Filemon 1:16 - Tedim Bible

¹⁶ Tu-in amah sal bek hi nawn loin sal sangin a thupizaw, Khrih hangin i sanggam hong hita hi. Kei a dingin amah a manphat mah bangin sal hihna le Topa thu sungah sanggam hihna tawh nang a dingin zong hong manphazaw kan ding hi.

Tedim Bible Revision 2017

¹⁶ Tu-in amah sal bek hi nawn loin sal sangin a thupi zaw, Khris hangin i sanggam hong hi ta hi. Kei adingin amah a man phat mah bangin sal hihna le Topa thu sungah sanggam hihna tawh nang adingin zong hong manpha zaw kan ding hi.

Filemon 1:16 Iomraidhean Croise

Mattiu 23:8

Ahi zongin note pen, ‘Sia,’ na kicih ding uh hi lo hi. Sia khat bek na nei uh a, no adangte khempeuh unau khat na hi uh hi.

Sawltak 9:17

Tua ahih manin Ananias zong pai a, inn sungah a lutkhit ciangin Saul lu tungah a khut nga a, “Sanggam Saul aw, hih lai-ah nong pai lai-in nangma tungah a hong kilang Jesuh mahmah in kei hong sawl hi. Nangmah in khua muthei kikin, Kha Siangtho tawh na kidim theih nadingin nangma kiangah a hong paisak ahi hi,” a ci hi.

1 KORIN MASA 7:22

Bang hang hiam cih leh Topa in a sap sila ahi mi pen Topa a dingin mi suakta hi a, tua mah bangin Khrih in a sap a suakta mi pen Khrih a dingin sila ahi hi.

Kolose 3:22

Silate aw, thu khempeuhah na leitung topa uh thu na mang un. Amau’ hong pahtak ding deihna tawh a hong muh sung bekin a hoihtatte hi kei unla, Topa na zahtakna uh hangin lungsim tak tawh gamta un.

1 TIMOTI MASA 6:2

Thu um mi to-in a nei silate in upna sungah sanggam khat hi hang, ci-in ngaihsutna tawh a tote uh zahtakbawl loin omkha kei uh hen. Amaute’ nasepna hangin hamphatna a ngah mite pen thu um mi le a it uh mite ahih manin a hoihzaw-in a sepsak ding uh a kilawmzaw ahi hi. Tu-a ka hong gen ding thute mi khempeuh tungah hilhin gen in.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

1 JOHAN MASA 5:1

Jesuh, Khrih hi, ci-in a um mi khempeuh Pasian’ tate hi a, pa a it mi peuhmah in a ta zong a it hi.