Daniel 9:9 - Tedim Bible

⁹ Nang pen hehpihna tawh kidimin mawhna na maisak a, ahih hangin kote in nang ka hong langpan’ uh hi.

Tedim Bible Revision 2017

⁹ Nang pen hehpihna tawh kidimin mawhna na maisak a, ahih hangin kote in nang ka hong langpan uh hi.

Daniel 9:9 Iomraidhean Croise

2 SAMUEL NIHNA 24:14

Tua ciangin David in Gad kiangah, “Nakpi takin ka lung a kham hi. Ama hehpihna lian ahih manin Topa’ khut sungah tung ni; bangbang ahi zongin mihing khut sungah hong tungsak kei hen,” a ci hi.

1 KUMPI MASATE 8:30

Amaute in hih mun lamah hong nget uh ciangin na mi Israel-te’ hong thumna zong ngai in. Na tenna mun vantung panin hong za inla, ka mawhna uh hong maisak in.

Nehemiah 9:31

Ahi ta zongin na hehpihna lian hangin amaute beisak loin, zong na nusia kei hi; bang hang hiam cih leh dikna le hehpihna a nei na hi hi.

Late 130:4

Ahih hangin nangmah hong kizahtak theih nadingin nangmah in mawhna na maisak hi.

Late 130:7

Israel aw, Topa muang in. Bang hang hiam cih leh Topa’ itna kip tawntungin, hong honkhia nuam tawntung hi.

Late 62:12

Topa aw, itna kip nangma a’ ahi hi. Bang hang hiam cih leh a sepna bang ciatin mite na thuk hi.

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmahin, itna kip le thumanna tawh a kidim na hi hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Isaiah 55:7

Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.

Isaiah 63:7

Topa’ itna kip, Topa phatnate, Topa in eite tungah a hong piak khempeuh tawh a kizui leh, ama hehpihna le a lianpi ama itna kip tawh a kizui-in amaute tunga a piak, Israel innkuan tungah ama hoihna lianpite ka gengen ding hi.

Jeremiah 14:7

Ka mite in kei tungah, ‘Topa aw, ka mawhna uh kote’ langkhatah hong pang ahi ta zongin nangma min hangin kote hong hehpih in. Kote in tam veipi nang kong nungngat uh a, nangma tungah ka hong khial khinzo uh hi.

Ezekiel 20:13

Ahi zongin Israel mite in gamlak nangawnah kei hong dem uh a, a zui peuhpeuh in nuntakna a ngahna ding uh ahi keima thukhamte le ka thupiaknate a nial uh hi. Ka Sabbath-te zong nakpitakin siasak uh hi. Tua ahih manin amaute a maiman nadingin ka hehnateng gamlakah a thuaksakgawp dingin ka kithawi hi.

Daniel 9:5

“Kote ka hih uhleh ka gilo uh a, mawh khinin ka khial khin uh hi. Na hong sawlna bang ka mang kei uh a, na thupiakna le na thukhamte ka taisan khin uh hi.

Daniel 9:6

Ka kumpite uh, ko hong ukte, ka pu ka pate uh, le minam khempeuh tungah na min tawh thu a hong gen na nasem kamsangte’ thu ka ngai kei uh hi.

Daniel 9:7

Topa, nang na hih leh na siangtho a, ahih hangin kote ka hih uhleh a zumhuai-in ka gamta uh hi. Judah gam le Jerusalem khuasunga teng Israel mite khempeuh thuman lo uh ahih manin, a nai a gamla gam tuamtuamah na thehthangzo hi.

Daniel 9:8

Ka kumpite uh, ko hong ukte, le ka pu ka pate uh a zumhuai-in gamta uh a, a hong uk Topa nangma tungah hong khial khin uh hi.

Jonah 4:2

Topa’ kiangah thu ngen a, “Kong thum hi, Topa aw; ka gam sungah ka omlai pekin hici mah in teh, ci hi lo ka hi hiam? Hanciamin Tarshish khua-ah ka taisimna zong tua hang mah ahi hi; bang hang hiam cih leh nang pen a hehpih thei Pasian, a hehhak, a migi mahmah, siatna tunsak ding a kisiknuam Pasian na hihna kong thei hi.