Yuɖa 1:21 - ONUGBÙ NYƐNYÃ VUVƆ

²¹ Nɔ nyɛna wɔnɔ shu ɔkpɛ Kpaya anɔ ɖuɖɔm nɛ kibe lɛ mɛ gɛ no dzi ozo po ApaleteYesu Kristo eshutukubui didi sɛ tɛ amɛna nɔ kɔ ɛkpã gɛ tɛ ba beke di.

Yuɖa 1:21 Iomraidhean Croise

Yohanɛsɛ 1:17

Alasɛ ba kɔ ɔshã ganɔ Mose abha, ɛyɛmɛyuyɔ anɛ̀ kɛgba nɛ ba ganɔ Yesu Kristoa bha.

Yohanɛsɛ 14:21

Anɔ nɛ gɛ ayɛkɛ mɛ ɛshã klɛ abhɛtɛ atrɔ ɛlɛabha, yɛ nu anɔ nɛ gɛ adɛmɛnɔ nɛ mɛ. Anɔ nɛ gɛ adɛmɛnɔ nɛ mɛ mɛ Aka aba dɛmɛnɔ nɛ yɛ, klɛ mɛ tsyɛ ɛba dɛmɛnɔ nɛ yɛ klɛ ɛba yɛkɔ mɛ shu kasɛ yɛ.”

Axwɛwɛwa 11:23

Gɛ ede ku ɔkɛlɛ amɔ Kpaya ɛyamyuyɔ nɛ kɛdɔbhɛbhɛtɛ nɛ ɔkɛlɛ, klɛ so amɔ same klɛ akpɛa lɛ petee bugɛganɛ sɛ ba za kɛgbam nɛ Apalete anɛ balɛ idzyi petee.

Romanɛ 5:21

sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.

Romanɛ 5:5

Klɛ kidzoenu didi tɛ wɛɛ lɔ, alsɛ Kpaya atɛ balɛ yɛ tɛɖuɖɔ nɛ akpɛ bulɔ idzyi nɛm ganɔ Ɔfufɔɛ Dzyɔgo nɛa bha, gɛ atɛ yɛkɔ akɔ lɔ.

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

Romanɛ 8:39

buɖɛɖama ɔdɔgɔsɛ budzudzu o, ɔdɔgɔsɛ kɛdɔnyɛdɔɛdi nɛ kanɔa nɛm petee, kɛlɛ ba na lɔ pɔ nɛ Kpaya tɛɖuɖɔ nɛ gɛ kpasɛ Kristo Yesu bulɔ Apalete nɛm kɔ lɔ.

2 Kɔrintioanɛ 13:14

Kɔ Apalete Yesu Kristo ɛyamyuyɔ, anɛ Kpaya tɛdɛdɛmɛnɔ, anɛ Ɔfufɔɛ Dzyɔgo ɔhakpɛkpɛ lɔ za plɛnɔ wɔnɔ petee.

2 Tɛsolonianɛ 3:5

Kɔ Akagbla nɛ etsyina wɔnɔ idzyi nɛ akpɛ Kpaya anɔ ɖuɖɔ anɛ Kristo kanyɛtsitsi mɛ.

1 Timotio 1:2

Kɔ Timotio gɛ enu mɛ eyianyɛ kɛgbɛagba nɛ tɛyɛyɛkɛŋa nɛ mɛ, Ɛyamyuyɔ, eshutukubui didi anɛ ishuyuyɔ denɔ Kpaya gɛ enu Aka anɛ Kristo Yesu bulɔ Apalete nɛ ɔkɔ.

2 Timotio 1:16

Kɔ Apalete nɛ edi Onesiforusɛ anɛ yɛ bupa nɛ eshutukubui, alasɛ akpɛ mɛ same ebe gelee klɛ mɛ buɖɛ nɛ mɛ gɛ ɛkpasɛ nɛ tɛɛ ku yɛ kɛwɛ̃.

2 Timotio 1:18

Kɔ Apalete nɛ atrɔ ahwɛ sɛ tɛ amɔ eshutukubui didi edenɔ Apalete nɛ ɔkɔ nɛ kiwi lɛlɛ nɛa bha! Onyi mɔmɔ edzo tashɛ̃ nɔɔ nɛa bha gɛ aplɛnɔ mɛ nɛ Efesosɛ.

2 Timotio 1:2

Kɔ Timotio, meyianyɛ mumɔa: Ɛyamyuyɔ, eshutukubuididi anɛ ishuyuyɔ gɛ de Aka Kpaya anɛ Kristo Yesu bulɔ Apalete ɔkɔ.

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

2 Petro 3:12

anasɛ gɛ nɔ di kidzoenu kɔ Kpaya wui klɛ nɔ pɛɛ sɛ tɛ kɛba zia. Kiwui lɛlɛ bamɛna owũsise ɔlɛ tɛzizi anɛ kifu tɛtã, klɛ ɔlɛ mɛ kɛdɔnyɛdɔ balolo nɛ buhuhu nɛ mɛ.

1 Yohanɛsɛ 4:16

Klɛ so bu nyi klɛ bu tsiri tɛdɛdɛmɛnɔ nɛ gɛ Kpaya akɔ lɔ nɛabha. Kpaya enu adɛdɛmɛnɔ. Anɔ gɛ alɛ tɛdɛdɛmɛnɔ mɛ alɛ Kpaya mɛ klɛ Kpaya alɛ yɛ mɛ.

1 Yohanɛsɛ 5:18

Bu nyi sɛ anɔnyanɔ gɛ ba mɔ nɛ Kpaya mɛ ata za lɛabha abhɛtɛ kibui kpã, agɛ yɛ la mɔ nɛ Kpaya mɛ akpɛ buka akana yɛ, klɛ ɔfufɔɛ kpã nɛ lɔ tɛ bɔ bhɛtɛ yɛ kizizi.

1 Yohanɛsɛ 5:21

Banuvɔ mumɔa, no bu wɔnɔ shu denɔ bakpaya bhubhɔ mɛ.

Yuɖa 1:1

Yuɖa, Yesu Kristo axwɛdɛ anɛ Yakobo yɛadzya, Kɔ bagɛ be kulu, gɛ Kpaya Aka nɛ aɖɔ klɛ Yesu Kristo anyɛna evunɔ:

Yuɖa 1:22

Di bagɛ ba taa yɛkɛ aŋa nɛ eshutukubui;

Yuɖa 1:24

Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.