Hebru 10:24 - Tedim Bible

²⁴ Khatlekhat ki-itin a hoih nate i sep nadingin kihanthawn ciat ni.

Tedim Bible Revision 2017

²⁴ Khatlekhat ki-itin a hoih nate i sep nadingin kihanthawn ciat ni.

Hebru 10:24 Iomraidhean Croise

Late 41:1

Mi genthei a khualte thupha ngah ahi hi. Topa in haksatna hunah amaute honkhia ding hi.

Paunak 29:7

Midikte in mi cimawhte a’ ding thu khual uh a, migilote in tua bang thukhualna thei lo uh hi.

Sawltak 11:29

Tua lai-a om thu um mite in amau hihzawh zah ciat hanciamin Judea gam a om thu um mite kiangah huhna a puak nading uh a vaihawm uh hi.

ROM (Romans) 11:4

Ahi zongin Pasian in, “Baal milim a bia nai lo mihing tulsagih ka nei lai hi,” ci-in a dawng hi.

ROM (Romans) 12:15

A lungdam mite lungdampih unla, a dah mite dahpih un.

1 KORIN MASA 10:33

Mite in hotkhiatna a ngahtheih nadingin ka sepna khempeuhah keima angsung ngaihsun loin mi khempeuh phattuam nading hanciamin, a kuamah peuh a lungkim nadingin ka gamtat mah bangin note zong na gamta un.

1 KORIN MASA 9:22

Upna neu mite lakah na ka sep ciangin amaute ka ngahzawh nadingin amaute mah bangin ka gamta hi. Tua ahih manin ahih theihna lam peuhpeuhah mite ka ngahzawh nadingin mi khempeuh’ ngeina ka zui hi.

2 KORIN NIHNA 8:8

Hih bang ka hong gen ciangin thupiakna tawh a hong gen hi loin, midangte in tua zahin mi huh nading kin ahihleh note in zong midang na itna uh bangzah taktak ahi hiam, ci-in ka theihnopna ahi hi.

2 KORIN NIHNA 9:2

Note’ huhnopna thu ka theih khitsa hi a, Masedonia gam a pawlpite kiangah zong note ka hong kisialhpih khitsa ahi hi. “Akhaia gam a pawlpite in ni kum a kipanin huh dingin a kithawisa uh ahi hi,” ci-in ka na gen hi. Tua banga note’ lawpna in amaute tampi tak thanuamsak hi.

Galati 5:13

Sanggamte aw, note ahihleh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zangzaw un.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Galati 5:6

Bang hang hiam cih leh Jesuh Khrih tawh i kipawl ciangin vun-atna le vun-at lohna a thupi tuan om lo a, Khrih i upna hangin midangte i itna a thupi hi bek hi.

Galati 6:1

Sanggamte aw, mi khatpeuh a gamta khial a om ciangin, Kha Siangtho’ deihna bangin a nungta note in tua a khial pa a manin a gamtatkik theih nadingin thunem zangin na huh un. Note in zong amah bangin ze-etna na tuahkhak loh nadingun na kikem un.

Kolose 3:16

Khrih thu a cingtakin note lungsimah hong om hen la, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte, le biakna late na sa un.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun note’ upna hangin na nuntakziate uh, itna na neih manun nakpitakin na nasepnate uh le i Topa Jesuh Khrih hong paikik ding lametna na neih manun kiptakin na omnate uh ka phawk tawntung uh hi.

1 THESALONIKA MASA 5:11

Tua ahih manin tu laitakin na omzia uh mah bangin khatlekhat kihanthawnin na kihuh ciat ta un.

2 THESALONIKA NIHNA 3:9

Hih bangin ka gamtatna uh pen note’ hong piakte a khongin ne-in a zang dingin a kilawm mah hinapi-in, note’ etteh ding gamtatzia a hong lak ka hizaw uh hi.

1 TIMOTI MASA 6:18

A hoih nate semin, gamtat pha-in, citna lungsim nei-in midangte a hopnop nadingun na hilh in.

Titu 2:4

amaute sangin a nauzaw nupite in a pasalte uh le a tate uh a it nadingun a hilh ding,

Titu 3:8

Hih ka thugente a man mahmah ahi hi. Tua ahih manin Pasian’ thu a um mite in gamtat hoih a neihtheihna dingun hih ka hong thugente na lim ngaihsut ding ka deih hi. Ka hong thugente a hoih hi a, mite a dingin a manpha vive ahi hi.

Hebru 13:1

Khrih sungah unau bangin na ki-itna uh na zomsuak un.

Hebru 13:3

Amaute tawh thong a kiakhawm bangin kingaihsunin thong sunga om mite na phawk un. Note zong leitung pumpi mah tawh a nungta lai na hih manun gimna a thuak mite na phawk un.

Hebru 3:13

Lai Siangtho in, “Tu ni,” a cih pen eite tungah zong hong cihna hi lai ahih manin mawhna’ khemsa-in ta-in na lungsim uh na khauhsakkhak loh nadingun khatlekhat kihanthawnin na kihuhzaw un.

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.