Daniel 3:7 - Tedim Bible

⁷ Tua mah bangin minam kimte, minam tuamtuamte le paunam tuamtuamte khempeuh in tumtheih gingte a zak phetun kunsukin Kumpi Nebukhadnezzar’ kham milim koih a bia uh hi.

Tedim Bible Revision 2017

⁷ Tua mah bangin minamkimte, minam tuamtuamte le pau nam tuamtuamte khempeuh in tum theih gingte a zak phetun kun sukin Kumpi Nebukhadnezzarʼ kham milim koih a bia uh hi.

Daniel 3:7 Iomraidhean Croise

Jeremiah 51:7

Babylon khuapi, Topa’ khut sungah a om kham hai tawh kibang a, leitung buppi zu a khamsak hi. Gamdangte in a zu a dawn manun a hai khin uh hi.

Daniel 2:46

Tua ciangin kumpi Nebukhadnezzar zong Daniel’ mai leilakah kunsukin, Daniel tungah sagawh biakna le a namtui biakpiakna bawl dingin thu a pia hi.

Daniel 3:10

Kumpipa in, tumtheihte a hong kitum khit phetin mi khempeuh kham milim mai-ah kunin bia ding uh hi, ci-in thu na pia khinzo hi.

Daniel 3:4

Tua ciangin nakpitakin taangkona khat kibawl a, “Minam tuamtuamte le paunam tuamtuamte khempeuh aw!

Daniel 3:5

Peengkul ging na za ding uh a, tua khit ciangin tamngaite, laiza lasakna gingte, harp lasakna gingte, gawsemte, le tumtheih a tuamtuamte a hong kitum ciangin Kumpi Nebukhadnezzar’ koih kham milim mai-ah kunin na bia ding uh hi.

Daniel 3:6

A kun lo, a bia lo peuhmah thakhat thu-in mei phualpi sungah kikhul pah ding hi,” a ci hi.

Daniel 3:8

Tua ciangin Babylon mite pawlkhat pai-in Jew mite a heksim uh hi.

Sawltak 14:16

A beisa hun sungah Pasian in mi khempeuh amau utbang ciatin hong gamtasak hi.

1 JOHAN MASA 5:19

Leitung midang khempeuh Dawimangpa’ khut sungah a om ahi zongin eite pen Pasian’ mi ihihna thu i thei hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

Mangmuhna 13:14

Ganhing masa omna-ah nalamdang bawltheih nading thu ngah ahih manin a nalamdang bawlna tawh leitungah a om mi khempeuh khem a, namsau tawh a si ding zahin a kisat liamsa hinapi a nungta lai ganhing pahtawi nading milim khat a bawl nadingun a gen hi.

Mangmuhna 13:3

A lutang khat in sih nading zahin liamma lianpi nei ngei napi-in damkik a, leitung mi khempeuh in lamdang sa-in tua ganhing a zui ngeingai uh hi.

Mangmuhna 13:8

Tua ahih manin a kigo Tuuno laibu sungah a nungta ding mite’ min, leitung pianma pekin a kikhumna-ah a kihel lo leitung mi khempeuh in tua ganhing bia ding uh hi.

Mangmuhna 17:8

Tua na muh ganhing nidangin a om hangin tu-in om nawn lo hi. Ahi zongin tu-in kuahawm thukpi panin hong pusuakin sihna a thuak dingin paikhia ding hi. Tua ganhing nidangin omngei a, tu-in om nawn lo napi-in khatvei hong kilangkik ding ahih manin, a nungta mite’ min a kikhumna laibu sungah leitung pianma-in a kigelh nai lo, tu laitakin leitungah a om mite in tua ganhing a et uh ciangin lamdangsa ding uh hi.

Mangmuhna 19:20

Tua ciangin a ganhing le tua ganhing omna-ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua na lamdangte tawh a kikhem ahi hi. Ganhing le kamsang zuau pa, a nihun kat kikhulna meiphualpi sungah a hingtangun kilawn hi.