Hebru 1:1 - Tedim Bible

¹ A beisa hunah Pasian in kamsangte zangin i pupite tungah a lam tuamtuam tawh a khen khenin thu na gen ngeizo hi.

Tedim Bible Revision 2017

¹ A beisa hunah Pasian in kamsangte zangin i pupite tungah a lam tuamtuam tawh a khenkhenin thu na gen ngei zo hi.

Hebru 1:1 Iomraidhean Croise

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.

Piancilna 6:3

Tua ciangin Topa in, “Mihingte sungah ka Kha om paisuak nawn lo ding hi. Bang hang hiam cih leh mihingte a mawh hi khinta a, kum za le kum sawmnih sung kisik nading hun kipia lai bek ding hi,” a ci hi.

Joel 2:28

“Tua khit ciangin mi khempeuh tungah ka kha ka sung ding a, na puteekte un mang manin na tangvalte un maang mu ding uh hi.

Luka 1:55

Abraham le a suanlekhak khempeuh tungah hehpihna a piak tawntung ding a phawk hi,” a ci hi.

Luka 1:72

I pu i pate a hehpih nading le ama thuciam siangtho hong mangngilh loh nading, amah in hong gen hi.

Luka 24:27

Tua ciangin Jesuh in Lai Siangtho sungah ama thu a kigennate khempeuh, Moses laibu a kipanin kamsangte’ laibu khempeuh a khiatna a gen hi.

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Johan 16:13

Tua ahih manin thuman hong lak ding Kha Siangtho hong tun ciangin thu khempeuh a manin hong hilh ding hi. Ama ngaihsuttawm thu hong gen ding hi lo a, ama tungah a kigen thute le a hong tung ding thute a hong gen ding ahi hi.

Johan 7:22

Moses in na tapate uh vun na at ding uh thu hong pia a, (a taktakin Moses thupiak mapekin na pu na pate un a palsat thu ahi hi) vun at ni ding le Sabbath ni a kituahkhak ciangin a vun na at veve uh hi.

Johan 9:29

Pasian in Moses a hopihna thu ka thei uh a, hih mipa ahihleh koi lai panin hong piang ahi hiam cih nangawn ka thei kei uh hi,” a ci uh hi.

Sawltak 13:32

Kote pen note kiangah Lungdamna Thu a puak dingin hih lai-ah a hong om ka hi uh hi. Tua thu in: Pasian in i pu i pate tungah a ciam thu pen Jesuh a hinkik sakna tawh, Israel’ suan ahi eite le midang khempeuh a dingin tu-in a hong tungsak ahi hi. Late a lian nihna sungah, ‘Nang pen ka Tapa na hi a, tuni-in nangma Pa ka suak hi,’ a cihna thu hong tungsak hi.

Sawltak 2:30

David pen kamsang hi a, ama tunga Pasian’ thuciam a thei hi. Ama suante khat, amah bang teek mahin kumpi-in a bawl nading Pasian in thu a ciam hi.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasian’ Ukna thu gentel a, Jesuh’ thu man hi, ci-in a uptheih nadingun Moses Thukham le kamsangte’ laigelhte siksanin a gen hi.

Sawltak 3:21

Pasian in ama kamsang mi siangthote tungtawnin tanglai-in a genkholhsa bangin, na khempeuh a thakin a kibawl hun dong mateng vantungah Jesuh a om ding ahi hi.

Hebru 11:18

Tua a piak ding tapa pen Pasian in, “Na tapa Isaac tungtawnin suanlekhak na nei ding hi,” a cih pa ahi hi.

Hebru 11:2

Tanglai mite in upna a na neih manun Pasian in a na pakta hi.

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

Hebru 2:2

Vantung mite in hong gen thute thuman hi a, tua thu a palsatte in a kilawm bangin gim thuak ding uh hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Hebru 3:5

Moses pen nasem khat hihna tawh Pasian’ inn sungah thu khempeuhah citak a, mailam hunah Pasian in a gen ding thute a gen hi.

Hebru 4:8

Joshua in Pasian’ tawlngakna munah mite tunpih khin hileh Pasian in a nidang khat thu nunggen nawn lo ding hi.

Hebru 5:5

Tua mah bangin Khrih zong, amahmah in siampi lianpen nasep a semtawm mawk hi loin Pasian in ama kiangah, “Nang, ka Tapa na hi hi. Tuni-in na Pa ka suak hi,” na ci hi.

Hebru 9:19

Moses in zong mite tungah Thukham sunga om thute a piak lai-in bawngno sisan, keel sisan, le tui sungah puknah le tuumul san diahin, tuate tawh Thukham laibu le mite theh a,