Daniel 3:12 - Tedim Bible

¹² Babylon gam a khen liante a uk dingin na koih Shadrak, Meshak, le Abednego a kici Jew mi pawlkhat a om uh hi. Amaute in kumpipa’ thupiakna a mang kei uh hi. Amaute in na pasian bia nuam loin, na milim koih mai-ah a kun nuam kei uh hi,” a ci uh hi.

Tedim Bible Revision 2017

¹² Babylon gam a khen liante a uk dingin na koih Shadrak, Meshak le Abednego a kici Jew mi pawl khat a om uh hi. Amaute in kumpipaʼ thupiakna a mang kei uh hi. Amaute in na pasian bia nuam loin, na milim koih mai ah a kun nuam kei uh hi,” a ci uh hi.

Daniel 3:12 Iomraidhean Croise

Esther 3:8

Tua ciangin Haman in Kumpipa Ahasueras’ kiangah, “Na ukna gam tuamtuam sunga om mite lakah a om kawikawi, amau a tuam om mi pawlkhat om hi. Amau’ ngeinate pen midangte a’ tawh kibang lo a, amaute in nangma thukhamte zui lo uh hi. Tua ahih manin hih mite na hici khahkhong ding kilawm lo hi.

Paunak 27:4

Hehna le sinsona siahuai a, ahi zongin hazatna siahuaizaw lai hi.

Thuhilh-sia 4:4

Mi khatlekhat, hauhnop mana kidemna hangin nakpi taka na kisem ahihna ka mu hi. Hih zong a mawknapi hi a, huihpi nungdelh mah tawh kibang bek hi.

Daniel 1:7

Innsungmang lianpen pa in amaute min thak phuah a, Daniel’ min dingin Belteshazzar, Hananiah’ min dingin Shadrak, Mishael’ min dingin Meshak, Azariah’ min dingin Abednego a phuak hi.

Daniel 2:48

Tua ciangin kumpipa in Daniel letsong hoih tampi pia a, a za liansak a, Babylon gamteng uksakin, Babylon mipil thudotte a ukpipa dingin a koih hi.

Daniel 2:49

Kumpipa in Daniel’ ngetna mah bangin Shadrak, Meshak, le Abednego-te Babylon gam khen tuamtuamte a uk dingin koih a, Daniel pen kumpi inn sungah a omsak hi.

Daniel 3:11

Tua milim mai-ah kun loin, a bia lo khempeuh mei phualpi sungah a kikhul ding ahi hi.

Daniel 3:16

Shadrak, Meshak, le Abednego-te in Kumpi Nebukhadnezzar kiangah, “Kumpipa aw, hih thu kong dawng kei ding uh hi.

Daniel 3:29

“Tu-in minam kimte, minam tuamtuamte, paunam tuamtuamte, mi khat peuhpeuh in Shadrak, Meshak, le Abednego-te’ Pasian gensiatna kampau a om leh kibalnengawp ding a, a inn uh kisuksiatsak ding hi, ci-in thukham ka bawl hi. Bang hang hiam cih leh hih bangin a hon thei pasian dang om peuhmah lo hi,” a ci hi.

Daniel 3:30

Tua ciangin kumpipa in Shadrak, Meshak, le Abednego-te Babylon gam khen liante-ah a golzaw ukna za a pia hi.

Daniel 6:13

Tua ciangin amaute in kumpipa kiangah, “Judah gam panin a hong pai Jew mi salte khat ahi Daniel in kumpipa hong zahtak lo a, na thupiakna a mang nuam kei hi. Nisimin thumveita thu a ngen tawntung hi,” a ci uh hi.

Daniel 6:14

Kumpipa in hih thu a zak ciangin lungmang a, Daniel a suahtak theih nading lampi hanciamin nitum dong a ngaihsun hi.

Sawltak 17:7

Jason in a inn-ah amaute tungsak hi. Amaute in gam khempeuh a uk Kumpipa’ thu palsat uh a, Jesuh kici kumpi dang khat om hi, ci-in gen uh hi,” ci-in a awnggawp uh hi.

Sawltak 5:28

“Hih mipa’ min tawh thu na hilh nawn loh nadingun khauhtakin thu kong pia uh hi. Tu-in na gamtatnasate uh thei un. Jerusalem khuasung khempeuhah thu na genthang uh a, ama sihna pen kote nong ngawh nuam uh hi,” a ci hi.