Daniel 4:8 - Tedim Bible

⁸ Tua ciangin Daniel (a min ding Betashazzar, ka pasian’ min tamin a kiphuak pa) a hong pai hi. Pasian’ kha ama sungah om ahih ciangin ama kiangah ka mangmat ka gen hi.

Tedim Bible Revision 2017

⁸ Tua ciangin Daniel (a min ding Belteshazzar, ka pasianʼ min tamin a kiphuak pa) a hong pai hi. Pasianʼ kha ama sungah om ahih ciangin ama kiangah ka mangmat ka gen hi.

Daniel 4:8 Iomraidhean Croise

Piancilna 41:38

Faro in a nasemte kiangah, “Ama sungah Pasian Kha a omna, hih bang midang mu ding ihi hiam?” a ci hi.

Isaiah 46:1

“Bel pasian puksukin, Nebo pasian kunsuk a, tua milimte pen ganhing le bawngte tungah kipua hi. Note’ puak hih nate pen a gim mahmah ganhingte tungah a kisuan vangik bangin note tungah hong gik hi.

Isaiah 63:11

Tua ciangin amaute in hun lui lai, ama nasem Moses’ hun a phawk uh hi. Ama mi a makaite honkhia-in, tuipi sung panin a paikhiatpih Topa koi-ah omta ahi hiam? Amaute’ tungah ama kha a piapa,

Jeremiah 50:2

“Gam khempeuhah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawpta hi. A milimte uh maizum ta a, a pasian-te uh kisiagawp ta hi,’ ci-in taangko un.

Ezekiel 17:23

Israel mual sangpen dawnah suanin, a hiang zaai-in a gah luai ding a, taamtak lianpi khat suak ding hi. Tua tungah vasa nam khempeuh tawlnga ding a, bu bawlna munin a nei ding uh hi.

Daniel 1:7

Innsungmang lianpen pa in amaute min thak phuah a, Daniel’ min dingin Belteshazzar, Hananiah’ min dingin Shadrak, Mishael’ min dingin Meshak, Azariah’ min dingin Abednego a phuak hi.

Daniel 2:11

Kumpipa’ thudotna pen haksa lua mahmah ahih manin, mihing ahi lo pasian-te longal a gen thei ding kuamah om lo hi,” a ci uh hi.

Daniel 2:26

Kumpipa in Belteshazzar a kici Daniel kiangah, “Ka mangmat bang hi a, a khiatna bang hiam cih hong gen thei ding na hi hiam?” ci-in a dong hi.

Daniel 3:14

Amah in, “Shadrak, Meshak, le Abednego-te aw, ka pasian bianuam loin, ka kham milim koih mai-ah kun nuam lo na hi uh hiam?

Daniel 4:18

“Beltashazzar aw, keimah Nebukhadnezzar Kumpipa in ka mangmat pen hih bang ahi hi. Tu-in a khiatna hong gen in. Ka thudot mite khat beek a khiatna a hong gen thei a om kei uh hi. Ahi zongin nang’ sungah Pasian’ kha om ahih manin na hong gen thei ding hi,” a ci hi.

Daniel 4:9

Ama kiangah, aisan theite lak a a lianpen Betashazzar aw, Pasian’ kha na sungah om ahih manin thuthuk khempeuh na theih theihlam ka thei hi. Hih ka mang a khiatna hong gen in, ka ci hi.

Daniel 5:14

Nangma sungah Pasian’ kha om ahih manin siamna nei-in, lungpilna le theihna na neihlam ka thei hi.