Filemon 1:8 - Tedim Bible

⁸ Tua ahih manin Khrih hangin unau khat ihihna tawh hih dingin a kilawm bangin na gamtat nadingin thu ka hong gen ngam hi.

Tedim Bible Revision 2017

⁸ Tua ahih manin Khris hangin unau khat ihihna tawh hih dingin a kilawm bangin na gamtat nadingin thu kong gen ngam hi.

Filemon 1:8 Iomraidhean Croise

2 KORIN NIHNA 10:8

Bang hang hiam cih leh note’ siat nading hi loin note’ hoihna dingin Topa in kote tungah hong piak thuneihna hong nakzat lua-in ka kisialhpih hangin themkhat zong ka maizum kei hi.

2 KORIN NIHNA 11:21

Tua bangin na om uh zumhuai mahmah hi. Kote ahihleh note tungah ka hong tuaci gamtat ngam kei uh hi. Ahi zongin a kisial ngam om ahihleh kei zong mihai bangin ka hong kisial ngam ding hi.

2 KORIN NIHNA 3:12

Hih bang lametna nei ka hih manun hangtakin a om ka hi uh hi.

Efesa 5:4

A kilawm lo-a kampauna, le ciamnuih hoih lo cihte zong na zang kei unla, Pasian tungah lungdamkohna kam na pauzaw un.

1 THESALONIKA MASA 2:2

Note in na theihsa uh mah bangin Thesalonika khua ka hong tun ma-un Filippi khua-ah simmawh bawlna le maizumna ka thuak uh hi. Tua bangin nakpitakin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

1 THESALONIKA MASA 2:6

Khrih sawltakte ka hihna uh hangin phatna ka ngah ding uh a kilawm hinapi-in note le midangte, a kuamah peuh’ hong phat ding a zong ka hi kei uh hi.