2 KHANG TANGTHU NIHNATE 7:6 - Tedim Bible

⁶ Siampite amau panmun uhah ding uh hi. Levi mite zong, Kumpi David in Topa tungah lungdam koh nadingin a bawl Topa’ tungah lasakna ding lasaknate tawh ding uh hi. Bang hang hiam cih leh ama itna kip tawntung hi. David in amau’ nasepna tawh phatnate a bawl ciangin tua bangin hih uh hi. Amaute tawh a kigalsai-ah siampite in peengkulte tum uh a, Israel mi khempeuh zong a ding uh hi.

Tedim Bible Revision 2017

⁶ Siampite amau panmun uh ah ding uh hi. Levi mite zong, Kumpi David in Topa tungah lungdam koh nadingin a bawl Topaʼ tungah lasak nading lasaknate tawh ding uh hi. Bang hang hiam cih leh ama itna kip tawntung hi. David in amauʼ nasepna tawh phatnate a bawl ciangin tua bangin hih uh hi. Amaute tawh a kigalsai ah siampite in peengkulte tum uh a, Israel mi khempeuh zong a ding uh hi.

2 KHANG TANGTHU NIHNATE 7:6 Iomraidhean Croise

1 KHANG TANGTHU MASATE 13:8

Tua ciangin David le Israel mi khempeuh in Pasian’ mai-ah la le laiza lasakna, harp lasakna, khuangneute, daltuahte, le peengkulte tawh a tha neih zahun gualnopna a bawl uh hi.

1 KHANG TANGTHU MASATE 15:24

Siampite Shebaniah, Joshafat, Nethanel, Amasai, Zekhariah, Benaiah, le Eliezer-te in Pasian’ Thuciamna Singkuang mai-ah peengkulte tum ding uh hi. Obededom le Jehiah-te zong Thuciamna Singkuang a dingin kongcingte hi ding uh hi.

1 KHANG TANGTHU MASATE 16:34

Amah hoih ahih manin Topa’ tungah lungdamna ko un; bang hang hiam cih leh ama itna kip a tawntungin a kho hi!

2 KHANG TANGTHU NIHNATE 23:18

Tua ciangin Jehoiada in David’ hih ngei bangin, Moses thukham sungah a kigelh bangin lungdamna le lasakna tawh, Topa’ tungah meihal biakna a pia ding, Topa’ biakinn a en dingin David in a vaihawmsa Levi siampite le Levi mite’ ukna nuai-ah Topa’ biakinn a vil galvilte a koih hi.

2 KHANG TANGTHU NIHNATE 29:25

Tua ciangin amah in David le kumpipa’ thumu pa Gad le kamsang Nathan’ thupiakna bangin Topa’ biakinn sungah daltuahte, harp lasaknate, le laiza lasaknate tawh Levi mite a koih hi; bang hang hiam cih leh tua thupiakna pen kamsangte’ tungtawnin Topa’ kiang pan a hong pai ahi hi.

2 KHANG TANGTHU NIHNATE 29:27

Tua ciangin biakna tau tungah meihal biakna a kipiakna ding Hezekiah in thu a pia hi. Meihal biakna a kipat ciangin Topa’ tungah lasakna zong kipan a, Israel kumpi David’ lasaknate in peengkulte pawm hi.

2 KHANG TANGTHU NIHNATE 5:12

Tua ciangin Levi mi lasate Asaf, Heman, le Jeduthun, amau’ tapate le a behte, saihadial puan tawh kizemin, daltuahte, harp lasaknate, le laiza lasaknate tawi-in peengkul tum siampite za le sawmnih tawh biakna tau nisuahna lamah ding khawm uh hi.

2 KHANG TANGTHU NIHNATE 5:13

Aw kikhatin phatin Topa’ tungah lungdam koh ding pen peengkul tumte le lasate’ nasep ahi hi) peengkulte le daltuahte le adang lasaknate tawh, “Topa’ tungah lungdam koh ding hoih hi; bang hang hiam cih leh ama itna kip tawntung hi,” ci-in Topa phatna-in la a kisak ciangin, Topa’ biakinn sung meii tawh kidim a,

2 KHANG TANGTHU NIHNATE 7:3

Israel mite khempeuh in meikuang hong paisukin Topa’ minthanna vang biakinn tungah a om a muh uh ciangin suangphah tungah leilam maingatin kun uh a, Pasian bia-in Topa’ tungah lungdamna ko-in, “Topa’ tungah lungdam koh ding hoih hi; bang hang hiam cih leh ama itna kip tawntung hi,” a ci uh hi.

2 KHANG TANGTHU NIHNATE 7:5

Kumpi Solomon in biakna-in bawngtal tul sawmnih le tulnih, le tuu tul zakhat le tul sawmnih pia hi. Tua bangin kumpipa le mi khempeuh in Pasian’ biakinn a ap uh hi.

Ezra 6:18

Tua ciangin Moses laibu sungah a kigelh bangin Jerusalem-a Pasian’ nasep nadingin siampite amau’ panmun ngei-ah pangsak uh a, Levi mite amau’ nasepna ngei-ah a semsakkik uh hi.

Late 106:1

Topa phat un. Topa’ tungah lungdam ko un; bang hang hiam cih leh amah hoih a, ama itna kip tawntung hi.

Late 107:1

“Topa tungah lungdam ko un; bang hang hiam cih leh amah hoih a, ama itna kip tawntung!”

Late 138:8

Topa in kei a dingin a ngaihsutte hong tungsak ding hi. Topa aw, na itna kip tawntung hi. Na sepsa na maban hong tun ta in.

Late 87:7

Tua sunga teng mite in, “Kote’ lungdamna khempeuh nangma sungah om hi,” ci ciat ding uh hi.

Isaiah 52:6

Tua ahih ciangin ka mite in keima min hong thei ding uh a, thu a gen pa pen keimah ka hihna tua ni ciangin amaute in hong thei ding uh hi. Keimah, hih lai-ah ka om hi,” a ci hi.

Amos 6:5

David bangin la phuah nuam na sa uh a, lasaknate na tum nuam uh hi.

Joshua 6:4

Siampi sagih in Thuciamna Singkuang mai-ah tuutal ki peengkul sagih tawi ding uh hi. A ni sagih ni-in khuapi kimkotah sagihvei na pai ding uh a, siampite in peengkul tum ding uh hi.