Daniel 3:6 - Tedim Bible

⁶ A kun lo, a bia lo peuhmah thakhat thu-in mei phualpi sungah kikhul pah ding hi,” a ci hi.

Tedim Bible Revision 2017

⁶ A kun lo, a bia lo peuhmah thakhat thu-in mei phualpi sungah kikhul pah ding hi,” a ci hi.

Daniel 3:6 Iomraidhean Croise

Piancilna 19:28

Sodom le Gomorrah le kuamte khempeuh lam nga sukin khuadak a, leitang khu pen, meiphualpi khu bangin a kah to a mu hi.

Paikhiatna 20:5

Tuate’ mai-ah na kun kei ding uh a, tuate na bia kei ding uh hi. Bang hang hiam cih leh keimah note’ Topa Pasian, a aam Pasian ka hi a, kei hong mudahte’ tungah pate’ mawhna tate’ tungah khang thum khang lina dongin thuk-in,

Isaiah 44:17

Amah in a vallai teng, ama milim pasian khatin a bawl hi. Tua milim mai-ah kunin a bia hi. Amah in tua milim tungah thu ngen a, “Nang pen keima pasian na hih ciangin kei hong honkhia in,” ci hi.

Jeremiah 29:22

Amaute’ hangin Judah gam panin Babylon khua-ah saltang mi khempeuh in, ‘Babylon kumpipa in Zedekiah le Ahab, a hingtangin mei sungah a hal bangin Topa in nang hong hal ta hen,’ ci-in kihamsiatna-in a zang ding uh hi.

Daniel 2:5

Kumpipa in, “Ka mangmat le a khiatna nong gen theih kei uhleh note kong semnengawp ding a, na inn uh suksiatgawp dingin ka ngaihsun khinzo hi.

Daniel 3:11

Tua milim mai-ah kun loin, a bia lo khempeuh mei phualpi sungah a kikhul ding ahi hi.

Daniel 3:15

Tua ahih ciangin tu-in peengkulte, tamngaite, laiza lasakna gingte, harp lasakna gingte, gawsem, le tumtheih dang a gingte na zak khit phet uh ciangin kunin milim na bia ding uh hi. Na biak kei uhleh thakhatin mei phualpi sungah hong kikhul ding ahih ciangin a hong honkhiazo ding pasian omin um na hi uh hiam?” a ci hi.

Daniel 3:21

Tua ciangin amaute puanak le puantualpi silhsa le lukhu khusa-in hencip uh a, mei phualpi sungah a khul uh hi.

Daniel 3:7

Tua mah bangin minam kimte, minam tuamtuamte le paunam tuamtuamte khempeuh in tumtheih gingte a zak phetun kunsukin Kumpi Nebukhadnezzar’ kham milim koih a bia uh hi.

Daniel 5:19

Amah lianlua mahmah ahih manin gam khempeuh, nam khempeuh, pau khempeuhte in kihta-in a ling uh hi. Mi khatpeuh a thahnop leh that a, a nuntaksaknop leh a nungtasak hi. A ut leh mi khatpeuh pahtawi-in, a ut leh a daisak thei hi.

Daniel 6:7

Ngattakin zuih ding thukham khat kumpipa in na bawl ding, gam sung nasem ko vaihawmpite, gam ukpite, gam ukpi huhte, le kumpipa’ thudot mite khempeuh ka thukim uh hi. Tuzawh ni sawmthum sungin nang kumpipa kiang longal, pasian kiang ahi a, midang khat peuhpeuh kiangah ahi zongin thungen om thei lo ding hi, ci-in na kham ding hi. Hih na thupiakna a mang lo peuhmah humpinelkai kikhumna sungah kikhia ding hi.

Mattiu 13:42

meikhukpi sungah tua bang mite lawn ding uh a, tua lai-ah amaute kapin a hagawi ding uh hi.

Mattiu 13:50

meikhukpi sungah tua migilote a khul ding uh hi. Tua lai-ah kapin a hagawi ding uh hi.

Mattiu 4:9

“Ka mai-ah kunin kei hong bia lecin hihte khempeuh nangma tungah kong pia ding hi,” a ci hi.

Marka 6:27

Tua ahih ciangin Johan’ lutang a hong paipih nadingin galkapte khat a sawlpah hi. Amah zong pai-in thong sungah Johan’ lutang tankhia a,

Mangmuhna 14:11

Amaute a kibawlsiatna mei, khu tawntung a, ganhing le a lim bia-in, a min kigelhna a nei mi peuhmah in a sun a zanin tatsat loin gimna thuak paisuak uh hi,” a ci hi.

Mangmuhna 9:2

Amah in tua kuahawm thukpi a hon ciangin meiphualpi panin meikhu bangin meikhu tampi hong pusuak a, tua meikhu hangin ni mialin khim a zing hi.