Hebru 10:23 - Tedim Bible

²³ Pasian in piak dingin a hong ciam thu muangngam ihih manin i lametna thu kiptakin len ni.

Tedim Bible Revision 2017

²³ Pasian in piak dingin a hong ciam thu muang ngam ihih manin i lametna thu kip takin len ni.

Hebru 10:23 Iomraidhean Croise

Late 26:1

Topa aw, a hoihin gamta-in Topa hong muang ka hih manin, ka thutanna hong lak in.

Kah la 3:23

zing nisuak bangin thaksuak tawntung a, ni a hong suah pelmawh mah tawh a kibang ahi hi.

1 KORIN MASA 1:9

Ama Tapa ahi i Topa Jesuh Khrih tawh a kikhawl dingin a hong sam Pasian pen a citak Pasian hi a, a gensa bangin a hong tungsak takpi ding ahi hi.

1 KORIN MASA 10:13

Na tuah uh ze-etnate khempeuh pen mite’ tuah ngeingeite mah ahi hi. Pasian in citakin a thuciamna lenkip ahih manin note’ thuak zawh loh ding ze-etna hong tuaksak lo ding hi. Ze-etna na tuah hun uh ciangin zong na thuakzawh nading uh thahatna hong guan ding ahih manin na suahtak zawh nading uh lampi hong honsak ding hi.

2 KORIN NIHNA 9:13

Note in na up uh Jesuh hangin lungdamna thu-ah na cihtakna uh le amaute le midang khempeuh tungah na cit piakna hangun mi tampite in Pasian’ min phat ding uh hi.

1 THESALONIKA MASA 5:24

Note a hong sam i Pa Pasian a thutak hi a, a thuciamte khempeuh hong tungsak taktak ding hi.

2 THESALONIKA NIHNA 3:3

Note ahihleh, Topa citak mahmah ahih manin hong thahatsak ding a, A Gilopa kiang panin hong honkhia ding hi.

Hebru 11:11

Sarah a ta neihtheih ding hun beikhin napi-in ama tungah thuciam pa zuau lo ding, ci-in Abraham in upna a neihna hang mahin Sarah gai-in ta a nei ahi hi.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Hebru 3:6

Ahi zongin Khrih pen Pasian’ innsung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasian’ inn ihi hi.

Hebru 4:14

Tua ahih manin eite in Pasian’ omna vantung a va tung khinsa, Siampi Lianpen ahi Pasian’ Tapa Jesuh neikhin ihih manin i sansa upna thu kiptakin len ni.

Hebru 6:18

Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.

Jeim 1:6

Ahi zongin na nget uh ciangin hong pia takpi ding hi, ci-in muanna tawh na ngen un. A muanglah mite pen huih nunna lam peuhah a kinil kawikawi tuihualte tawh kibang lel hi.

Mangmuhna 3:11

Keimah ka hong pai baih ding hi. Kuamah in, na ngah ding uh gualzawhna lukhu hong tuhkhak loh nadingun na neihsate uh hoihtakin na lenkip un.