Daniel 11:2 - Tedim Bible

² Tua ciangin amah in, “Tu-a na tunga kong gen ding thu, a thuman ahi hi. Kumpi thum in Persia gam uk lai ding a, tua banah a lina hong khang ding hi. Tua pa, a dangteng sangin a hauzaw ding hi. Amah in a hauh penpen laitak le a thahat pen laitakin Grik kumpi a to ding hi.

Tedim Bible Revision 2017

² Tua ciangin amah in, “Tu-a na tunga kong gen ding thu, a thuman ahi hi. Kumpi thum in Persia gam uk lai dinga, tua banah a lina hong khang ding hi. Tua pa, a dang teng sangin a hau zaw ding hi. Amah in a hauh penpen laitak le a thahat pen laitakin Grik kumpi a to ding hi.

Daniel 11:2 Iomraidhean Croise

Ezra 4:24

Tua hun a kipanin Jerusalem-a om Pasian’ biakinn a kisepna a khawl hi. Persia kumpi Darias’ uk a kum nihna dong tua bangin a khawlcip phot hi.

Ezra 4:7

Tua ciangin Persia kumpi Artakzaksis hun ciangin Mithredath, Tabeel, le a lawmte uh thukimna tawh kumpipa tungah lai gelh uh a, a lai pen Aram lai-in kigelh a, Aram pau mahin kisimkhia hi.

Esther 1:1

Hih lai-a kigelh thupiangte pen India gam panin Ethiopia gam dong, gamneu zakhat sawmnih le sagih a uk Ahasueras’ hun lai-a piang thu ahi hi.

Paunak 22:21

thuman a kan dingin note hong sawlte’ tungah thuman bang hiam cih na genkik theih nadingun thuman na theih nading uh ka deihna ahi hi.

Daniel 10:1

Sairas, Persia gam kumpi a suahzawh kum thum a phak laitakin Beteshazzar zong a kici Daniel tungah thu khat a kipia hi. Tua thu pen theihtelhak mahmah ahih manin maangmuhna tawh teltakin a kilak hi.

Daniel 11:25

“Egypt gam hangtakin a sim theih nadingin galkap tampi a kaikhawm ding hi. Egypt-te in zong galkap tampi tawh nasia takin a na do ding uh hi. Ahi zongin Egypt kumpipa in khemna thuak ding ahih manin gal a zo kei ding hi.

Daniel 7:5

Tua ciangin a nihna sapi vompi tawh a kibang khat ka mu hi. A nunglam khe tawh dingin a ha tawh nakguh thum pet a, “Na duh zahzah sa tampi ne in,” cihna aw khat a hong ging hi.

Daniel 8:21

Keeltal pen Grik kumpi gam hi a, a mit kikal-a a po ki pen kumpi masa pen a cihnopna ahi hi.

Daniel 8:26

Hih zingsang le nitak biakpiakna maangmuhna thu a hong kihilh telna pen a man ahi hi. Tu-in hih maangmuhna thu a hong tun ding hun sawtpi hi lai ding ahih manin imcip phot in,” hong ci hi.

Daniel 8:4

Tua tuutal in a ki tawh nitumna lam, saklam, le khanglam a si kawikawi ka mu hi. Ama ut bangin kiphasakin gamta ahih manin amah a khozo ding le a thahatna pan a suaktazo ding ganhing khat beek a om kei hi.

Amos 3:7

Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Johan 10:35

Lai Siangtho sungah a kigelh thute a tawntungin a thuman hi a, Pasian’ thu a ngah mite pen Pasian in, ‘pasian-te,’ na ci hi.

Mangmuhna 21:5

Tua ciangin tokhom tungah a tupa in, “Tu-in na khempeuh a thakin ka bawl hi,” ci hi. Tua ciangin, “Hih thute thumanin muantaak ahih manin lai-ah gelh in,” hong ci lai hi.