Daniel 12:3 - Tedim Bible

³ A pilte ahih uhleh vantung khuavak tawh a taangkhawm ding uh hi. A pha-in gamtat ding mi tampi a hilhte pen aksi bangin a taang tawntung ding uh hi.

Tedim Bible Revision 2017

³ A pilte ahih uh leh vantung khuavak tawh a taang khawm ding uh hi. A pha-in gamtat ding mi tampi a hilhte pen aksi bangin a taang tawntung ding uh hi.

Daniel 12:3 Iomraidhean Croise

Paikhiatna 34:35

Israel mite in Moses’ maitang vun a taang mu uh hi. Amah tawh a kiho dingin a pai matengin Moses in kiliahna puan tawh a maitang a khuh kik hi.

Paunak 11:30

Midikte a khansau a, migilote khansih hi.

Paunak 3:35

Mipilte in minphatna le pahtawina ngah ding uh a, mihaite in maizumna le mindaina ngah ding uh hi.

Paunak 4:18

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi.

Thuhilh-sia 12:9

Thugen Siampa, mipil ahih banah, amah in ama theihteng mite tungah a hilh hi. Amah in paunakte limtakin sin a, a man ahihna thu hoihtakin entel hi.

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

Jeremiah 23:22

Ahih hangin amaute in keima lungsim tawng hong thei uh hileh keima thugente ka mite tungah taangko ding uh a, a nuntakna uh a hoih lote panin kikhelsakin, a gamtat hoih lote uh panin zong kikhelsak khinzo ding uh hi.

Daniel 11:33

Pilna a nei mite in a pilna uh midang tampite tawh a neikhawm ding uh hi. Ahih hangin tawlkhat sung mi pawlkhat in galsung a sihna le meikuang sunga thahna a thuak ding uh hi. Mi pawlkhatte in lawkgawpna le thongkiatna a thuak ding uh hi.

Daniel 11:35

Mi pawlkhat in thahna a thuak ding uh hi. Tua bangin a pianna thu pen beina a tun mateng sianthosakna le mipha le misia khentelna, Pasian’ sehsa hun a tunna ahi hi.

Daniel 12:10

Mi tampite kisiansuahin a hoih le a hoih lo a kikhentel ding uh hi. Migilote in bangmah theitel thei lo uh ahih manin a gilo semsem ding uh hi. Ahih hangin mipilte in theihtel theihna a nei ding uh hi.

Mattiu 13:43

Tua hun ciangin Pasian’ mite ahihleh a Pa uh Ukna sungah ni bangin a taang ding uh hi. Zak nading bil a neite in hih thu na za ta un.

Mattiu 19:28

Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mattiu 24:45

“A pil a citak nasem i cih a bangcite ahi hiam? A naseppih dangte ukin a hun manmanin amaute’ nekzah ding ciat an a pia dingin a topa in a seh a nasempa ahi hi.

Johan 4:36

Khaituh pa le anla pa a lungdam khawm theih nadingin anla pa thaman a kipiak mah bangin anla pa in zong a nungta tawntung dingin mi a khawm ding hi.

Johan 5:35

Johan pen meivak bangin kuangin a taang hi a, ama khuavak sungah tawlkhat nuamsa-in om ding na ut uh hi.

Sawltak 13:1

Antiok khua pawlpi sungah kamsang pawlkhat le sia pawlkhat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai-ah gam a uksawn Herod tawh a khangkhawm Manaen, le Saul ahi uh hi.

1 KORIN MASA 3:10

Pasian in kei tungah a hong piak siamna zangin, innlam siamte’ nasepteng semin, a khuam thupiteng ka phut a, Apollos in tua khuam phuhsa tungah innlam a zom hi. Tua khuam tungah inn a lam pa a kingaihsut mahmah ding kisam hi.

Efesa 4:11

Amah in mite tungah siamna a tuamtuam hong pia a, pawlkhatte sawltak nasep a sem ding, pawlkhatte kamsang nasep a sem ding, pawlkhatte thuhilh kawikawi nasep a sem ding, pawlkhatte pawlpi kem nasep a sem ding, le pawlkhatte laihilh nasep a sem dingin a hong seh hi.

Hebru 5:12

Tu-in note pen midang a hilh dingin sia na suahtheih ding uh hun hikhin napi-in note mahmah pen Pasian’ thu a bulpite hilh ding na kisam lai uh hi. Antak nethei nai loin nawi bek a nethei lai na hi uh hi.

2 PETER NIHNA 3:15

I sanggam Paul in Pasian’ piak pilna zangin note kiangah lai a hong gelhnate sungah a gen mah bangin note khempeuh in hotkhiatna na ngahtheih nading uh hun hong piakna-in Topa hong zekai ahihna thu na phawk un.

Mangmuhna 1:20

Tu-in ka taklam khut sungah na muh aksi sagihte le kham kibawl meivakna sagihte a khiatna in: Aksi sagihte pen pawlpi sagihte’ vantung mite a cihna hi a, meivakna sagihte pen pawlpi sagihte a cihna ahi hi.

Thukhente 5:31

“Tua ahih ciangin na gal khempeuh si khin uh hi, Topa! Ahih hangin na lawmte pen a vangliatna tawh a suak ni bang ta hen,” a ci uh hi. Tua ciangin tua gam in kum sawmli sung tawlngakna hun a nei hi.