Daniel 7:7 - Tedim Bible

⁷ Ka et lai leh sapi lina ka mu hi. Tua sapi kihtakhuai mahmah a, lipkhaphuai-in a thupi mahmah hi. Amah in a gol mahmah sik-ha a nei hi. Amah in nene-in a nek valteng a khe tawh a tuancilgawp hi. Sapi dangte tawh kibang loin amah in ki sawm a nei hi.

Tedim Bible Revision 2017

⁷ Ka et lai leh sapi lina ka mu hi. Tua sapi kihtakhuai mahmah a, lipkhaphuai-in a thupi mahmah hi. Amah in a gol mahmah sik-ha a nei hi. Amah in nene-in a nek val teng a khe tawh a tuancil gawp hi. Sapi dangte tawh kibang loin amah in ki sawm a nei hi.

Daniel 7:7 Iomraidhean Croise

2 SAMUEL NIHNA 22:43

“Leivui bangin amaute ka satvui a, kongzing buante bangin amaute tuankhamin ka sikcipsuk hi.

JOB (Job) 41:14

A kihtakhuai a hate a kam sungah om ahih manin, kua in ama kam phensak ngam ahi hiam?

Ezekiel 40:2

Ka maang sungah, Pasian in Israel gamah hong paipih a, mual sang khat tungah hong koih hi. Khuapi tawh a kibang inn honpi bang khat ka mai-ah ka mu hi.

Daniel 2:19

Tua ciangin tua zan sungin maangmuhna tawh tua thuthukpi Daniel’ tungah kihilh a, amah in vantung Pasian’ min a phat hi.

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Daniel 7:2

Mun khempeuh panin huihpi hong nungin tuipi tung a seemgawp hi.

Daniel 8:10

Vantung galkapte nangawn a dozo zah dong dingin a thahatna hong khangto a, aksi pawlkhatte leitungah lawnkhia-in, a tuancilgawp hi.

Daniel 8:22

Ki po masa pen a kitan khit ciangin a nunga hong po ki lite pen tua gam panin kumpi gam li hong piang ding a cihnopna ahi hi. Ahih hangin tua gamte ahihleh a masa pen kumpi gam zahin a thahat kei ding uh hi.

Zekhariah 2:1

Ka muhna dang khat leuleu-ah, a khut sungah tehna khau a tawi mi khat ka mu hi.

Mangmuhna 12:3

Tua ciangin lim lamdang adang khat mah vanah hong kilang leuleu hi. Gulpi san a lian mahmah khat om a, lutang sagih le ki sawm nei a, a lutang sagihte-ah lukhu mah nei ciat hi.

Mangmuhna 13:1

Tua laitakin tuipi sung panin ganhing khat a hong pusuak ka mu hi. Tua ganhing in ki sawm le lutang sagih nei a, a ki sawmte tungah lukhu khat ciat om a, a lutang sagihte tungah min hoih lo khat ciat a kigelh hi.

Mangmuhna 17:12

Ki sawmte pen gam uk dingin a hong kipan nai lo kumpi sawm hi a, ahi zongin a ganhing tawh kumpi aana a neikhawm dingin nai khat sung bek a hun kipia ding hi.

Mangmuhna 17:7

Ahi zongin vantungmi in keima kiangah, “Bang hangin lamdangsa na hi hiam? Tua numei le amah a pua, lutang sagih le ki sawm a nei ganhing a cihnopna thu ka hong gen ding hi.

Mangmuhna 17:8

Tua na muh ganhing nidangin a om hangin tu-in om nawn lo hi. Ahi zongin tu-in kuahawm thukpi panin hong pusuakin sihna a thuak dingin paikhia ding hi. Tua ganhing nidangin omngei a, tu-in om nawn lo napi-in khatvei hong kilangkik ding ahih manin, a nungta mite’ min a kikhumna laibu sungah leitung pianma-in a kigelh nai lo, tu laitakin leitungah a om mite in tua ganhing a et uh ciangin lamdangsa ding uh hi.