Hebru 10:25 - Tedim Bible

²⁵ Mi pawlkhatte in kikhop a pelh bang hi loin, eite in kikhop khawmnate pelh loin om ni. Topa’ hong pai ding Ni hong naina thu thei ihih manin khatlekhat kihanthawn semsemzaw ni.

Tedim Bible Revision 2017

²⁵ Mi pawl khatte in kikhop a pelh bang hi loin, eite in kikhop khawmnate pelh loin om ni. Topaʼ hong pai ding Ni hong naina thu thei ihih manin khatlekhat kihanthawn semsem zaw ni.

Hebru 10:25 Iomraidhean Croise

Mattiu 10:15

Thukhen ni ciangin tua khuamite’ thuakna sangin Sodom khua le Gomorrah khuamite’ thuakna olzaw lai ding ahihna thu hoihtakin phawk un.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuhah kei ka om hi,” a ci hi.

Johan 12:48

Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amaute’ thukhen ding ahi hi.

Sawltak 16:16

Nikhat, thungetna mun a zuan dingin ka pai laitakun mailam thu a genthei dawivei nasem numei khat in kote hong dawntuah hi. Tua numei in mailam thu a genna tawh a tote a dingin sum tampi a ngahsak hi.

Sawltak 2:1

Pentekos ni hong tun ciangin Jesuh a um mi khempeuh mun khatah kikhawm uh hi.

Sawltak 2:42

Amaute in sawltakte tung panin thu sinin amaute tawh kikhawl uh a, amaute tawh an nekhawmin, thu zong a ngenkhawm uh hi.

Sawltak 20:7

Sani nitakin an nekhawm dingin ka kikhawm uh a, a zing ciangin a ding khia ding ahih manin Paul in a thuhilh zankim ciang dong a zomsuak hi.

ROM (Romans) 12:8

Midangte hanthot theih nading siamna a nei ihih leh midangte hanthawn ni. Midangte hop theih nading a nei ihih leh citna taktak tawh hawm ni. Makaih theih nading siamna a nei ihih leh hoihtakin na sem ni. Midangte hehpih theih nading a nei ihih leh maitai takin hih ni.

1 KORIN MASA 11:20

Nekkhawmna a bawl dingin note na kikhop uh ciangin Topa’ Nekkhawmna a ne dingin na pai kei uh hi.

1 KORIN MASA 14:23

Tua ahih manin pawlpi mi khempeuh na kikhopna uhah na vekpi-un pau lamdangin pau-in, mi mawkmawkte ahih kei leh thu um lo mite in hong mu zenzen leh, note pen mihai hontang hi, hong ci ding hi lo ahi uh hiam?

1 KORIN MASA 14:3

Ahi zongin Pasian’ thu a hilhte pen mite tungah thugen hi a, mite tungah huhna, hanthotna, le hehnepna a pia ahi hi.

1 KORIN MASA 3:13

Tua a kilam nate mei tawh a kize-et ding Ni hong tung ding a, tua nasepnate a bangci hiam, ci-in mei in ze-et ding ahih manin a lam mite’ nasep ciat hong kilang ding hi.

1 KORIN MASA 5:4

Note na kikhop khawm uh ciangin i Topa Jesuh Khrih vangliatna in eite hong ompih ahih manin, note tawh ka lungsimin ka hong omkhawm hi.

Filippi 4:5

Mi khempeuh tungah na dik un. Topa hong pai baih ta ding hi.

1 THESALONIKA MASA 4:18

Tua ahih ciangin note khatlekhat hih thu tawh na kihehnem un.

1 THESALONIKA MASA 5:11

Tua ahih manin tu laitakin na omzia uh mah bangin khatlekhat kihanthawnin na kihuh ciat ta un.

Hebru 10:24

Khatlekhat ki-itin a hoih nate i sep nadingin kihanthawn ciat ni.

Hebru 10:37

Bang hang hiam cih leh Lai Siangtho sungah, “A sawt loin, a hong pai ding pa hong tung ding a, hong zekai nawn lo ding hi.

Hebru 13:22

Sanggamte aw, hih ka hong laigelh pen sau khollo ahih manin hih ka hong hanthotna thute limtakin na ngaih nadingun ka hong thum hi.

Hebru 3:13

Lai Siangtho in, “Tu ni,” a cih pen eite tungah zong hong cihna hi lai ahih manin mawhna’ khemsa-in ta-in na lungsim uh na khauhsakkhak loh nadingun khatlekhat kihanthawnin na kihuhzaw un.

Jeim 5:8

Note zong na lungduai un. Topa hong pai ding hun naita ahih manin na lungsim uh na thahatsak un.

1 PETER MASA 4:7

Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un.

2 PETER NIHNA 3:11

Hih nate khempeuh hih bangin kisusia mangkhin ding ahih manin note a bangci mi dingin kilawm cih limtakin na ngaihsun un. A siangtho nuntakna nei-in Pasian’ deihna bangin na gamta unla,

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasian’ muhna-ah paubaanna om hetloin amah tawh nuamtakin na omkhawm theih nadingun hanciam un.

2 PETER NIHNA 3:9

Mi pawlkhatte’ ngaihsut bangin Topa in a kamciamna a hong tungsak hak hi zenzen lo hi. Note khat beek in siatna na thuakkhak ding uh deih loin na vekpi-un na kisik ding uh deih ahih manin hong pai nai lohna pen note hong khualna hizaw hi.

Juda 1:19

Hih mite in pawl kikhenna piangsakin, amau pumpi deihna bangin gamta uh a, Kha Siangtho zong nei lo uh hi.