Daniel 7:9 - Tedim Bible

⁹ Ka et laitakin kumpi tokhomte a hong kikoih hi. A nungta tawntung mipa tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom pen meikuang leengpei tungah kinga-in mei kuang zuazua a,

Tedim Bible Revision 2017

⁹ Ka et laitakin kumpi tokhomte a hong kikoih hi. A nungta tawntung mipa tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom pen meikuang leengpei tungah kinga-in mei kuang zuazua a,

Daniel 7:9 Iomraidhean Croise

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama taklam le a veilamah vantung mihonpi a ding ka mu hi.

2 KHANG TANGTHU NIHNATE 18:18

Tua ciangin Mikaiah in, “Topa’ thugen za in: Topa a kumpi tokhom tungah tu a, a taklam le a veilamah vantung mihon khempeuh a ding ka mu hi.

Late 45:8

na puantualpite myrrh paknamtui, aloes paknamtui, le thalsing namtuite a nam hi. Saiha tawh kibawl innpite panin khausai lasaknate in nang hong lungdamsak a,

Late 90:2

Mual liante a kipiansak ma, leitang le leitung na bawl ma pek, a tawntung a kipan a tawntung dongin Pasian na hi hi.

Late 93:2

Tanglai pek panin na tokhom a kipsa hi a, nang pen a tawntung a om na hi hi.

Isaiah 6:1

Kumpi Uzziah a sih kumin, a sang mahmah, a lian kumpi tokhom tungah Topa a tu ka mu hi. Ama kumpi puanpi pen biakinn sungteng a dim hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Jeremiah 49:38

Topa in ka cihin-ah, Elam gamah a kumpipa uh le kumpi uliante thatin ka kumpi tokhom ka phut ding hi.

Ezekiel 1:26

Tua kuum tungzangah, sapfaia suangmanpha tawh a kibawl kumpi tokhom bang pian khat om a, tua tokhom tungah mi tawh a kibang pian lim khat a tu hi.

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Daniel 7:22

Tua ciangin a nungta tawntung mipa hong pai a, a Lianpen Pasian’ mite a’ ding a hoih thukhenna a hong gen hi. Pasian’ mite in kumpi za a ngahna ding uh hun a hong tung hi.

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Habakkuk 1:12

Topa aw, a cil pek a kipan a tawntungin Pasian na hi a, nang pen a tawntungin keima Pasian, a Siangtho Pa na hi hi. Topa aw, kote gim a hong pia dingin amaute na seh hi bek hi. Ka belh Suangpi aw, kote nong thuhilhna ding bekin amaute’ tungah vang a pia bek na hi hi.

Mattiu 17:2

Tua lai mun panin amaute’ muhtangpi mahin Jesuh a mel kikheel a, a maitang ni bangin taangin, a puante khuavak bangin a ngo hi.

Mattiu 28:3

Ama mel, khuaphialep tawh kibang a, a puan zong vuk bangin a pak hi.

Marka 9:3

leitung a puansawpte kuamah in a paaksak zawh loh dong ding zahin a puante pakin a tee hi.

Sawltak 2:30

David pen kamsang hi a, ama tunga Pasian’ thuciam a thei hi. Ama suante khat, amah bang teek mahin kumpi-in a bawl nading Pasian in thu a ciam hi.

Sawltak 2:33

Amah in Pasian’ taklamah omna dongin liatna ngah a, ama tungah Pasian in a ciamsa Kha Siangtho zong a ngahkhin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Filippi 3:9

Khrih tawh kiptakin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesuh Khrih upna hangin Pasian in a hong piak diksakna ka ngah a, tua pen upna siksanin a hong kipia ahi hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi hen la, vanglian tawntung tahen. Amen.

1 JOHAN MASA 1:5

Ama kiang panin za-in note tungah ka hong gen uh thu in: Pasian, khuavak hi a, khuamial tawh kizopna themkhat zong nei het lo hi.

Mangmuhna 1:14

A samte tuumul bangin kangin, khuavak bangin pak a, a mittangte meikuang a bang hi.

Mangmuhna 19:18

Hong pai unla, kumpite’ sa, galkapmangte le galkapte’ sa, sakolte le a tungah a tuangte’ sa, a lian a neu, silate le sila ahi lo mi khempeuhte’ sa hong ne un,” a ci hi.

Mangmuhna 20:4

Tua ciangin tokhom tungah a tu mi pawlkhat ka mu a, tua mite tungah thukhen nading aana a kipia ahi hi. Jesuh thu a genna le Pasian thu hangin a kithat mite’ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uhah ahi a, a khut tung uhah ahi zongin ganhing ciaptehna nei lo uh hi. Amaute hong hingkik uh a, Khrih tawh kum tulkhat sung ukna aana a neikhawm uh hi.

Mangmuhna 4:2

Thakhat thu-in Kha Siangtho tawh ka kidim a, tua vantung a tokhom tungah mi khat a tu ka mu hi.