Hebru 11:1 - Tedim Bible

¹ Upna nei i cih ciangin i muhtheih nai loh i lamette ngah takpi ding, ci-in muanna lungsim neihna ahi hi.

Tedim Bible Revision 2017

¹ Upna nei i cih ciangin i muh theih nai loh i lamette ngah takpi ding, ci-in muanna lungsim neihna ahi hi.

Hebru 11:1 Iomraidhean Croise

Late 27:13

A hingte’ gam sungah Topa’ hoihna a mu dingin kei ka ki-um hi.

Late 42:11

Bang hangin khakunkun a, lunghimawh niloh ka hi hiam? Pasian’ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

Sawltak 20:21

Jew mi le Gentail mite a mawhna panun Pasian’ lamah kihei-in i Topa Jesuh a up nadingun thu ka gen khinzo hi.

1 KORIN MASA 13:13

Tu laitakin a omlai thu thumte pen upna, lametna, le itna hi a, tua thumte sung panin itna mah a thu lianpen ahi hi.

2 KORIN NIHNA 11:17

Tu-in ka hong gen ding thute pen Topa’ hong sawl hi lo hi. Tu-a kisialhna kam ka hong pau ciangin mihai taktak mah bangin a pau ka hi hi.

2 KORIN NIHNA 4:18

Bang hang hiam cih leh a kimuthei nate a mitsuan ka hi kei uh a, a kimu thei lo nate a mitsuan ka hi uh hi. A kimuthei nate tomno sung bek kimang a, a kimu thei lo nate a tawntungin a kip ahi hi.

2 KORIN NIHNA 5:17

Tua ahih manin mi khatpeuh, Khrih tawh a kipawl ciangin mi thak suak a, a mi lui ngeina bei-in a mi thak ngeina a neita ahi hi.

2 KORIN NIHNA 5:7

Muhna hang tawh lungmuangin a om hi loin upna hang tawh lungmuang takin a om ka hi uh hi.

2 KORIN NIHNA 9:4

Tua bang hikeileh kei ka hong pai ciangin Masedonia gam a ka lawmte in hong zuikha zenzen hen la, note a kiging lopi-in a om hong tuakkha leh, note ka hong muan gen mahmahsa ahih manin note’ maizum ding gen loh, kote bangzah takin maizum ding ka hi uh hiam?

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Titu 1:1

Pasian’ sila, le Jesuh Khrih’ sawltak ahi keimah Paul in, Thuzuau a gen ngei lo Pasian in tangtawng pekin thu hong ciamin, a hunhoih a tun ciangin thuhilhna tawh a hong kilatsak nuntak tawntungna thu lametna tawh, Pasian’ teel mite’ upna le thuman thutak a theihna uhah biakna thu tawh kituakin a khan semsem nading thu a hilh dingin eite hong Hon Pasian’ thupiakna tawh nasep hong kipia ahih manin,

Hebru 10:22

Tua ahih manin mawhna thu-ah kisuanna lungsim om nawn loin, tui siangtho tawh i pumpi a kisawpsa-in muanna le lungsim takpi tawh Pasian kiang zuan ni.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Hebru 11:13

Hih mite khempeuh in amaute tungah piak dingin Pasian’ ciam thute ngah nai lo uh a, gamlapi-ah a omlai galmuhin hopih thei bek uh a, hih leitungah khualmi peemta hi lel hang, ci-in kitheihna tawh omin a upna mah uh tawh a si uh hi.

Hebru 11:27

Moses pen kumpipa’ heh ding lau hetloin Egypt gam panin paikhia a, a kimu thei lo Pasian a mu bang keekin a nungkik hetlohna zong a upna hang mah ahi hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasian’ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Hebru 3:6

Ahi zongin Khrih pen Pasian’ innsung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasian’ inn ihi hi.

Hebru 6:12

Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.

2 PETER NIHNA 1:1

Jesuh Khrih nasem le sawltak ahi keimah Simon Peter in: Eite’ Pasian le Honpa ahi Jesuh Khrih a thumanna hangin kote’ upna zah mahin upna manpha a nei mite tungah lai ka hong khak hi.