Hebru 11:13 - Tedim Bible

¹³ Hih mite khempeuh in amaute tungah piak dingin Pasian’ ciam thute ngah nai lo uh a, gamlapi-ah a omlai galmuhin hopih thei bek uh a, hih leitungah khualmi peemta hi lel hang, ci-in kitheihna tawh omin a upna mah uh tawh a si uh hi.

Tedim Bible Revision 2017

¹³ Hih mite khempeuh in amaute tungah piak dingin Pasianʼ ciam thute ngah nai lo uh a, gamlapi ah a om lai gal muhin hopih thei bek uh a, hih leitungah khualmi peemta hi lel hang, ci-in kitheihna tawh omin a upna mah uh tawh a si uh hi.

Hebru 11:13 Iomraidhean Croise

Piancilna 21:34

Filistia mite’ leitangah Abraham, sauveipi sung peemta-in a om hi.

Piancilna 23:4

“Kei pen note lakah khualmi hi-in peemta ka hi hi. Ka zi ka vui theih nadingin note’ lakah vui nading mun leitang hong pia un,” a ci hi.

Piancilna 25:8

a hu tawpna sang a, a teek, kum tampi a pha, a khanghamin si a, ama mite tawh kivui khawm hi.

Piancilna 47:9

Jakob in Faro kiangah, “Tawlkhat sung ka nuntak hun pen kum za le kum sawmthum ahi hi. Ka nuntak hun tom sungah siatna bekbek om a, ka pate tawlkhat a omsung uh a nuntak hunte ban nai lo hi,” a ci hi.

Piancilna 48:21

Tua ciangin Israel in Josef kiangah, “En in, kei a si ding ka hi ta hi. Ahih hangin Pasian in nang hong ompih ding a, na pate’ leitangah nang hong paipih kik ding hi.

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Piancilna 49:18

“Nong hotkhiat ding ka ngak hi, Topa.

Piancilna 49:28

Hihte khempeuh pen Israel minam sawm le nihte ahi hi. Hih thute pen amau tawh a kituak ciatin a pa in amaute thupha pia-in a gente ahi hi.

Piancilna 49:33

Jakob in a tapate thuhilh a man khit ciangin, a lupna tungah laitat a, a nunung pen a hu sang-in ama mipihte kiang a zuan ta hi.

Piancilna 50:24

Josef in a sanggamte kiangah, “Kei a si ding ka hi ta hi. Ahih hangin Pasian in note hong kem ding a, hih leitang panin amah in Abraham, Isaac, le Jakob tunga a ciamsa leitangah note hong paikhiatpih to ding hi,” a ci hi.

JOB (Job) 19:25

“Ahi zongin a tawpna-ah kei hong panpih ding a nungta tawntung khat vantungah a omna thu ka thei hi.

Late 119:19

Kei pen hih leitungah peemta ka hi hi; kei’ kiang panin na thuphate seel kei in.

Late 39:12

Topa aw, ka thungetna hong ngai inla, ka kikona hong za in. Ka khitui luanna hong thudon in. Bang hang hiam cih leh ka pu ka pate khempeuh bangin kei zong na zin, na peemta ka hi hi.

Paikhiatna 2:22

Tua nu in tapa khat nei a, amah in a min Gershom a phuak hi. Bang hang hiam cih leh amah in, “Gam dangah peemta ka hi hi,” a ci hi.

Siampi Laibu 25:23

“Leitang pen keima-a’ ahih manin neihsuak dingin leitang kizuak lo ding hi; bang hang hiam cih leh note pen kei tawh a omkhawm khualmi leh peemtate na hi uh hi.

Gamlak-vakna 10:30

Ahih hangin amah in, “Kong zui kei ding hi. Ka leitang le ka behte kiangah ka pai ding hi,” a ci hi.

Gamlak-vakna 24:17

Amah ka mu hi; ahih hangin tunai hun hi lo hi: Jakob sung pan aksi khat hong suakkhia ding a, Israel sung pan kumpi ciangkhut hong piang ding hi. Tua in Moab thaltang satkham ding a, Sheth’ suante khempeuh sugawp ding hi.

Mattiu 13:17

Ahi taktakin note kiangah kong genin-ah: Kamsangte le Pasian’ mi tampite in note’ muhte munuam mahmah napi-in mu lo uh a, note’ zakte zanuam mahmah napi-in za lo uh hi.

Johan 12:41

Isaiah in Jesuh’ neih Pasian’ pianzia mu ahih manin hih bangin thu a gen ahi hi.

Johan 8:56

Note’ pupi Abraham in keima hun a tun ding lawp mahmah a, amah in tua hun mu-in nuam mahmah hi,” ci-in a dawng hi.

ROM (Romans) 4:21

Pasian in a thuciamsa tungsakzo taktak ding hi, ci-in a muang hi.

ROM (Romans) 8:24

Hih bangin lamenin i upna in eite hong honkhia khin hi. Ahi zongin i lamet pen i muh ciangin tua pen lamet hi nawn lo hi. Kua in a muhsa nate lamen nawn ahi hiam?

2 KORIN NIHNA 4:18

Bang hang hiam cih leh a kimuthei nate a mitsuan ka hi kei uh a, a kimu thei lo nate a mitsuan ka hi uh hi. A kimuthei nate tomno sung bek kimang a, a kimu thei lo nate a tawntungin a kip ahi hi.

2 KORIN NIHNA 5:6

Tua ahih manin lungmuang takin ka om tawntung uh hi. Hih ka leitung pumpi uhah ka om laiteng uh Topa’ hong piak ding pumpi tawh a omkhawm nai lo ka hi uh hi.

Efesa 2:19

Tua ahih ciangin no Gentail mite pen a pualam mi, gamdang mite na hi nawn kei uh a, Pasian mite tawh minam khat hita-in, Pasian innkuan sung mite na hita uh hi.

Hebru 11:14

Tua bang mite in amau a dingin a gam a lei ding uh a zong ahihna uh hong kilang hi.

Hebru 11:17

Pasian in Abraham a ze-et laitakin Abraham in a upna hang mah tawh Pasian biak nadingin a tapa Isaac na pia ngam hi. Pasian mah in Abraham tungah tapa ka hong pia ding ci-in a ciam hinapi-in, Pasian’ ciamna bangin a neih tua a tapa neihsun mah, Pasian biak nadingin Abraham in pia dingin na kithawi hi.

Hebru 11:27

Moses pen kumpipa’ heh ding lau hetloin Egypt gam panin paikhia a, a kimu thei lo Pasian a mu bang keekin a nungkik hetlohna zong a upna hang mah ahi hi.

Hebru 11:39

Hih mite’ upna lian mahmah hi, ci-in a kitheih hangin piak dingin Pasian in a ciamsa thute a ngah nai kei uh hi.

1 PETER MASA 1:1

Jesuh Khrih sawltak keimah Peter in Pontas gam, Galatia gam, Kappadosia gam, Asia gam, le Bithynia gamah kithehthangin peemta-in a om mite kiangah lai ka hong khak hi.

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om laiteng uh amah zahtakin om un.

1 PETER MASA 2:11

Ka itte aw, hih leitungah gamdang mi, a peempak bangin kingaihsun unla, na kha nuntakna uh tawh a kilehngat pumpi’ deihnate na kikham un.

1 JOHAN MASA 3:19

Tua ahih manin tu-a bangin i om leh a thuman Pasian tawh a kipawl ihihna le ama mai-ah lungmuang takin a omthei ding ihihna i thei ding hi.