Daniel 1:4 - Tedim Bible

⁴ Tua mite, kumpi innsunga nasem siamte a suahtheih nadingun a melhoih, pumpi tung poina a nei lo, a navak, hoihtakin pilna a kisinsak, na a thei baih, a lungsim navak ngentang ding ahi hi. Ashpenaz in amaute Babylon lai le a pau a hilh ding ahi hi.

Tedim Bible Revision 2017

⁴ Tua mite, kumpi inn sunga nasem siamte a suah theih nadingun a melhoih, pumpi tung poina a nei lo, a navak, hoihtakin pilna a kisinsak, na a thei baih, a lungsim navak ngentang ding ahi hi. Ashpenaz in amaute Babylon lai le a pau a hilh ding ahi hi.

Daniel 1:4 Iomraidhean Croise

Piancilna 41:46

Egypt kumpipa Faro’ nasemin a tum hunin Josef kum sawmthum pha hi. Faro’ omna panin Josef paikhia a, Egypt gam sung khempeuhah zin hi.

2 SAMUEL NIHNA 14:25

Tu-in Israel-te khempeuh sungah a melhoihna hangin Absalom zahin tua bangin phat ding kuamah om lo hi. A khenuai a kipan a luzang dongin ama tungah paubaanna om lo hi.

Paunak 22:29

A nasepna-ah a siam mahmah mi na theikha uh hiam? Amah in mi mawkmawkte’ na sem lo ding a, kumpite’ na sem ding hi.

Thuhilh-sia 7:19

Khuapi a uk mihing sawm sangin pilna in mi khat hatsak zaw hi.

Isaiah 36:11

Tua ciangin Eliakim, Shebna, le Joah in a ulianpa kiangah, “Kote in thei ngawn ka hih manun na nasemte tungah Aram pau tawh hong gen hoh in. Kulh tunga om mite’ zakna-ah Judah pau tawh thu nong gen loh nadingin kong thum hi,” a ci uh hi.

Jeremiah 5:15

“En un, Israel minamte aw, Topa in kong cihin-ah, gamlapi panin note a hong sim dingin gam khat kong kuansak ding hi. Tua gam pen tanglai pekin a om khinsa, a hat mahmah, amaute’ pau na theih loh uh gam khat ahi hi.

Daniel 2:10

Khongkhai theite in, “Kumpipa aw, na deihna bang a hong gen thei ding hih leitungah mihing khat beek om lo ding hi. Kumpi gen loh milian pen le mi thupi pen khat beek in, a aisan theite, a mitphial siamte, le a khongkhai theite tungah tua bang thu a dong ngei kuamah om nai lo hi.

Daniel 2:2

Tua ahih ciangin bang mang man cih a hilh dingin mitphial siamte, mibum theite, le khongkhai siamte a samsak hi.

Daniel 3:8

Tua ciangin Babylon mite pawlkhat pai-in Jew mite a heksim uh hi.

Daniel 4:7

Tua ciangin aisan theite, mitphial siamte, khongkhai theite, aksi et siamte khempeuh hong pai uh a, amaute kiangah ka mang ka gen hi. Ahih hangin a khiatna a hong gen thei kei uh hi.

Daniel 5:11

Na gam sungah Pasian’ kha a nei mi khat a om hi. Na pa kumpi ahih laitakin, tua mipa in pasian-te’ pilna tawh a kibang pilna, theihna le lungsim navakna a nei hi. Tua hi a, kumpi ahi na pa Nebukhadnezzar in tua pa pen aisan theite, mitphial siamte, khongkhai siamte, le aksi et siamte’ ukpi dingin a koih hi.

Daniel 5:7

Amah in mitphial siamte, aisan siamte, aksi et siamte va sam pak un, ci-in a kiko hi. Tua mite a hong tun uh ciangin kumpipa in, “Hih lai kigelh a sim thei, a khiatna a hong gen thei peuhmah kumpi puanpi silhsakin, minphatna khamkhi a ngawngah ka oksak ding a, kumpi gam sungah a za lian a thumna-in ka koih ding hi,” a ci hi.

Daniel 9:1

Media mi ahi Ahasueras’ tapa Darias in Babylon gamteng a uk hi.

Zekhariah 2:4

Tua ciangin vantungmi a masa pa in a dawntuah pa kiangah, “Va tai inla, tehna khau a tawi tangvalpa kiangah hih thu va gen in. Jerusalem khua sungah mihing le ganhing tam mahmah ding ahih manin Jerusalem kulhhuam sungah ta zo lo ding uh hi.

Sawltak 7:20

Hih hunin naungek melhoih mahmah khat na suak hi. Inn-ah kha thum sung kikem a,

Sawltak 7:22

Egypt gam sunga pilna om khempeuh ama tungah kihilh a, thugenna le nasepna-ah milian mahmah khat a suak hi.

Thukhente 8:18

Tua ciangin amah in Zebah le Zalmunna kiangah, “Tabor-ah na thah uh mite koi-ah om ahi hiam?” a ci hi. Amaute in, “Amaute, nangmah bang uh hi; amaute in kumpipa’ tapate suun uh hi,” a ci uh hi.