Hebru 1:9 - Tedim Bible

⁹ Thuman na deih a, khialhna na mudah hi. Tua ahih manin nangma Pasian in nangmah hong teelin, na lawmte tungah a piak sangin a lianzaw, a lungdamhuai pahtawina nang hong pia hi,” a ci hi.

Tedim Bible Revision 2017

⁹ Thuman na deih a, khialhna na mudah hi. Tua ahih manin nangma Pasian in nangmah hong teelin, na lawmte tungah a piak sangin a lian zaw, a lungdamhuai pahtawina nang hong pia hi,” a ci hi.

Hebru 1:9 Iomraidhean Croise

Late 11:5

Topa in midikte le migilote entel a, a ngongtat nuam mite a lungsim in mudah hi.

Late 119:104

Na thuhilhnate hangin thu theihtelna ka ngah hi. Tua ahih ciangin a man lo lampi khempeuh ka mudah hi.

Late 119:128

Tua ahih ciangin na thuhilhnate khempeuh tawh a kituakin kei ka gamta a, a man lo lampi khempeuh ka mudah hi.

Late 2:2

Leitung kumpite le gam ukte in Topa le ama sathau nilh pa langpangin vaihawm uh a,

Late 2:6

“Ka mual siangtho Zion tungah ka kumpi ka tusak khin hi,” ci hi.

Late 23:5

Keima galte’ muhna munah an nong lui hi. Thupi takin nong pahtawi a, keima hai zong dimlet ta hi.

Late 33:5

Amah in thuman le thutang deih a, leitungah Topa’ itna kip a kidim hi.

Late 37:28

Bang hang hiam cih leh Topa in thutang deih a, ama mi siangthote nusia lo ding hi. Thuman mite kikemcing den ding a, ahi zongin migilo’ suanlekhakte kipuaseh ding hi.

Late 40:8

Nangma deih bang hihna-ah nuam ka sa hi, ka Pasian aw. Nangma thukham ka lung sungah om hi,” ka ci hi.

Late 45:6

Na kumpi tokhom siangtho kip tawntung hi. Na kumpi ciangkhut thumanna ciangkhut hi a,

Late 45:7

thuman deihin gitlohna na mudah hi. Tua ahih ciangin Pasian ahi, nangma Pasian in na khangualte tungah a kikhai to-in lungdamna sathau nang hong nilhzo a,

Late 89:20

Ka nasempa David ka muzo hi. Ka thahatna ama tungah a om ngitnget theih nading, ka vangliatna in zong, amah a thakhauhsak theih nadingin ka sathau siangtho amah ka nilh khin hi.

Late 89:26

Amah in kei kiangah, ‘Nang pen keima Pa le ka Pasian na hi a, kei a hong honkhia pa le a hong hupa na hi hi,’ hong ci ding hi.

Paunak 8:13

Topa zahtakna pen thusia muhdahna hi a, kiphatsakna le kihihsakna, gamtatsia le thuzuau ka mudah hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin thong kong a hong ding,

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion-ah a om a dah mite a lungdamna ding, a lungkham mite in phatna la a saktheihna ding, a lunggim mite in Pasian a phattheih nadingin amah in kei hong sawlzo hi.

Isaiah 61:8

Bang hang hiam cih leh keimah Topa in thutang deihin, mi’ nate suhna le khialhna ka mudah hi. Amaute tungah amau’ thaman thuman takin ka pia ding a, tawntung thuciamna amaute tawh ka bawl ding hi.

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam khathei ding hi.

Zekhariah 8:17

Khatlekhat kisiatsakna ding vaihawm kei unla, a man lopi-in teci pangin kiciam kei un. Zuauna, thuman lohna, le kibawlsiatnate ka deih kei hi,” hong ci hi.

Gamlak-vakna 7:43

Ama piakte pen biakinn shekel tawh kizui-in shekel za le sawmthum a gik ngun kuangdai khat, shekel sawmsagih a gik ngun kuang khat, an tawh biak nadingin sathau tawh a kibawl annel a dim tuak tawh;

Luka 4:18

“Gimna a thuak mite tungah Lungdamna Thu a hilh dingin Topa in kei hong sehkhin ahih manin keima sungah Topa’ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Johan 1:41

A zing ciangin a u Simon zongpahin ama kiangah, “Messiah ka mu zo uh hi,” a ci hi. Tua pen Khrih a cihnopna ahi hi.

Johan 10:17

Ka nuntakkik theih nadingin si ngam ka hih manin ka Pa in kei hong it hi.

Johan 20:17

Tua ciangin Jesuh in, “Kei hong lenlen nawn kei in. Ka Pa kiangah a paito nai lo ka hi hi. Ka sanggamte kiangah va pai inla, ‘Keima Pa le note’ Pa, keima Pasian le note’ Pasian’ kiangah ka pai ding hi,’ ci hi, ci-in va gensak zaw in,” a ci hi.

Johan 3:34

Pasian in a sawl mipa tungah ama Kha a kicingin pia ahih manin a sawl mipa in Pasian’ thugente mah a gen ahi hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 4:26

Topa le ama Khrih a do dingin leitung kumpite kithawi uh a, gam ukte kikaikhawm uh hi,’ ci hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khrih dingin na bawl, a siangtho na Nasempa Jesuh thah dingin a vaihawm uh hi.

ROM (Romans) 12:9

Na ki-itnate uh lungsim takpi tawh hi sak unla, a siate mudahin a hoihte lenkip un.

ROM (Romans) 15:13

Kha Siangtho’ huhna tawh note’ lametna a khan semsem theih nadingin, lametna a hong piathei Pasian in, amah na upna uh hangin lungdamna le nopsakna tawh note hong kidimsak tahen.

1 KORIN MASA 1:9

Ama Tapa ahi i Topa Jesuh Khrih tawh a kikhawl dingin a hong sam Pasian pen a citak Pasian hi a, a gensa bangin a hong tungsak takpi ding ahi hi.

2 KORIN NIHNA 11:31

Topa Jesuh’ Pa Pasian in thupha ngah tawntung tahen. Amah in ka zuau hetloh lamtak a hong thei hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Efesa 1:3

Khrih tawh eite i kipawlna hangin vantung gam panin kha tawh kisai letsong namkim hong pia ahih manin eite’ Topa Jesuh Khrih’ Pa ahi Pasian tungah i lungdamna ko ciat ni.

Filippi 2:9

Hih thu hangin Pasian in a lianpenin amah koih a, min lian dang khempeuh sangin a min lianzaw-in a koih hi.

Hebru 2:11

Mawhna panin mite a siangthosakpa le sianthosakna a ngah mite in, Pa, a kibang a neikhawm uh hi. Tua hi a, Jesuh in mite, “Sanggam,” a cih ding zum ngaihsut lo ahih manin,

Hebru 2:9

Ahi zongin Pasian’ hehpihna hangin mi khempeuh a dingin Jesuh a sih theih nadingin tawlkhat sung vantung mite sangin a neuzaw-in a kibawlna i mu a, sihna a thuakna hangin minthanna le pahtawina a ngahna thu i thei hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesuh i neih a hoih mahmah ahi hi.

1 PETER MASA 1:3

I Topa Jesuh Khrih’ Pa Pasian tungah lungdam ni. Ama hong hehpih mahmahna hangin sihna panin Jesuh Khrih a thawhkik sakna tawh eite tungah nuntakna thak a hong pia hi. Tua ahih manin i lametna kiam ngei lo a,

1 JOHAN MASA 1:3

Pa Pasian le a Tapa Jesuh Khrih tawh kote pawlkhatin ka om uh mah bangin note zong kote tawh pawlkhat nong suahtheih nading uh deihna-in ka muhsa uh le ka zaksa uh thute a hong gen ka hi uh hi.

Mangmuhna 2:15

Tua mah bangin Nikolas pawlte’ thuhilhna a um mi pawlkhat zong note lak mahah a om hi.