Daniel 2:12 - Tedim Bible

¹² Tua thu hangin kumpipa heh mahmah a, Babylon sunga kumpi’ thudot mipilte khempeuh thahlup khit dingin thu a pia hi.

Tedim Bible Revision 2017

¹² Tua thu hangin kumpipa heh mahmah a, Babylon sunga kumpiʼ thudot mipilte khempeuh thah lup khit dingin thu a pia hi.

Daniel 2:12 Iomraidhean Croise

JOB (Job) 5:2

Mihai pa in a hehna sihlawh a, muhdahna in sihna piangsak hi.

Late 76:10

Mihingte’ hehna in nang hong kiphatna ding piangsak ding a, na hehna panin a suakta mite in nangmah pahtawina pawi a bawl ding uh hi.

Paunak 16:14

Kumpipa heh leh mi khatpeuh in sihlawh thei a, mipil khat in kumpipa lungdamsak thei hi.

Paunak 19:12

Kumpipa’ hehna humpinelkai hawk bangin lauhuai a, ama pahtakna lopa tunga daitui taak bangin deihhuai hi.

Paunak 20:2

Kumpipa’ hehna pen a lauhuai mahmah humpinelkai hawk bang hi a, kumpipa a hehsak khate in sihlawh uh hi.

Paunak 29:22

A heh pahpahte in kitotna piangsak a, a heh baihte khial thei tawntung hi.

Daniel 2:24

Tua ahih ciangin kumpipa in Babylon mipilte a that dingin a sawl pa Ariok kiangah Daniel pai a, “Babylon gam sunga mipilte that kei in. Kumpipa kiangah hong paipih in; tu-in a mangmat a khiatna ka gen ding hi,” a ci hi.

Daniel 2:5

Kumpipa in, “Ka mangmat le a khiatna nong gen theih kei uhleh note kong semnengawp ding a, na inn uh suksiatgawp dingin ka ngaihsun khinzo hi.

Daniel 3:13

Tua thu hangin kumpipa heh mahmah a, tua mi thumte ama mai-ah a kipaipihna ding thu a pia hi.

Daniel 3:19

Tua ciangin Kumpi Nebukhadnezzar pen Shadrak, Meshak, le Abednego-te tungah heh mahmah ahih manin a mai a san pempam hi. A sat ngeinazah sangin a zah sagihvei a sazaw mei phualpi a cih dingin a mite thu a pia hi.

Daniel 5:19

Amah lianlua mahmah ahih manin gam khempeuh, nam khempeuh, pau khempeuhte in kihta-in a ling uh hi. Mi khatpeuh a thahnop leh that a, a nuntaksaknop leh a nungtasak hi. A ut leh mi khatpeuh pahtawi-in, a ut leh a daisak thei hi.

Mattiu 2:16

Nisuahna lam panin a hong pai mipilte in amah a khem lamtak Herod in a theih ciangin a heh suak mahmah hi. Tua mipilte tung panin aksi a kilat hun a dotna tawh kizui-in, Bethlehem khua le a kiima om naungek kum nih ciang le a nuaisiah khempeuh a that dingin a galkapte a sawl hi.

Mattiu 5:22

Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.