Filemon 1:1 - Tedim Bible

¹ Khrih Jesuh hangin thong a kia keimah Paul le i sanggampa Timoti in, Ka hong it uh, ka naseppih uh ahi Filemon,

Tedim Bible Revision 2017

¹ Khris Jesu hangin thong a kia keimah Paul le i sanggampa Timoti in, Ka hong it uh, ka nasep pih uh ahi Filemon,

Filemon 1:1 Iomraidhean Croise

Sawltak 16:1

Paul paisuak lai-in Derbe khua tung a, tua panin Lystra khua a tung hi. Tua Lystra khua-ah Timoti a kici thu um mi khat om a, a nu zong thu um Jew mi hi a, a pa pen Grik mi ahi hi.

1 KORIN MASA 3:9

Kote pen Pasian a dingin na a semkhawm mite ka hi uh a, note pen Pasian’ lo na hi uh hi. Note pen Pasian’ inn zong na hi uh hi.

2 KORIN NIHNA 1:1

Jesuh Khrih’ sawltak ahi dingin Pasian in a hong seh keimah Paul le thu upna sungah i sanggam Timoti in, Korin khua-ah a om Pasian’ pawlpi mite le Akhaia gam sungah a om Pasian’ mite khempeuh tungah lai ka hong khak uh hi.

Galati 3:26

Khrih Jesuh tawh na kipawl manun note khempeuh Pasian’ tate na suahtheihna uh pen na upna hang uh ahi hi.

Efesa 3:1

No Gentail mite hangin Jesuh Khrih thu tawh kisai-in thongkia keimah Paul in Pasian kiangah thu ka ngen hi.

Efesa 4:1

Tua ahih ciangin Topa’ na ka sepna hangin thong a kia keimah in note’ nuntakzia dingin a hong deihna tawh a kilawm a kituakin na nuntak nadingun ka hong hanthawn hi.

Efesa 6:20

Pasian’ thu genin taangmi ka sepna hang mahin sikkhau khihna thuakin thongkia ka hih manin ka hilh dingin a kilawm bangin hangtakin ka gen ngam nadingin thu hong ngetsak ta un.

Filippi 1:1

Jesuh Khrih’ sila keimah Paul le Timoti in Filippi khua-a om Khrih tawh a kipawl Pasian’ mite, siate, le upate khempeuh tungah lai ka hong khak uh hi.

Filippi 2:25

Note in kamtai ding le keimah hong huh dingin na hong sawl uh, kei tawh na semkhawmin gal hong simpih, i sanggampa Epafroditas pen note kiangah ka hong ciahsakkik ding kisam hi, ci-in ka ngaihsun hi.

Filippi 4:3

Hih numei nihte in Klement le a nungta mite a kikhumna Pasian’ laibu sungah a kikhum, ka naseppih dangte khempeuh tawh, lungdamna thu a kizelh nadingin nakpitakin kei tawh na hong semkhawm uh ahih manin, citakin kei tawh na a semkhawm note in zong amau tegel na huh nadingun ka hong thum hi.

Kolose 1:1

Pasian’ deihna tawh Jesuh Khrih’ sawltak dingin a hong kiseh keimah Paul le i sanggam Timoti in,

Kolose 4:11

Justas zong a kici zel Jesuh in zong note hong hopih hi. Vun-atna a zang Jew mi Khristian a hong suakte lak panin hih mi thumte bek, Pasian thu-ah ka naseppih lakah a hong kihel ahi hi. Ka nasepna-ah amaute in nakpitakin hong huh uh hi.

1 THESALONIKA MASA 3:2

Khrih Lungdamna Thu hilhna-ah Pasian a dingin kote tawh na a semkhawm i sanggampa Timoti hong paisak le-ung hoihpen ding hi, ci-in ka ngaihsun uh hi. Amah in note hong hanthawnin na upna uhah hong kipsakin,

2 THESALONIKA NIHNA 1:1

Keimah Paul, le Silas, le Timoti-te in: Pasian le Topa Jesuh Khrih sungah a om, Thesalonika khua-a om pawlpi mite tungah lai ka hong khak uh hi.

2 TIMOTI NIHNA 1:8

Tua ahih manin i Topa’ thu gen nading thu-ah ahi a, ama thu hangin thong a kia keima thu-ah ahi zongin maizum het kei in. Pasian in nangma tungah thahatna hong pia ahih mah bangin Lungdamna Thu hangin thuakna-ah zong a thuaknuam hizaw in.

Filemon 1:23

Khrih Jesuh hangin thong ka kiatpih Epafras a kipan,

Filemon 1:24

ka naseppih Marka, Aristarkhas, Demas, le Luka-te in hong hopih uh hi.

Filemon 1:9

Hih bangin ka hong genna pen itna i neihna hang ahi hi. Tu lai takin Khrih taangmi ahi keimah Paul zong, Khrih Jesuh hangin thongkia-in a om ka hi hi.