Daniel 4:5 - Tedim Bible

⁵ Ahih hangin ka ihmut laitakin a lauhuai mang khat ka man a, a dipkuathuai maang ka mu hi.

Tedim Bible Revision 2017

⁵ Ahih hangin ka ihmut laitakin a lauhuai mang khat ka man a, a dipkuathuai maang ka mu hi.

Daniel 4:5 Iomraidhean Croise

Piancilna 41:1

Tua zawh kum nih bit khit ciangin Faro in mang man a, amah Nail gun gei-ah ding hi.

Daniel 1:7

Innsungmang lianpen pa in amaute min thak phuah a, Daniel’ min dingin Belteshazzar, Hananiah’ min dingin Shadrak, Mishael’ min dingin Meshak, Azariah’ min dingin Abednego a phuak hi.

Daniel 2:1

Nebukhadnezzar kumpi a suahzawh a kum nihna kumin mang khat a man hi. A lungsim pataulua mahmah ahih manin a ihmu thei kei hi.

Daniel 2:3

Amaute hong pai-in kumpipa mai-ah a din uh ciangin kumpipa in, “Mang khat ka man a, tua ka mang pen bang hiam cih theinuam ka hih manin ka lungsim a patau mahmah hi,” a ci hi.

Daniel 4:10

“Ka ihmut laitakin maangmuhna khat ka nei a, leitung laizangah a po singkung sang mahmah khat ka mu hi.

Daniel 4:13

“Ka maangmuhna ngaihsunin ka om laitakin ka khuadak leh a vil, a patau vantungmi khat vantung pan a hong tuaksuk ka mu hi.

Daniel 4:15

Ahih hangin a bul le leisung a a zungte nusia in. Sik le sumngo kual tawh vial inla, gamlak lopate tawh nusia khawm in. Hih mipa tungah daitui kai hen la, ganhingte le lopate tawh omkhawm hen.

Daniel 4:19

Tua ciangin Beltashazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Beltashazzar aw, mang le a khiatna huhau-in na lung mangsak zenzen kei in, a ci hi. Beltashazzar in, Kumpipa aw, nang mangmat le a khiatna pen na galte tungah tungzaw hen, a ci hi.

Daniel 5:10

Kumpipa le a miliante gamlum ngeingai-in a om laitakun, pawi inn sungah kumpinu hong lut a, “Kumpipa aw, sauveipi nungta in. Bang hangin lungkham lua-in na mai daangsak zenzen na hi hiam?

Daniel 5:11

Na gam sungah Pasian’ kha a nei mi khat a om hi. Na pa kumpi ahih laitakin, tua mipa in pasian-te’ pilna tawh a kibang pilna, theihna le lungsim navakna a nei hi. Tua hi a, kumpi ahi na pa Nebukhadnezzar in tua pa pen aisan theite, mitphial siamte, khongkhai siamte, le aksi et siamte’ ukpi dingin a koih hi.

Daniel 7:1

Belshazzar, Babylon kumpi a suahzawh a kum masa kumin keimah Daniel in mang khat ka man a, zanin maang ka mu hi. Ka mangmat lai-in ka gelh a, tua zan a ka maangmuhnate ka ciaptehna hih bang ahi hi:

Daniel 7:28

Hih tangthu a beina hita hi. Hih thu ka ngaihsut ciangin keimah Daniel ka lau mahmah a, ka mel a daanggawp hi. Ahih hangin hih thu keima lungsim sung bekah ka koih hi.