Hebru 12:13 - Tedim Bible

¹³ Bai luangluangin a paite, na guh na taang uh a kipelh loh nadingin lampi tang zui-in na pai un.

Tedim Bible Revision 2017

¹³ Bai luangluangin a paite, na guh na taang uh a kipelh loh nadingin lampi tang zui-in na pai un.

Hebru 12:13 Iomraidhean Croise

Isaiah 35:3

A zaw khutte khauhsak unla, a no khukte kipsak un.

Isaiah 35:6

Tua ciangin khebai mipa diangin lam ding a, a pau thei lo mipa in lungdamin la sa ding hi. Bang hang hiam cih leh gamlakah tui hong phulkhia ding a, sehnel gam sungah luitui hong luang ding hi.

Isaiah 42:16

“Amau’ theih loh lampi-ah mittawte ka paipih ding a, amau’ theih ngei loh sul zuihpihin ka kha ding hi. Amau’ mai-ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

Isaiah 58:12

Tanglai-in a kisia na munte uh na lamkik ding uh a, khang tampi sung a kisia bulpite na dingtosakkik ding uh hi. Note pen a sia a puahkik, ten nadingin mun siate a ngei a bangsakkikte hong kici ding hi.

Jeremiah 18:15

Ahih hangin ka mite in kei hong mangngilh khin uh a, milim pasian-te kiangah paknamtui a hal uh hi. Amau’ tot ding lampi-ah tuk uh ahih manin a tot ngei uh lampi lui zui nawn loin, lampi lopi a tawn uh hi.

Luka 3:5

Kuam thuk khempeuh kivukdim ding a, mual lian mual neu khempeuh kitotam ding hi. Lam kawite kitangsak ding a, a leihumte kinelsak ding hi.

Galati 2:14

Lungdamna thu tawh kizui-in a mantakin gamta lo uh hi, ci-in ka muh ciangin amaute khempeuh’ zakin Peter kiangah, “Nang pen Jew mi hinapi-in Jew mi bangin gamta loin Gentail mite bangin a gamta khinsa na hi hi. Tua bangin a gamta khinsa hinapi-in bang hangin tu-in Gentail mite, Jew mite bangin a gamtat nadingun na gamtatna tawh lakkik na hi hiam?” ka ci hi.

Galati 6:1

Sanggamte aw, mi khatpeuh a gamta khial a om ciangin, Kha Siangtho’ deihna bangin a nungta note in tua a khial pa a manin a gamtatkik theih nadingin thunem zangin na huh un. Note in zong amah bangin ze-etna na tuahkhak loh nadingun na kikem un.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihte’ thungetna in vang nei a, na lianpi semzo hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.