhean Croise

Paikhiatna 20:18

Tu-in mite khempeuh in vangingte, peengkul aw, le mual meikhu thu a theihtel uh ciangin, lau-in a ling uh hi. Amaute a gamla-ah ding uh a,

Paikhiatna 24:17

Tu-in Topa’ vangliatna vang pen Israel mite’ muhna-ah mualvum dawn a kangtum meikuang tawh kibang hi.

ROM (Romans) 6:14

Note pen thukham’ sawlna hangin nasem hi loin Pasian’ hong lah thuhoihte’ hangin nasem na hih uh manin mawhna’ sawlna mangin na gamta nawn kei un.

ROM (Romans) 8:15

Note tungah Pasian in a hong piak a Kha Siangtho in note na lau nadingun sila-in a hong bawl hi lo a, Kha Siangtho in Pasian’ tate a hong suaksak ahi zaw hi. Tua Kha Siangtho mah in Pasian pen, “Pa aw, Pa aw,” hong ci theisak hi.

2 KORIN NIHNA 3:7

Thukham pen suangpek tungah a kigelh laimal hi a, a kipiak hunin Pasian’ minthanna tawh hong tonkhawm hi. Moses’ maitang a taang mahmah pen mualkhin tei napi-in, nak taanlua mahmah ahih manin Israel mite in Moses’ maitang en zo lo lai uh hi. Sihna a piangsak thei bek Thukham hong kipiak ciangin tuazah minthanna vangtaang tawh hong kizui ahihleh,

2 KORIN NIHNA 3:9

Mite mawhsakin thukhen nasepna-ah tuazahin minthanna vangtaang om ahihleh mite dik hi, ci-in genkhiat nasepna-ah a minthanna vangtaang lianzaw kan lai ding hi.

Thu-hilhkikna 4:11

“Mei in mual kangin van laizang dong banto-in, khuamial le meii le khuazing in a tuamcip laitakin note a nai-ah hong pai-in mual bulah na ding uh hi.

2 TIMOTI NIHNA 1:7

Bang hang hiam cih leh Pasian in eite tungah meidawina lungsim hong guan lo a, thahatna, ki-itna, pumpi ki-ukzawhna lungsim hong guan hizaw hi.