Buk baut Rut 3:14 - Torres Strait Creole (Yumplatok)

¹⁴ Rut mata leidaun lo legsaid blo Boaz antil moning. Rut i bin gedap prapa elimoning wea pipol kan megaraut samting prapa. Boaz bin spik po dem wokman blo em, ‘Ai no wande pipol po sabe i bin gad oman ya wea dis wokples.’

Buk baut Rut 3:14 Iomraidhean Croise

Namba 2 leta po Sos blo Korint 8:21

Mipla prapa wande meke ol samting wea raitwei, bikoz mipla i prapa wande gibe ona po God. Bat mipla wande ebri pipol po luk tu solong dempla go sabe dat wanem mipla i mekem, mipla mekem wea i raitwei tu.

Leta po Sos blo Rom 14:16

Yupla lugaut, ip yupla meke ol samting wanem yupla tingk i gud, wase dringk lelbet o kaikai. Ip dat gudting blo yupla i meke ol nada pipol po tok ol nugudtok baut dat gudting, den i mobeta yupla no mekem.

Namba 1 leta prom Pita 2:12

Prapa lugaut wiskain yupla i stap midel wea dem neiba uda i no bilib. Iben ip dempla i spik yupla i bin meke rong, dempla i go luk dem gudsamting wea yupla i mekem, ane dempla i go bilib ane gibe ona po God wen em go kam po zaze da wold.

Namba 1 leta po Sos blo Korint 10:32

Yupla mas no meke ol Zuwispipol ane Nozuwispipol o da sos blo God po kam wail.

Namba 1 leta po Sos blo Tesalonika 5:22

Stap longwei prom ebridem nugudting.

Leta po Sos blo Rom 12:17

Ip sambodi i meke nugudting gense yupla, yupla mas no peibaik dempla. Nono! Yupla mas mata soe gudpasin po ebribodi.

Buk baut Rut 3:15

Den Boaz bin spik po Rut, ‘Teke kout blo yu kam ane spredemaut em ya.’ Em i bin kapsaid tuenti kilo dem sidkaikai lo da kout. Den em bin elpe em pute da baig lo baik blo em. Den Rut i bin gobaigen po taun.