Daniel 7:4 - Tedim Bible

⁴ A masa pen humpinelkai tawh kibang a, ahi zongin muvanlai kha tawh a kibang kha a nei hi. Ka et laitakin a kha tegel a hong kibotkhia hi. Leitung panin tua ganhing kidomkaang to-in, mihing bangin a khe nihin kidingsak a, mihing lungsim ama tungah a kipia hi.

Tedim Bible Revision 2017

⁴ A masa pen humpinelkai tawh kibang a, ahi zongin muvanlai kha tawh a kibang kha a nei hi. Ka et laitakin a kha tegel a hong kibot khia hi. Leitung panin tua ganhing kidom kaang to-in, mihing bangin a khe nihin kidingsak a, mihing lungsim ama tungah a kipia hi.

Daniel 7:4 Iomraidhean Croise

2 SAMUEL NIHNA 1:23

“Saul le Jonathan, ki-it uh a, it-huai uh! A sih a hinin amaute kikhen lo a, muvanlai sangin zaptel zaw uh a, humpinelkai sangin thahat zaw uh hi.

JOB (Job) 25:6

Tua ahihleh, lungno, ganhing no ahi lel mihing pen bangci ding ahi hiam? Mihing in Pasian’ muhna-ah bang man lel ahi hiam?” a ci hi.

Late 9:20

Amaute lausak in, Topa! Mi ahih lelna uh minamte theisak in!

Jeremiah 25:38

Topa’ namsau hang ahi a, a lauhuai ama hehna hang ahi zongin, amau’ gam pen gam simtham suakkhin ahih manin humpinelkai in a kua a nusiat bangin Topa in a mite nusiazo hi,” a ci hi.

Jeremiah 4:13

En un, meii bangin i gal pa hong pai a, a sakol leengte pingpei tawh kibang a, a sakolte muvanlai sangin manlang zaw hi. Gimna i thuak ding hi; bang hang hiam cih leh gal lel ding ihi ta hi.

Jeremiah 4:7

Humpinelkai khat a bukna sawlkawm panin hong kuankhiazo a, gamte a susia ding pa hong paikhiazo hi. Na gam uh a kisiasak ding le na khuapite uhah kuamah a ten loh nadingin a susia dingin ama omna panin hong kuankhia khinzo hi.

Jeremiah 48:40

Topa in kong cihin-ah: En in, muvanlai leeng bangin manlang takin gam khat hong leeng ding a, Moab gam a sim dingin a kha hong zal ding hi.

Jeremiah 49:19

En un, lonona-ah nuamtakin a om tuute, Jordan gam tulak panin a hong paito humpinelkai in a delhmang bangin, a gam uh nusia-in thakhat thu-in ka taimangsak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Keima to ahi ding kua omlai ahi hiam?

Kah la 4:19

Mu ak bawh sangin a manlang zaw-in amaute in a hong delh uh hi. Amaute in mualtung panin hong delhsuk uh a, theihkholh lohin a hong man khin uh hi.

Ezekiel 17:3

Topa Pasian in hih bangin ci hi, ci-in gen in: Muvanlai a gol mahmah, a khate zong golin a kizal deda khat om hi. Tua muvanlai in khaveng hoih mahmah nei hi. Lebanon Mual tungah va leengin taamtak kung khat a dawn va kuaitan a,

Ezekiel 28:2

“Mihing ahi Ezekiel aw, Taia khuapi a ukpa kiangah Topa Pasian ahi keimah in ka gennop thu, ama tungah hih bangin gen in: “Kisaktheihna lungsim lianpi nangmah in na nei a, kei, pasian khat ka hi hi, na ci hi. Nang pen pasian bangin pil na kisak hangin mihing na hi lel bek hi.

Ezekiel 28:9

Nang a hong that ding a hong kuan ciangun, kei pasian bang hi ing, na ci lailai diam? Nang hong thatte na tuah ciangin mihing na hih lelna hong kilang ding hi.

Daniel 2:38

Amah in mi’ tenna leitungteng, ganhingteng le vasate a uk dingin nang a hong koih hi. Tua kham lutang pen nangmah na hi hi.

Daniel 4:36

“Ka khuatheihna a hong tunkik ciangin ka kumpi za, ka minthanna, le ka gam minthannate a hong kipia kik hi. Ka miliante le ka thudot mite in hong muak uh a, nidang sangin a lianzaw minthanna le ka kumpi za a hong kipia kik hi.

Daniel 7:12

Sapi dangte ahihleh a vangliatna uh kilak khiatsak a, ahih hangin a nuntak laina ding uh hun ciangtan khat a kipia hi.

Daniel 7:5

Tua ciangin a nihna sapi vompi tawh a kibang khat ka mu hi. A nunglam khe tawh dingin a ha tawh nakguh thum pet a, “Na duh zahzah sa tampi ne in,” cihna aw khat a hong ging hi.

Mattiu 24:28

“Sapul omna peuhah musane kikaikhawm ding hi.”

Thu-hilhkikna 28:49

Topa in a gamlapi leimong panin muvanlai leeng bangin a manlang, amau’ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, note’ langkhatah hong paipih ding a,

Mangmuhna 13:2

Tua ka muh ganhing pen kamkei tawh kibang a, a khete vom khe tawh kibang a, a kam pen humpinelkai kam tawh a kibang hi. Gulpi in tua ganhing tungah ama vangliatna, ama tokhom, le aana lianpi a pia hi.