Hebru 10:1 - Tedim Bible

¹ Jew Thukham pen mailam hunah a taktak a hong tung ding lim lahkholhna hi bek ahih manin tua Thukham tawh kizui-in a kum a kumin a kipia biakpiakna in Pasian kiang a zuan mite mi cingtaak suahzo ngei lo hi.

Tedim Bible Revision 2017

¹ Jew Thukham pen mailam hunah a taktak a hong tung ding lim lah kholhna hi bek ahih manin tua Thukham tawh kizui-in a kum a kumin a kipia biakpiakna in Pasian kiang a zuan mite mi cingtaak suah zo ngei lo hi.

Hebru 10:1 Iomraidhean Croise

Siampi Laibu 9:16

Tua ciangin meihal biakna paipihin ngeina kip omsa bangin a pia hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hihzo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingte’ mawhna lungsim mah a nei-in a hong pai hi.

Kolose 2:17

Hihte pen mailam ah a hong piang ding nate’ lim hi lel a, ahi zongin tu-in a taktak ahi Khrih hong omta hi.

Hebru 10:22

Tua ahih manin mawhna thu-ah kisuanna lungsim om nawn loin, tui siangtho tawh i pumpi a kisawpsa-in muanna le lungsim takpi tawh Pasian kiang zuan ni.

Hebru 7:11

Israel mite in Levi’ suanlekhak siampite tungtawnin Thukham ngah uh hi. Levi’ suanlekhak siampite’ nasepna kicingtaak hileh Melkhizedek siampi nam zui-in siampi namdang a pian ding kisam nawn lo ding a, Aaron gui zui-in siampi omsa a kimangpah ding ahi hi.

Hebru 8:5

Leitung a siampite’ sepsepte pen vantungah a om thu, a limin a sem uh ahi hi. Bang hang hiam cih leh Moses in Puanbuk lam ding a kipat ciangin Pasian in, “Mual tungah i om lai-in a lim ding khempeuh kong lah bang teekteekin a kihih nadingin na thei in,” na ci hi.

Hebru 9:11

Ahi zongin tu-in a hoihzaw thu a sem ding Siampi Lianpen Khrih hong tung khinta a, ama lutna biakbuk pen a kipiangsak tawm, khut tawh a kibawl biakbuk hi loin a lianzaw, a cingtaakzaw mun ahi hi.

Hebru 9:23

A taktak ahi lo vantung limte pen hih bangin siansuahna kibawl hi. Ahi zongin vantung nate in hih sangin a hoihzaw biakpiakna kisam hi.

Hebru 9:25

Kum simin Siangtho Pen Munah Jew Siampi Lianpente amau’ sisan ahi lo, ganhing sisan tawh a pai zelzel bangun amah va pai themthum lo hi.