Hebru 10:30 - Tedim Bible

³⁰ Bang hang hiam cih leh, “Phulakna keima a’ hi a, ka thukkik ding hi,” a ci pa le, “Topa in ama mite thu a khen ding,” a ci pa i theih ahi hi.

Tedim Bible Revision 2017

³⁰ Bang hang hiam cih leh, “Phulakna keima aʼ hi a, ka thukkik ding hi,” a ci pa le, “Topa in ama mite thu a khen ding,” a ci pa i theih ahi hi.

Hebru 10:30 Iomraidhean Croise

Late 135:14

Bang hang hiam cih leh Topa in ama mite’ thu khenin, ama nasemte tungah hehpihna a nei ding hi.

Late 50:4

A mite tungah thu a khen theih nadingin tunglam vantung le leitung a sam hi.

Late 94:1

A thukkik Pasian, a thukkik Pasian, Topa aw, na hehna hong lakkhia in.

Isaiah 59:17

Amah in thumanna pen awmdal lum bangin silh ding a, gualzawhna pen sik lukhu bangin khu ding hi. Na khempeuh a manin bawlkik nopna, gimna a piangsakte gim pia-in thukkik nopna lungsim puan bangin a silh ding hi.

Isaiah 61:2

Topa in a mite honkhia-in, a galte a guallelhsak ding hun a tunna thu a gen ding, a thum mi khempeuh a hehnem ding,

Isaiah 63:4

Ka mite ka hotkhiat ding hunta ka sa a, a galte uh gimpiak ding a hun hita hi, ci-in ka ngaihsun hi.

Ezekiel 18:30

“Topa Pasian ahi keimah in note kiangah kong genin-ah: Israel mite aw, na gamtatnasa bang ciat un thu kong khen ding hi. Kisik kikin na gamtatsiatna khempeuh panun khawl unla, na mawhna hangun kisisak kei un.

Ezekiel 34:17

“No ka tuuhonte aw, Topa Pasian ahi keima thugen ngai un: Note a tuamtuam ciatin thu kong khen ding a, note sung panin a hoih le a hoih lo hong khenin, tuu le keel zong kong khen ding hi.

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte uh na it ding uh hi; kei pen Topa ka hi hi.

Nahum 1:2

Topa Pasian in amah a demte koihkhong lo a, amah a langpangte gim pia-in a galte thukkik hi.

ROM (Romans) 12:19

Lawmte aw, na hehna uh kuama tungah thukkik kei unla, Pasian’ thukkik dingin koih lel un. Bang hang hiam cih leh Lai Siangtho sungah, “Keimah in amaute tungah ka thuk ding a, midangte a gimsak bangun ka gimsak ding hi, Topa in ci hi,” ci-in kigelh hi.

ROM (Romans) 13:4

Ukna thuneite pen note’ hoih nadingin Pasian’ nasemte ahi uh hi. Ahi zongin a sia-in na gamtat uhleh gim hong pia taktak ding uh ahih manin na lau ding uh ahi hi. Bang hang hiam cih leh amaute pen Pasian’ nasemte hi a, a sia-in a gamta mite tungah Pasian’ hehna bangin gim a pia dingte ahi uh hi.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

1 SAMUEL MASA 25:26

Tua ahih ciangin tu-in, ka topa aw, Topa nungta-in, nang zong na nuntak mah bangin, mi na thahloh nading le nangma khut tawh thukkikna na hihloh nadingin Topa in nang hong kho ahih manin, tu-in na galte le nangma tungah siat nading a zongte khempeuh Nabal bang tahen.

1 SAMUEL MASA 26:10

David in, “Topa a nungta ahih mah bangin Topa in amah vat taktak ding hi; tua ahih kei leh zong a sih hun hong tung ding hi; tua ahih kei leh gal kikapna sungah amah paisukin si ding hi.