Yuɖa 1:3 - ONUGBÙ NYƐNYÃ VUVƆ

³ Ɛbhɛyalɛ dzyɔgo mɔ, kɛnyalɛ kɛlɛ mɛ sɛ ɛtrɔ gɛganɛɛ sɛ tɛ ɛŋlɔmɛ kɔ nɔ denɔ tɛyɛyɛkɛkɔ nɛ gɛ bu mɔ nɛ shu, ɛmɔ nɛ mɛ ishum sɛ alasɛ tɛ ɛŋlɔmɛ tɛ ɛyɛkɔ tsre nɔ sɛ tɛ nɔ wɛlãnkɛ kɔ tɛyɛyɛkɛŋa nɛ gɛ ba yɛkɔ nɛ kibe tirikpo mɛ petee akpɛ kpayabanɔ nɛ ahwɛ.

Yuɖa 1:3 Iomraidhean Croise

Axwɛwɛwa 17:3

klɛ eebu kibuiesi aatrɔ kɛlɛa bha asɛ Kristo nɛɛ alasɛ tɛ aba mɔ butɔ tɛ anyɛmɛ edenɔ betsitsi nɛ kishi. Ɛklɛ Paolo aɖɔ sɛ, “Yesua nɛ gɛ yɛ kibui mɛ ɖɔ nɛ yɛenu Kristo.”

Axwɛwɛwa 18:28

Alasɛ nɛ adɛ da dɛmɛ atrɔ Yuɖanɛ nɛ ɔmashi kaɖɔ nɛa bha, nɛ klɛ mɛ nɛ ebu akasɛ denɔ kibui ŋuŋlɔmɛ nɛ mɛ akɔalɛ asɛ Yesu yɛ dzi Kristo.

Axwɛwɛwa 20:27

Alasɛ ɛdɛ yii de nɛ Kpaya tɛpɛpɛ nɛ tɛ bubuɖɔ tsre nɔ shu.

Axwɛwɛwa 28:28

“Kɛlɛ shu so nɛɛ ɛpɛ sɛ tɛ no ti sɛ Kpaya anɔbubu nɛ atɛ vɛ kɔ bagɛ be di nu Yuɖanɛ, klɛ balɛ ba ba ta atɔ!”

Axwɛwɛwa 4:12

Ba tɛ ba mɔ okoeyikɔ nɛ anɔnyanɔm, alasɛ kinyinyɛnyi va ma owũsise nɛesi gɛ ba yɛkɔ kɔ banɔdzyrame gɛ kɛlɛ shu la ba ga pɛ be be bua lɛ.”

Axwɛwɛwa 6:7

So nɛɛ Kpayɛbui nɛ ba nɛ. Badɔkpasɛ nɛ tikpikpe nɛ mɛ ba wu kabha nɛ Yerusalɛm zia zia, klɛ kpayanɔ gelee aba ta tɔ nɛ tɛyɛyɛkɛŋa.

Axwɛwɛwa 9:13

Ananiasɛ adɛmɛ asɛ, “Apalete,” “Ɛtɛ nu ebui gele denɔ anyɛa nɛ shu nɛ kɛdɔ nɛ gɛ eti zi nɛ wɔ banɔ nɛ gɛ balɛ shu dana nɛ Yerusalɛm.

Axwɛwɛwa 9:22

Tsyɛ Saolo bushe ko eshe nɛ kemim klɛ yɛ tɛbhɛbhɛtɛ nɛ bhɛtɛ Yuɖanɛ nɛ gɛ ba lɛ Damaskosɛ nɛ kibi sɛ edzi bu akasɛ asɛ Yesu yɛ enu Kristo.

1 Kɔrintioanɛ 15:3

Alasɛ kɛgɛ ɛyɛkɛ ɛshɛnahwɛ kɛ lɛ shu kɔ nɔ anasɛ kɛ tɛtɔpu gɛ kɛŋaedzi, sɛ Kristo etsi nɛ bulɔɛ tɔkpu nɛ Kpayaeplukpa nɛ nu,

Galatianɛ 2:5

Bu dɛ kɔ balɛ dzo kibe bhli, sɛ tɛ kibui dzyɔgo nɛ gbɛagba kɛ wɔ wunɔ ahwɛ.

Galatianɛ 3:28

Yuɖanɛ ɔdɔgɔsɛ Grikianɛ avama, anɔdzidzi ɔdɔgɔsɛ agɛ alɛ ɛshuahwɛ avama, anyɛ ɔdɔgɔsɛ adzyɛ avama, alasɛ wɔnɔ petee nɔ nu anɔ terikpo nɛ Kristo Yesu mɛ.

Galatianɛ 6:11

Di buplukpa gbɛgbla nɛ gɛ ɛŋlɔmɛ kɔ nɔ nɛ mɛnahwɛ ahwɛ!

Efesoanɛ 1:1

Mɛ Paolo, Kristo Yesu anɔkpɛkpɛ ganɔ Kpaya tɛpɛpɛɛ mɛ. Kɔ kpayabanɔ nɛ̀ Efesosɛ, bagɛ tɛyɛkɛŋa lɛ balɛ ahwɛ nɛ Kristo Yesu mɛ:

Filipianɛ 1:1

Mɛ Paolo anɛ Timotio, Kristo Yesu baxwɛwa. Kɔ Kpayabanɔ nɛ petee gɛ balɛ Kristo Yesu mɛ nɛ́ Filipi, ɔyɛkɔ plɛnɔ bagɛ be di axwɛ nɛa bha anɛ baxwɛwa:

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

Koloseanɛ 1:2

Kɔ banɔnɛna nɛ badzya nɛ gɛ bayɛkɛŋa nɛ Kristo mɛ nɛ Kolose: Ɛyɛmɛyɛyɔ anɛ ishuyɛyɔ kɔ nɔ denɔ bulɔ Aka Kpaya ɔkɔ.

1 Tɛsolonianɛ 2:2

Bu tɛ tɔ bafla klɛ ba tɛ kula lɔ nɛ Filipi, ansɛ gɛ no nyi, pɔ nɛ bulɔ Kpaya nɛ tɛpɛplɛnɔ so bu dzu amɛ nɛ yɛ kibuidzyɔgo sɛ tɛ bu ɖɔɛ lɛ tsre nɔ nɛ kititilulɔ gɛganɛ mɛ tysɛ.

1 Timotio 1:18

Meyianyɛ, Timotio, itsre wɔ kibui nɛ kɛnyɛna nɛ gɛ ɔbɔ nyɛna ebui nɛ gɛ ba ɖɔelu nɛ wɔ shu nɛm ovunɔ, sɛ tɛ ganɔ alɛede zɛza tɛ ɔbɔ gɔnɛ tɛgugɔnɛ dzyɔgo,

1 Timotio 6:12

Gɔnɛ tɛyɛyɛkɛŋa tɛgugɔnɛ dzyɔgo. Nyɛna ɛkpã gɛ tɛ ba beke nɛm ovunɔ, ɛgɛ ɛlɛ mɛ le kulu wɔa kɔ, nɛ kibe lɛ gɛ ɔbhɛtɛ wɔ ishu mɛ dɛdanɛ dzyɔgo nɛ bebuimɔɖɔ gelee amɛ.

2 Timotio 1:13

Kɛgɛ onu denɔ mɛ ɔkɔ, nyɛna kɛlɛ ovunɔ ansɛ kidzoenu kɔ kɛdɔdzyɔgo kɛkasɛ, nɛ tɛyɛyɛkɛŋa anɛ tɛɖuɖɔ nɛ Yesu Kristo mɛ.

Titusɛ 1:4

Kɔ Titusɛ, mɛ eyianyɛ nɛ kɛgbɛagba mɛ nɛ bulɔ tɛyɛyɛkɛŋa tite mɛ, Ɛyamyuyɔ anɛ ishuyuyɔ denɔ Aka Kpaya anɛ Kristo Yesu bulɔ Ayɛyɛkɛkɔ nɛ ɔkɔ.

Hebriuanɛ 13:22

Ma dzyalɛ, ɛkpɛtɔkpuesi kɔ nɔ tɛ nɔ bhɛtɛ trɔ mɛ kaɖɔɖuɖɔ abha, alasɛ keplukpa kplita ko mɛ ŋlɔmɛ kɔ nɔ.

Hebriuanɛ 6:9

Kɛlɛlɛmɛ tsyɛ sɛ bu buɖɔ ebuianɛ di, mɛ ɔbhɛalɛ mɔ, bɔ yɛkɛ lɛabhaŋa sɛ ebui dzyɔgo alɛ wɔnɔ shu—ebui gɛ ala plɛnɔ tɛ bhubhuiyɛkɛ.

1 Petro 5:12

Nɛ̀ tɛpɛplɛnɔ denɔ Silas kɔ, agɛ ɛyɛkɔ kɛlɛ anasɛ tɛyɛyɛkɛŋa adzya, ɛtɛ ŋlɔmɛ sɛsɛnɔ gugunu, ɛkpɛ nɔ kemi klɛ mɛ ɖɔ sɛ kɛnɛ kɛlɛnu Kpaya ɛyɛmɛyuyɔ gbɛagba. Nɔ za lɛ mɛ gɛganɛ.

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

2 Petro 2:21

Kɛ tapɛ̃ kɔalɛdɛ gɛ be di ti kɛdzo kɔ kɛdzyɔgo bhɛbhɛtɛ, dɛ sɛ tɛ be ti lɛ klɛ tɛ be tsyina kede akpɛ ɛshã bhubhui nɛ gɛ bakpɛ kɔ alɛ.

Yuɖa 1:1

Yuɖa, Yesu Kristo axwɛdɛ anɛ Yakobo yɛadzya, Kɔ bagɛ be kulu, gɛ Kpaya Aka nɛ aɖɔ klɛ Yesu Kristo anyɛna evunɔ:

Yuɖa 1:17

Pɔ, ɛbhɛalɛ dzyɔgo mɔ, nɔ baka kɛgɛ bulɔ Apalete Yesu Kristo banɔkpɛkpɛ nɛ ba ɖɔ eputɔnɔ.

Yuɖa 1:20

Pɔ wɔnɔ, ɛbhɛyalɛ dzyɔgo mɔ, nɔ bhɔ wɔnɔ shu ɔtrɔ nɛ wɔnɔ tɛyɛyɛkɛŋa nɛna dɛ nɛm tɛ no kulukpaya nɛ Ɔfufɔɛ Dzyɔgo nɛm.

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.