Daniel 11:4 - Tedim Bible

⁴ Ahih hangin a thahat pen laitakin a gam hong kitam ding a, khen li a kisuah ding hi. A suan a khakte in ama gam a ukkha kei ding uh hi. Midangte in uk ding uh a, ahi zongin amah zahin vang a neizo kei ding uh hi.

Tedim Bible Revision 2017

⁴ Ahih hangin a thahat pen laitakin a gam hong kitam dinga, khen li a kisuah ding hi. A suan a khakte in ama gam a uk kha kei ding uh hi. Midangte in uk ding uh a, ahi zongin amah zahin vang a nei zo kei ding uh hi.

Daniel 11:4 Iomraidhean Croise

Daniel 8:22

Ki po masa pen a kitan khit ciangin a nunga hong po ki lite pen tua gam panin kumpi gam li hong piang ding a cihnopna ahi hi. Ahih hangin tua gamte ahihleh a masa pen kumpi gam zahin a thahat kei ding uh hi.

Daniel 8:8

Tua keeltal a thahatna hong khangto semsem a, ahih hangin a thahat pen laitakin a ki a kitan hi. Tua a ki pona munah a lamdang ki li hong poto kik a, mun tuamtuam a kawk hi.

Jeremiah 12:17

Ahih hangin gam khat peuhpeuh in ka thu hong ngaih kei leh tua gam botkhia-in ka susia ding hi, Topa in kong ci hi,” a ci hi.

Daniel 7:8

Tua kite ka et laitakin tuate’ lakah adang ki neu khat hong po a, a omsa sung pan ki thumte a botkhia hi. Tua ki’ tungah mihing mittang tawh a kibang mittang le kam om a, kiphatsakna kam tampi a pau hi.

Daniel 7:2

Mun khempeuh panin huihpi hong nungin tuipi tung a seemgawp hi.

Jeremiah 18:7

Minam khat peuhpeuh ahi zongin, gam khat peuhpeuh ahi zongin botkhia-in, khenkhamin, ka suksiatna ding thu, hun khat peuhpeuh lai-in ka gen khinzo ahi zongin

Jeremiah 12:15

Ahih hangin amaute ka lakkhiat khit ciangin ka hehpihkik ding a, amau’ luah ding amau’ gam ciatciat uhah ka koihkik ding hi.

Luka 12:20

Ahi zongin Pasian in ama kiangah, ‘Mihai pa aw, tuzan mahmahin na si ding hi. Hih na neihsa teng kua’n zang nawn ding ahi hiam?’ ci hi,” a ci hi.

Mattiu 12:25

Jesuh in amaute’ ngaihsutna thei ahih manin amaute kiangah, “Gam khat peuhpeuh, a gammite kiphelkhamin pawlkhat le pawlkhat kido le-uh tua gam a sia suak ding hi; khua khat ahi a, innkuan khat ahi zongin kiphelkhamin kido le-uh kip lo ding hi.

Daniel 7:6

Ka et lai leh kamkei tawh a kibang sapi dang khat ka mu hi. A nungzangah vasa kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.

Jeremiah 45:4

“Topa in nang tungah hih bang a gen dingin hong sawl hi: En in, keimah in ka lamsate ka phelkik a, ka phuhsate ka botkhia kik hi. Keimah in leitung buppi tua bangin ka hih ding hi.

Jeremiah 31:40

Misi luanghawmte le vutte a kibuakna kuam buppi le Kidron lui phak ma-a loteng khempeuh tawh, tua panin nisuahna lama Sakol Kongpi kiu ciang dong, Topa a dingin mun siangtho a suak ding hi. Cikmah ciangin tua khuapi kisusia nawn lo ding a, a kisuankhia ngei nawn kei ding hi,” a ci hi.

Thuhilh-sia 4:8

Mi khat in tapa ahi a, sanggam ahi zongin nei lo napi-in, a tawntungin na semin a neihsa tawh lungkim hun nei thei lo hi. Kua a dingin gimpi-in na sem a, a ututin ta hoh lo ahi hiam? Hih zong a mawknapi mah, a dahhuai nuntakna khat ahi hi.

Late 39:6

Niliim bangin mihing pai kawikawi takpi hi. A mawkna-in amau lungkham takpi uh a, kua’ ngah ding cih thei lopi-in mite in na a khol uh hi.

Mangmuhna 7:1

Tua khit ciangin leitung kiu li-ah vantungmi li, kiu khatah khat ciat dingin leitung, tuipi tung, le singkung khat peuhpeuh a mutkhak loh nadingin leitung huih lite lencipin a om uh ka mu hi.

Jeremiah 49:36

Vantung mun li panin huihpi ka mutmangsak ding a, Elam gam panin ka hawlkhiatte mun khempeuhah kithehthang sakin a tun lohna uh gam khat beek ka omsak kei ding hi.

Ezekiel 37:9

Tua ciangin amah in kei kiangah, “Mihing ahi Ezekiel aw, huihte tungah thu gen inla, hih a sisa pumpite sungah hu sangin a hingkiksak dingin mun khempeuh panin hong pai un, ci-in Topa Pasian in thu hong pia hi, ci-in gen in,” hong ci hi.

Zekhariah 2:6

Topa in ama mite kiangah, “Mun khempeuhah note kong thehthang khin hi. Ahi zongin tu-in Babylon panin taikhia-in Jerusalem-ah ciahkik un.

Zekhariah 6:5

Tua ciangin amah in hong dawng a, “Hihte pen huihleeng li a cihnopna hi a, leitung khempeuhte’ Topa’ kiang panin a hong paikhia ahi uh hi,” hong ci hi.