Filemon 1:19 - Tedim Bible

¹⁹ Keimah Paul in ka hong loh ding hi, cihna thu keima khut mahmah tawh a lai ka gelh ahi hi. Nangma nuntakna bulpi mahmah zong keima hang ahihna thu gen kullo hi.

Tedim Bible Revision 2017

¹⁹ Keimah Paul in ka hong loh ding hi, cihna thu keima khut mahmah tawh a lai ka gelh ahi hi. Nangma nuntakna bulpi mahmah zong keima hang ahihna thu gen kul lo hi.

Filemon 1:19 Iomraidhean Croise

Piancilna 43:9

Kei pen ama a dingin a kikham ka hi ding a, kei’ khutsung panin amah nong kal ding hi. Keimah in nang kiangah amah hong ciahpihkik loin na mai-ah kong koihkik kei leh, tua mawhna kei hong thuaksak tawntung in.

ROM (Romans) 16:22

Hih lai a gelhsak keimah Tertias in zong upna kikhat ihihna tawh ka hong hopih hi.

1 KORIN MASA 4:15

Khrih thu hong hilh ding mi a tul a za-in na nei uh ahi zongin pa-a na neih ding uh kei bek a om ka hihna thu na phawk un. Bang hang hiam cih leh note kiangah lungdamna thu ka hong hilhna hangin Jesuh Khrih sungah nomau’ pa ka suak hi.

2 KORIN NIHNA 10:1

Keimah Paul in Khrih migitna le lungduaina tawh note kiangah ka hong thum hi. Kei pen note tawh ka hong omkhawm laitakin a meidawi, note tawh ka omkhawm loh ciangin a tapkual han in hong kigen hi.

2 KORIN NIHNA 3:2

Note mahmah pen mihoih ka hihna uh lah nadingin kote’ lai na hi uh a, mi khempeuh in simin a theih nadingun kote’ lungtang tungah a kigelh lai na hi uh hi.

2 KORIN NIHNA 9:4

Tua bang hikeileh kei ka hong pai ciangin Masedonia gam a ka lawmte in hong zuikha zenzen hen la, note a kiging lopi-in a om hong tuakkha leh, note ka hong muan gen mahmahsa ahih manin note’ maizum ding gen loh, kote bangzah takin maizum ding ka hi uh hiam?

Galati 5:2

Tu-in keimah Paul in ka hong gen ding thu limtakin na ngai un: Note in vun-atna na zat uhleh note a dingin Khrih’ nasepna a kimanna a om het lo ahi hi.

Galati 6:11

Tu-in keima khut mahmah tawh laimal gol pipi-in lai ka hong gelh na mu uh hi.

1 TIMOTI MASA 1:2

Thu upna sungah ka tapa taktak ahi Timoti tungah lai ka hong khak hi. Pa Pasian le eite’ Topa Khrih Jesuh in dikna, hehpihna le nopsakna thupha, nangma tungah hong tungsak tahen.

Titu 1:4

Thu upna-ah ka ta taktak ahi Titus tungah lai ka hong khak hi. Pa Pasian le eite hong Hon Khrih Jesuh in nangma tungah hehpihna le nopsakna thupha hong tungsak tahen.

Filemon 1:18

Nang tungah hong khialh a, leiba thangba hong neih leh zong keima khialh, keima batin na seh in.