Filemon 1:17 - Tedim Bible

¹⁷ Tua ahih manin nasepna-ah pawlkhat taktakin kei na hong ngaihsut nakleh kei na hong limbawl ding zahin amah na limbawl in.

Tedim Bible Revision 2017

¹⁷ Tua ahih manin nasepna ah pawl khat taktakin kei na hong ngaihsut nakleh kei na hong limbawl ding zahin amah na lim bawl in.

Filemon 1:17 Iomraidhean Croise

Mattiu 10:40

“Na thugen uh a hong sangte in kei’ thu a hong sang hi a, kei a hong sangte in kei a hong sawl pa zong a sang ahi uh hi.

Mattiu 18:5

Keima min hangin hih bang naupang khat a limbawl mi in kei zong hong limbawl ahi hi.

Mattiu 25:40

Tua ciangin Kumpipa in amaute kiangah, ‘Note kiangah kong genin-ah: Hih ka sanggamte a neupen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Sawltak 16:15

Amah le a innsunga om mi khempeuh tui kiphum uh a, “Topa thu a um mi taktak hi, ci-in na hong ngaihsut nak-uhleh hong pai unla, ka inn-ah hong tung un,” ci-in hong samin a hong zol hi.

2 KORIN NIHNA 8:23

Titus ahihleh note a’ ding ka nasepna-ah ka kikholhpih ka naseppih mi hi a, amah tawh hong kithuah ka sanggam tegel uh ahihleh pawlpite’ tang hi uh a, Khrih’ min a thangsakte ahi uh hi.

Efesa 3:6

Tua thusim pen: Lungdamna thu a kihilhna hangin Gentail mite in Jew mite tawh Pasian’ thupha ngahkhawm thei a, amaute tawh pawlkhat suakin, Pasian in piak dingin a ciam thute, Khrih hangin a ngahkhop theihna uh ahi hi.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna-ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

1 TIMOTI MASA 6:2

Thu um mi to-in a nei silate in upna sungah sanggam khat hi hang, ci-in ngaihsutna tawh a tote uh zahtakbawl loin omkha kei uh hen. Amaute’ nasepna hangin hamphatna a ngah mite pen thu um mi le a it uh mite ahih manin a hoihzaw-in a sepsak ding uh a kilawmzaw ahi hi. Tu-a ka hong gen ding thute mi khempeuh tungah hilhin gen in.

Filemon 1:10

Tua ahih manin Khrih hangin ka ta ahi Onesimas a dingin ka hong thumsak hi. Thong sungah ka om sungun kha thu tawh kisai-ah ama pa ka suak hi.

Filemon 1:12

Keima pumpi zahin ngaihsutna tawh nang kiangah amah ka hong puakkik hi.

Filemon 1:18

Nang tungah hong khialh a, leiba thangba hong neih leh zong keima khialh, keima batin na seh in.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

1 PETER MASA 5:1

Keima pumpi mahmah zong pawlpi upa hi-in, Khrih thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

1 JOHAN MASA 1:3

Pa Pasian le a Tapa Jesuh Khrih tawh kote pawlkhatin ka om uh mah bangin note zong kote tawh pawlkhat nong suahtheih nading uh deihna-in ka muhsa uh le ka zaksa uh thute a hong gen ka hi uh hi.