Daniel 3:1 - Tedim Bible

¹ Kumpi Nebukhadnezzar in a tun pi sawmkua a sang, a vailam pi kua a gol kham milim golpi khat bawlsak a, Babylon gam sung Dura zanglei-ah a koih hi.

Tedim Bible Revision 2017

¹ Kumpi Nebukhadnezzar in a tun pi sawm kua a sang, a vailam pi kua a gol kham milim golpi khat bawlsak a, Babylon gam sung Dura zanglei ah a koih hi.

Daniel 3:1 Iomraidhean Croise

1 KUMPI MASATE 12:28

Tua ahih ciangin kumpipa in thu kikupna khat bawl a, tua ciangin kham bawngno nih bawl hi. Tua ciangin amah in mite kiangah, “Jerusalem-ah sauvei khop na pai khinta uh hi. Israel mite aw, Egypt leitang panin note hong paikhiatpih na pasian-te uh en un,” a ci hi.

Esther 1:1

Hih lai-a kigelh thupiangte pen India gam panin Ethiopia gam dong, gamneu zakhat sawmnih le sagih a uk Ahasueras’ hun lai-a piang thu ahi hi.

Late 135:15

Minam dangte’ pasian-te pen mihingte’ khut tawh a kibawl, ngun le kham ahi hi.

Paikhiatna 20:23

Note in kei tawh nong biakkhop dingun ngun pasian-te le kham pasian-te na bawl kei ding uh hi.

Paikhiatna 32:31

Tua ahih ciangin Topa’ kiangah Moses paikikin, “Ala, hih mite in khialhna lianpi khat bawl khin uh a, amaute in amau a dingin kham pasian khat bawl khin uh hi.

Isaiah 2:20

Amah pen leitung a lingsakgawp dingin a hong kipat hun ciangin Topa kihtakna le a lian ama minthanna vang panin suanghawmpite sung le keenhawmte sungah a buk theih nadingun amau’ bawltawm ngun le kham milimte, buite le bakte a paih ding uh hi.

Isaiah 30:22

Tua ciangin note in ngun tawh a kizut na milimte uh le kham a kiluan, a kisung na milimte uh na ninsak ding uh hi. Nin bangin tuate na thehthang ding uh a, tuate tungah, “Beimang ta un!” na ci ding uh hi.

Isaiah 46:6

Sumbawm panin khamte uang zatin tawitehna tawh ngunte a tehkhiate in kham seekpa cial uh a, amah in tua nate pen pasian-in a seeksak hi. Tua ciangin amaute kunin tua milim a bia uh hi.

Jeremiah 10:9

Tarshish khua panin ngun seksa va la uh a, Ufaz khua panin kham va la uh hi. Khutsiamte le kham seekte in milimin bawl uh a, siamgat siamte’ gat ahi, puan engdup le puan sandup tawh a zem uh hi.

Jeremiah 16:20

Mi in ama pasian ding bawltawm thei ahi hiam? Tuate pasian hi lo hi,” hong ci ding uh hi.

Daniel 2:48

Tua ciangin kumpipa in Daniel letsong hoih tampi pia a, a za liansak a, Babylon gamteng uksakin, Babylon mipil thudotte a ukpipa dingin a koih hi.

Daniel 2:49

Kumpipa in Daniel’ ngetna mah bangin Shadrak, Meshak, le Abednego-te Babylon gam khen tuamtuamte a uk dingin koih a, Daniel pen kumpi inn sungah a omsak hi.

Daniel 3:14

Amah in, “Shadrak, Meshak, le Abednego-te aw, ka pasian bianuam loin, ka kham milim koih mai-ah kun nuam lo na hi uh hiam?

Daniel 3:30

Tua ciangin kumpipa in Shadrak, Meshak, le Abednego-te Babylon gam khen liante-ah a golzaw ukna za a pia hi.

Daniel 5:23

Vantung Topa’ langah na pang hi. A biakinnpi hai le kuangte la-in sabuai tungah nangmah tawh, na miliante tawh a zineute le na zite uh tawh zunekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing, le suang tawh a kibawl pasian-te’ min na phat uh hi. Na nuntakna le na hihna khempeuh a hong uk Pasian na zahtak kei hi.

Daniel 5:4

Amaute in zu ne uh a, kham tawh, ngun tawh, sumngo tawh, sik tawh, sing tawh, suang tawh a kibawl pasian-te a phat uh hi.

Hosea 2:8

Ama tungah an, leenggahzu, le oliv thau ka piakna, le Baal pasian biak nadingin a zat ngun le kham tampi tak a piapa ka hihlam hong phawkkha lo hi.

Hosea 8:4

Amaute in kei hong dong loin kumpi ding vaihawm uh a, kei’ theihpih lohin ulian koih uh hi. A ngun a khamte uh tawh amau’ siatna ding milim a bawl uh hi.

Habakkuk 2:19

Sing khatpeuh a kibawl na khat kiangah, “Khanglo in,” ci-in, a pau thei lo suangtum kiangah, “Tho in,” ci na hih manun gimna na ngah ding uh hi. Hih bang milim in note hong hilh thei ding ahi hiam? Ngun le kham tawh limtakin a kizut hangin a sungah nuntakna om lo hi.

Sawltak 17:29

Eite pen Pasian’ tate ihih manin, mihing khutsiamte in bawlin a zep ngunte, khamte, suang milimte tawh a kibang dingin Pasian i ngaihsun kei ding hi.

Sawltak 19:26

Nomau mahmah in hih Paul’ thugen khempeuh za-in na thei uh hi. Amah in mihingte’ bawl pasian-te pen pasian hi het lo hi, ci-in thu hilh a, hih Efesa khua le Asia gam sung khempeuhah mi tampi tak a umsak hi.

Thu-hilhkikna 7:25

A kiseek amau’ pasian milimte mei tawh na hal ding uh hi. Tua nate-ah na awk khak loh nadingun amaute’ tunga a om kham le ngun deihgawh loin, note a dingin na la kei ding uh hi. Bang hang hiam cih leh tua pen Topa na Pasian uh tungah a kihhuai ahi hi.

Mangmuhna 9:20

Hih gimna tawh a si lo midangte pen amau’ gamtatnasa panin kikhelkik nuam lo uh hi. Dawi a biaknate uh, khua a mu thei lo, khua a za thei lo, lam a pai thei lo ngun, kham, sumngo, suang, le sing a kibawl milim a biakte uh khawl tuan lo uh hi.