2 KHANG TANGTHU NIHNATE 7:3 - Tedim Bible

³ Israel mite khempeuh in meikuang hong paisukin Topa’ minthanna vang biakinn tungah a om a muh uh ciangin suangphah tungah leilam maingatin kun uh a, Pasian bia-in Topa’ tungah lungdamna ko-in, “Topa’ tungah lungdam koh ding hoih hi; bang hang hiam cih leh ama itna kip tawntung hi,” a ci uh hi.

Tedim Bible Revision 2017

³ Israel mite khempeuh in meikuang hong pai sukin Topaʼ minthanna vang biakinn tungah a om a muh uh ciangin suangphah tungah lei lam maingatin kun uh a, Pasian bia-in Topaʼ tungah lungdamna ko-in, “Topaʼ tungah lungdam koh ding hoih hi; bang hang hiam cih leh ama itna kip tawntung hi,” a ci uh hi.

2 KHANG TANGTHU NIHNATE 7:3 Iomraidhean Croise

1 KUMPI MASATE 18:39

Mi khempeuh in tua thu a muh uh ciangin a mai uh leilam ngatin puk uh hi. Amaute in, “Topa pen Pasian ahi hi; Topa pen Pasian ahi hi,” a ci uh hi.

1 KHANG TANGTHU MASATE 16:34

Amah hoih ahih manin Topa’ tungah lungdamna ko un; bang hang hiam cih leh ama itna kip a tawntungin a kho hi!

1 KHANG TANGTHU MASATE 16:41

Tuate’ banah amaute tawh Heman le Jeduthun zong om a, ama itna kip kho tawntung ahih manin Topa’ tungah lungdamna a ko dingin a kiteel, a minin a kilokhia midang omlai hi.

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phatin a lu uh kun uh a, Topa bia-in kumpipa tungah zahtakna a bawl uh hi.

2 KHANG TANGTHU NIHNATE 20:18

Tua ciangin Jehoshafat in a maitang leilam ngatin kun a, Judah gam le Jerusalem-a a teng mite khempeuh zong Topa’ mai-ah pukin Topa a bia uh hi.

2 KHANG TANGTHU NIHNATE 20:21

Amah in mite tawh thu kikupna a neih khit ciangin, galkapte mai-ah amaute a paikawmin, “Topa tungah lungdamna ko un; bang hang hiam cih leh ama itna kip tawntung hi,” ci-in biakna puan silhin Topa tungah la sa-in amah a phat dingte a seh hi.

2 KHANG TANGTHU NIHNATE 29:28

A kikhawm khempeuh in Pasian bia-in, lasate inla sa uh a, peengkul tumte in peengkul tum uh hi. Meihal biakna a kiman mateng hihte khempeuh hih paisuak uh hi.

2 KHANG TANGTHU NIHNATE 29:29

Biakpiakna a kiman ciangin kumpipa le amah tawh a om khempeuhte kunin Pasian a bia uh hi.

2 KHANG TANGTHU NIHNATE 29:30

Tua ciangin David’ kammalte le thumu pa Asaf’ kammalte zangin Topa’ tungah phatna la a sak nadingun kumpipa Hezekiah le uliante in Levi mite thu a pia uh hi. Tua ciangin amaute in lungdamna tawh phatna late sa uh a, tua ciangin amaute kunin Pasian a bia uh hi.

2 KHANG TANGTHU NIHNATE 5:13

Aw kikhatin phatin Topa’ tungah lungdam koh ding pen peengkul tumte le lasate’ nasep ahi hi) peengkulte le daltuahte le adang lasaknate tawh, “Topa’ tungah lungdam koh ding hoih hi; bang hang hiam cih leh ama itna kip tawntung hi,” ci-in Topa phatna-in la a kisak ciangin, Topa’ biakinn sung meii tawh kidim a,

Ezra 3:11

Tua ciangin amaute in Topa phatna le lungdamkohna a kidawngin sa uh a, “Topa hoih hi; bang hang hiam cih leh Israel-te hong itna kip tawntung hi,” a ci uh hi. Topa’ biakinn bulpi kiphut khin ahih manin mi khempeuh in nakpitakin Topa phat uh hi.

Late 100:5

Bang hang hiam cih leh Topa hoih hi. Ama itna kipin kho tawntung a, ama thumanna a khang khangin kip hi.

Late 103:17

Ahih hangin Topa’ itna kip pen amah a zahtak mite tungah a tawntung pan a tawntung dongin kip ngitnget a, ama thumanna pen ama thuciamna zui-in a thupiak bangin sep ding a phawk mite tungah a khang khangin a kip tawntung hi.

Late 106:1

Topa phat un. Topa’ tungah lungdam ko un; bang hang hiam cih leh amah hoih a, ama itna kip tawntung hi.

Late 107:1

“Topa tungah lungdam ko un; bang hang hiam cih leh amah hoih a, ama itna kip tawntung!”

Late 118:1

Topa’ tungah lungdamna ko un. Bang hang hiam cih leh amah hoih a, ama itna kip tawntung hi.

Late 95:6

Hong pai un, amah bia-in kun ni. Eite hong Bawl Topa’ mai-ah khukdin ni.

Paikhiatna 4:31

Mite in um uh hi. Israel mite kiangah Topa hawhin, amau’ thuaknate amah in a muh khitna thu amaute in a zak uh ciangin, amaute in a lu uh kunin Pasian a bia uh hi.

Isaiah 63:7

Topa’ itna kip, Topa phatnate, Topa in eite tungah a hong piak khempeuh tawh a kizui leh, ama hehpihna le a lianpi ama itna kip tawh a kizui-in amaute tunga a piak, Israel innkuan tungah ama hoihna lianpite ka gengen ding hi.

Jeremiah 33:11

Ahih hangin lungdamna aw le kipahna awte, zinei thakte le mothakte’ awte kiza kik ding hi. Topa’ biakinn-ah mite hong pai-in lungdam kohna-in: ‘Vanglian Topa’ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kiza kik ding hi. Bang hang hiam cih leh Topa in kong cihin-ah, a masa-a mah bangin hih gam ka hausakkik ding hi.

Siampi Laibu 9:24

Topa’ mai panin mei hong piangkhia-in meihal biakna le biakna tau tunga om sathau a kang hi. Mi khempeuh in a muh uh ciangin awng uh a, lei maingatin a kunsuk uh hi.

Gamlak-vakna 14:5

Tua ciangin Israel mihon kikhawmte khempeuh’ mai-ah Moses le Aaron boksuk uh hi.

Gamlak-vakna 16:22

Amaute boksuk uh a, “Pasian, mi khempeuhte’ tungah nuntakna a pia Pasian aw, mi khat’ khialhna hangin mihon khempeuhte’ tungah nang heh ding na hi hiam?” a ci uh hi.

Luka 1:50

amah a zahtak mite tungah a khangkhangin hehpihna a lak hi.